| e-texts navigator |
| Wylie |
302a1 པའི་ཤམ་ཐབས་ཅན་རལ་པ་གྱེན་དུ་བརྫེས་པ་དེ་ཡང་རབ་ཏུ་འཕྱང་བཞིན་པ། ཕྱག་ན་བྱ་མ་བུམ་ཐོགས་པའམ། པདྨ་དཀར་པོའི་འདབ་མ་བསྣམས་པ། གཡོན་གྱི་གཞོགས་སུ་ལྷ་མོ་འཕགས་མ་དཀར་མོ་ཆེན་མོ་སེང་གེའི་གདན་ལ་ཉེ་བར་འདུག་པ། ཕྱག་པདྨ་དང་། མཆོག
302a2 སྦྱིན་མ་དང་། སྒྲུབ་པ་པོ་ནི་སྔོན་བཞིན་ནོ། །དེ་ནས་རིག་པ་འཛིན་པས་འོ་མ་དང་ནས་ཟན་བཟའ་ཞིང་བྲིས་སྐུའི་སྤྱན་སྔར་སྔོན་དུ་བསྙེན་པ་བྱའོ། །དྲི་ཞིམ་པོའི་མེ་ཏོག་ལག་པ་རྣམས་ཀྱིས་མཆོད་པ་དང་། མར་གྱི་མར་མེ་དང་། ཨ་ག་རུ་དང་། ཏུ་རུཥྐའི་བདུག་སྤོས་དང་། གཏོར་མ་ཡང་རིག
302a3 པ་འཛིན་པས་དེ་བཞིན་དུ་དབུལ་བར་བྱའོ། །ན་མོ་བུདྡྷཱ་སྱ། ན་མོ་དྷརྨཱ་སྱ། ན་མཿ་སཾ་གྷ་སྱ། ན་མ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ན་མོ་ཨཱརྱཱ་ཡ། མ་ཧཱ་སཏྭཱ་ཡ། ཏདྱ་ཐཱ། སུ་རུ་མེ་སུ་རུ་མ། ཀུ་རུ་ཀུ་རུ། སུ་རུ་མེ་ཀརྨ་སཱ་དྷཱ་ཡ། བུདྡྷ་སདྱེ་ན།
302a4 དྷརྨ་སཏྱེ་ན། སཾ་གྷ་སཏྱེ་ན། ཨཱ་གཙྪ་ཤཱིགྷྲཱཾ་དེ་བ་དཏྟེ་སྭཱ་ཧཱ། སྤྱན་དྲང་བའི་རིག་པའོ། །ཏདྱ་ཐཱ། ད་མེ་ད་སེ་སྭཱ་ཧཱ། དྲིའི་རིག་པའོ། །ཏདྱ་ཐཱ། ཧུ་ཧུ་ཧུ་ར་ཧུ་མ་ཧཱ་མེ་དེ་སྭ་རེ་སྭཱ་ཧཱ། །མེ་ཏོག་གི་རིག་པའོ། །ཏདྱ་ཐཱ། མེ་གྷ་བི་ཧྲ་ཏེ་སྭཱ་ཧཱ། བདུག་པའི་རིག་པའོ། །ཏདྱ་ཐཱ། ཏུ་ཏུ་ཏུ་ཏུ་ཏུ་རུ
302a5 མ་ཧཱ་ཏུ་རུ་ཎེ་སྭཱ་ཧཱ། གཏོར་མའི་རིག་པའོ། །འདི་རྣམས་ཉིད་དང་མར་མེ་བདུན་གྱི་ཕྲེང་བ་གནས་པའི་རས་རིས་ཀྱི་སྤྱན་སྔར་ཀུ་ཤའི་ཁྲེས་ལ་ཉེ་བར་འདུག་སྟེ། ཞོ་དང་། སྦྲང་རྩི་དང་། མར་ལ་བཏགས་པའི་པདྨའི་སྦྱིན་སྲེག་བྱ་སྟེ་འབུམ་ཕྲག་བདུན་དེ་སྲིད་པར་རོ། །རང་ཉིད་འགུལ་བ
302a6 དང་འཕགས་པ་སྤྱན་རས་གཟིགས་དབང་ཕྱུག་མངོན་སུམ་དུ་མཐོང་བར་འགྱུར་རོ། །རང་འདོད་པ་དེ་རྙེད་པར་འགྱུར་རོ། །ཆོ་ག་འདི་ཉིད་ཀྱིས་བིལ་བའི་ཡམ་ཤིང་གིས་སྟོང་ཕྲག་བརྒྱར་སྦྱིན་སྲེག་བྱས་ན་གང་འདོད་པ་དེ་ཡང་དག་པར་རྫོགས་པར་བྱེད་དོ། །གང་གཱའི་ཀླུང་གི་འགྲམ་དུ
302a7 ཉེ་བར་གནོད་པ་མེད་པ། སྐྱེ་བོ་དང་བྲལ་བར་བྱེ་མ་ལ་མཆོད་རྟེན་བྱས་ནས་དྲི་དང་མེ་ཏོག་དང་བདུག་སྤོས་ལ་སོགས་པ་ཕུལ་ཏེ་སྟོང་ཕྲག་བརྒྱད་བཟླས་པ་བྱའོ། །ཉི་མ་སོ་སོ་རེ་རེ་ཞིང་མཆོད་རྟེན་བྱའོ། །བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོའི་མདོ་སྡེ་བཅོམ་ལྡན་འདས་མ
iiif viewer powered by OpenSeadragon
