| e-texts navigator |
| Wylie |
301b1 སྒྲོལ་མའི་གསང་ཆེན་དུ་གྱུར་པ་སྒྲུབ་པ་པོས་གདོན་མི་ཟ་བ་ཁོ་ནར་དྲན་པར་བྱ་བ་སྟེ། དེ་སེམས་དཔའ་ཆེན་པོ་ཁྱོད་ལ་བཤད་དོ། །དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་མ་སྒྲུབ་པའི་དོན་དུ་རིགས
301b2 ཀྱི་བདག་པོ་གསུང་དུ་གསོལ། འདོད་པ་ཕུན་སུམ་ཚོགས་བྱེད་པ། །བཅོམ་ལྡན་རྡུལ་མུན་རྣམ་པར་གྲོལ། །ཆགས་པས་མངོན་པར་ཞི་བ་དང་། །བྱང་ཆུབ་ངེས་འབྱིན་སྡིག་པ་ལས། །ཀུན་དུ་གཟིགས་པའི་ཟླ་བ་ལ། །འཕགས་པ་སྤྱན་རས་གཟིགས་དབང་ཕྱུག་།སྲིད་པའི་ས
301b3 བོན་རྣམ་འཇོམས་པར། །ཕྱག་འཚལ་མཆོད་དེ་ཁྱོད་ལ་བརྟེན། །བཤད་བྱ་གལ་ཏེ་འབྱུང་བར་བྱེད། །སླར་ཡང་སྲིད་པར་འབྱུང་བར་འགྱུར། །ཏདྱ་ཐཱ། ཤྭེ་ཏེ་ཤྭེ་ཏེཾ་གེ་ཤྭེ་བྷུ་ཛེ་ཤྭེ་ཏ། མཱ་ལྱེ་རཱ་ལཾ་ཀྲྀ་ཏེ། ཛ་ཡེ་བི་ཛ་ཡེ་ཨ་ཛི་ཏེ་ཨ་པ་རཱ་ཛི་ཏེ་སྭཱ་ཧཱ། དྲན་པ་ཉིད་ལས།
301b4 འདིའི་སྔགས་ཀྱི་དངོས་གྲུབ་མྱུར་དུ་འབྱུང་བར་འགྱུར་རོ། །དེ་ལ་འདིའི་སྔགས་ནི་ཐོ་རངས་ལངས་ནས་བཅོམ་ལྡན་འདས་མ་འཕགས་མ་སྒྲོལ་མའི་སྒྲུབ་པ་པོས་གཙང་མར་གྱུར་པ་ལན་བདུན་བྱས་ཆུ་བོར་ཞུགས་ཤིང་ཐལ་མོ་སྦྱར་ཏེ་ཡོངས་སུ་བཟླས་ནས་ཤར་དུ་མངོན་པར་ཕྱོགས་པས
301b5 གཏོར་བར་བྱའོ། །བགེགས་ཐམས་ཅད་ཞི་བར་འགྱུར་ཞིང་ལས་ཀྱི་དངོས་གྲུབ་ཀྱང་འབྱུང་ངོ་། །སྙིང་ཁར་མཐེ་བོང་བྱིན་ནས་ལན་ཅིག་བཟླས་ན་ལྷ་རྣམས་ཀྱིས་བྱིན་གྱིས་རློབ་པར་འགྱུར་རོ། །བདག་ཉིད་རྣམ་པར་དག་པར་ཡང་འགྱུར་རོ། །དེའི་ཕྱག་རྒྱ་ཡང་འདིར་སྦྱར་བར་བྱའོ། །
301b6 བགེགས་ཐམས་ཅད་མེད་པར་འགྱུར་ཞིང་ལས་ཀྱི་དངོས་གྲུབ་ཀྱང་འབྱུང་ངོ་། །སྙིང་ཁར་མཐེ་བོང་བྱིན་ནས་ལན་ཅིག་བཟླས་ན་ལྷ་རྣམས་ཀྱིས་བྱིན་གྱིས་རློབ་པར་འགྱུར་རོ། །བདག་ཉིད་རྣམ་པར་དག་པར་ཡང་འགྱུར་རོ། །དེའི་ཕྱག་རྒྱ་ཡང་འདིར་སྦྱར་བར་བྱའོ། །དེ་ནས
301b7 འདིའི་སྒྲུབ་ཐབས་ཀྱི་ཆོ་གར་འགྱུར་ཏེ། མ་ཉམས་པའི་རས་སྐྲ་དང་བྲལ་བ་འབྲས་བུ་ཅན་ནམ། མ་འདྲེས་པའི་ཚོན་གྱིས་རི་མོ་མཁན་གསོ་སྦྱོང་ཅན་གྱིས་འཕགས་པ་སྤྱན་རས་གཟིགས་དབང་ཕྱུག་འདྲིར་གཞུག་པར་བྱའོ། །པདྨའི་སྙིང་པོ་ལ་འདུག་པ། སྟག་གི་པགས
iiif viewer powered by OpenSeadragon
