| e-texts navigator |
| Wylie |
301a1 ཡང་ལས་བྱེད་པར་འགྱུར་རོ། །གི་ཝང་ལ་ལན་བདུན་མངོན་པར་བསྔགས་པས་ཁྱད་པར་དུ་བྱས་ནས་གང་མཐོང་བ་དང་། གང་རྣམས་མཐོང་བ་དེ་ཐམས་ཅད་དགའ་བར་འགྱུར་རོ། །དེ་བཞིན་དུ་མིག་སྨན་གྱིས་སོ། །ཐོ་རངས་ལངས་ནས་ལན་བདུན་མངོན་པར་བསྔགས
301a2 པའི་ཆུས་བདེ་བར་ཁྲུས་བྱས་ན་གང་ལ་བལྟས་པ་དེ་སྦྱིན་པར་བྱེད་ཅིང་དེ་འབངས་སུ་ཡང་འགྱུར་རོ། །དེ་བཞིན་དུ་ཏིལ་མར་སོ་ལ་མ་རེག་པར་བཟའ་བས་འདོད་པས་ཁྱེར་བའི་ཆུ་ལ་ལན་བདུན་མངོན་པར་བསྔགས་པར་བྱས་ནས་འཐུངས་ན་དོན་དུ་མ་གཉེར་བར་ཡང་བཟའ་བ་རྙེད་དོ། །རྒྱལ
301a3 པོའི་ཁབ་ཏུ་ཞུགས་ནས་ཆོས་གོས་ཀྱི་མཐའ་ནས་བཟུང་སྟེ་ལན་ཉི་ཤུ་རྩ་གཅིག་ཏུ་ཡོངས་སུ་བཟླས་ནས་ལག་པ་གཡོན་པས་མདུད་པ་བྱའོ། །རྒྱབ་ཏུ་མི་ལྟ་བར་སོང་ན་སྨྲ་བ་ཐམས་ཅད་ཀྱི་མཆོག་ཏུ་འགྱུར་རོ། །ཆོམ་རྐུན་གྱི་ནང་དུ་སོང་བས་ཀུན་དུ་འཕྲོག་པར་བྱ་བ་ཉིད་ལ་བཟླས
301a4 པས་གཙང་བར་བྱེད་དོ། །གཅོད་པ་དང་། འབུགས་པ་ལ་སོགས་པ་རྣམས་ཀྱི་སྔགས་རྣམས་སོ། །སཱ་ལུའི་འབྲུ་དང་། ཀ་ར་བཱིར་དཀར་པོ་དང་། དོན་གྲུབ་དང་། །ཀཱ་བ་རྣམས་ཀྱིས་གཟུགས་བརྙན་བྱས་ནས་ལག་པ་གཡོན་པས་མནན་ཏེ་སྟོང་ཕྲག་བརྒྱད་བཟླས་པ་བྱས་ན་སྟེང་དུ
301a5 ལངས་པར་བྱས་པར་འགྱུར་རོ། །རིམས་གཞོམ་པར་འདོད་ན་གི་རི་ཀདྣ་ཀ་རའི་མེ་ཏོག་ལ་སྟོང་ཕྲག་བརྒྱད་བཟླས་པ་བྱས་ན་ཉི་མ་བདུན་གྱིས་ཤ་ཟའི་རིམས་ཉམས་པར་བྱེད་དོ། །སེང་ལྡེང་གི་ཡམ་ཤིང་གིས་སྦྱིན་སྲེག་སྟོང་ཕྲག་བརྒྱད་བྱས་ན་གདོན་ཐམས་ཅད་འཇོམས་པར་བྱེད་དོ། །
301a6 ཐལ་བ་ལ་ལན་བདུན་བཟླས་པས་ཕ་རོལ་གྱི་སྔགས་རྣམས་འཆིང་བར་བྱེད་དོ། །ཆུ་ལ་ལན་ཅིག་བཟླས་པས་གྲོལ་ལོ། །དེ་ལྟ་བུ་ལ་སོགས་པའི་ལས་རྣམས་སོ། །དེ་ནས་ཡང་། བཅོམ་ལྡན་འདས་ཤཱཀྱ་ཐུབ་པས་སླར་ཡང་འཁོར་གྱི་དཀྱིལ་འཁོར་ཆེན་པོ་དེ་ལ་གཟིགས་ནས་བྱང
301a7 ཆུབ་སེམས་དཔའ་ཆེན་པོ་ལ་བཀའ་སྩལ་པ། སེམས་དཔའ་ཆེན་པོ་འདོད་པ་ཕུན་སུམ་ཚོགས་པར་བྱེད་པ་ཞེས་བྱ་བ་ཡོད་དོ། །དེ་ནི་རིགས་ཀྱི་བདག་པོ། སངས་རྒྱས་ཐམས་ཅད་ཀྱི་རྗེས་སུ་ཡི་རང་བ་རྟོག་པའི་རྒྱལ་པོ་འདི་སྒྲུབ་ཐབས་ཀྱི་ཆོ་ག་བཅོམ་ལྡན་འདས་མ་འཕགས་མ
iiif viewer powered by OpenSeadragon
