| e-texts navigator |
| Wylie |
303a1 མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། མུ་ནེ་མུ་ནེ། ཤཱནྟེ་བི་ཤུདྡྷེ་ག་ག་ན་ཏ་ལེ་པུ་གནྡྷེ་གནྡྷ། ཨུ་ད་ཀ་བ་ལིཾ་ཙ་ཧ་ར་ཧ་ར་ཀ་ར་ཀ་ར་བི་བྷུ་སྭཱ་ཧཱ། མེ་ཏོག་དང་། དྲི་དང་། བདུག་པ་དང་། མར་མེ་ཐམས་ཅད་ལ་སྔགས་འདིས་ལན་བདུན་མངོན་པར་བསྔགས་པས
303a2 ལན་ཅིག་བཟླས་སམ་དབུལ་བར་བྱའོ། །སའི་གོང་བུ་དཀར་པོས་རྟག་ཏུ་བདག་ཉིད་གཙང་བར་བྱའོ། །བཅོམ་ལྡན་འདས་ལ་གུར་གུམ་གྱི་ཆུ་དང་། ཙནྡན་དང་། ག་པུར་གྱི་དྲི་དང་། ཏུ་རུཥྐ་ལ་སོགས་པ་དང་། ཨ་ག་རུའི་བདུག་པ་དང་། བལླི་ཀའམ། ཙམ་པ་ཀའི
303a3 མེ་ཏོག་གི་ཕྲེང་བ་དང་། འོ་མ་སུམ་ཅུ་རྩ་གཉིས་སུ་འགྲོ་བར་བྱ་སྟེ། ཟན་གྱི་གཏོར་མ་དང་། བའི་མར་གྱི་མར་མེ་རྣམས་སོ། །དེ་ནས་འདིའི་རས་རིས་འབྱུང་སྟེ། འདོད་པའི་སྐྲ་དང་བྲལ་བ་ཁ་ཚར་མ་བཅད་པ་ཇི་ལྟར་རྙེད་པར་གྱུར་པ་ལ་བཅོམ་ལྡན་འདས་སྤྱན་རས
303a4 གཟིགས་དབང་ཕྱུག་གུར་གུམ་གྱིས་བྲི་བར་བྱའོ། །ཆུ་ལས་སྐྱེས་པའི་པདྨའི་གདན་དང་ཕྱག་ན་པདྨ་དང་པདྨའི་ཕྲེང་བས་བརྒྱན་པར་བྱས་པ། གོས་དཀར་པོ་ཅན་མཆོད་ཕྱིར་ཐོགས་པ། ཕྱག་མི་འཇིགས་པ་རབ་ཏུ་སྦྱིན་པ། རལ་པ་གྱེན་དུ་བརྫེས་པ་དེ་ལྟ་བུར་བྲི་བར་བྱའོ། །བཅོམ
303a5 ལྡན་འདས་སྔར་བརྗོད་པའི་གནས་སུ་རས་རིས་ཞལ་ཤར་དུ་མངོན་པར་ཕྱོགས་པར་བཞུགས་སུ་གསོལ་ནས་འབུམ་ཕྲག་བཅུར་བཟླས་པར་བྱའོ། །བཟླས་པ་ཡོངས་སུ་རྫོགས་པ་ན་མེ་སྦར་ནས་སྦྲང་རྩི་དང་མར་སྦྱར་བས་དུས་གསུམ་དུ་སྦྱིན་སྲེག་ཇི་སྲིད་འབུམ་རྫོགས་ཀྱི་བར་དུ་བྱས་ན
303a6 གང་མངོན་པར་འདོད་པ་དེ་རྙེད་པར་འགྱུར་རོ། །རྒྱལ་སྲིད་ཀྱི་ལོངས་སྤྱོད་འདོད་ན་གུར་གུམ་དང་། ཙནྡན་དང་། མེ་ཏོག་བརྒྱ་པ་དང་། འབྲས་ཡོས་རྣམས་གཅིག་ཏུ་བྱས་ནས་མར་དང་སྦྲང་རྩིས་བཏགས་ནས་ཐུན་གསུམ་དུ་སྦྱིན་སྲེག་བྱའོ། །སྦྱིན་སྲེག་མཐའི་ཉི་མ་ལ་མཐོང
303a7 བ་སྩོལ་བར་བྱེད་དོ། །མཚན་མ་འདི་རྣམས་ཀྱང་སྩོལ་ཏེ་གཙུག་པུད་གྱེན་དུ་བརྫེས་པར་འགྱུར་རོ། །སྐྱོན་མེད་པའི་འོད་ཀྱི་རྒྱལ་མཚན་དང་། ཕྲེང་བ་འབར་བའི་རས་རིས་རབ་ཏུ་སྦྱིན་པའམ་སྨྲ་བར་བྱེད་དོ། །རིག་པ་འཛིན་པས་ཡིད་ཀྱིས་བཟླས་པ་བྱ། ནམ་མཁར་ལྷའི་ངག་ཐོས་ན
iiif viewer powered by OpenSeadragon
