| e-texts navigator |
| Wylie |
300b1 པ་དེ་དབང་དུ་བྱེད་དོ། །ཆོ་ག་འདི་ཉིད་ཀྱིས་ཨ་པཱ་མརྒའི་ཡམ་ཤིང་གིས་སྦྱིན་སྲེག་བྱའོ། །ནོར་འདོད་ན་བ་ལང་གི་གནས་སུ་སོང་ནས་སངས་རྒྱས་བཅོམ་ལྡན་འདས་ཀྱི་སྤྱན་སྔར་ས་ལ་མ་ལྷུང་བའི་བ་བྱུང་གིས་ལག་པས་མ་བཟོས་པའི་མཆོད་རྟེན་བྱས་ལ་ཆོ་ག་བཞིན་དུ་མཆོད་ནས་གུ
300b2 གུལ་བསྲེགས་ཏེ་སྟོང་ཕྲག་བརྒྱར་བཟླས་པ་བྱའོ། །བ་ལང་སྟོང་ངམ་ནོར་རྙེད་པར་འགྱུར་རོ། །ཆོ་ག་འདི་ཉིད་ཀྱིས་མར་དང་། སྦྲང་རྩི་ལ་སོགས་བསྲེག་ཅིང་སྟོང་ཕྲག་བརྒྱར་བཟླས་པ་བྱའོ། །གྲོང་བཅུ་གཉིས་ཀྱིས་བསྐོར་བ་རྙེད་པར་འགྱུར་རོ། །ཆོ་ག་འདི་ཉིད་ཀྱིས་མཆོད་རྟེན་བྱས
300b3 ནས་ཙནྡན་གྱིས་བཏགས་པའི་པདྨའི་གདན་དང་ལྷ་བཤོས་སྟོང་ཕྲག་བརྒྱ་དབུལ་ཏེ་ཡུལ་གྱི་དཔོན་པོ་ཐོབ་པར་འགྱུར་རོ། །ཆོ་ག་འདི་ཉིད་ཀྱིས་གུ་གུལ་གྱི་བདུག་པ་བསྲེགས་ཏེ་ཙམ་པ་ཀའི་མེ་ཏོག་སྟོང་ཕྲག་བརྒྱ་དབུལ་ཏེ། གསེར་སྟོང་རྙེད་པར་འགྱུར་རོ། །ཆོ་ག་འདི་ཉིད
300b4 ཀྱིས་ནཱ་ག་གེ་སར་གྱི་མེ་ཏོག་སྟོང་ཕྲག་བརྒྱར་དབུལ་བར་བྱ་སྟེ། རས་བཅོས་བུའི་གོས་སྟོང་རྙེད་པར་འགྱུར་རོ། །དེ་བཞིན་དུ་མེ་ཏོག་ཐམས་ཅད་འདོད་པའི་ཆོ་ག་ཐམས་ཅད་དུར་ཁྲོད་དུ་རོ་བསྲེགས་པའི་ཐལ་བ་བླངས་ནས་ཟླ་བ་ཉ་ལ་ཉིན་མཚན་དུ་སྨྱུང་བར་གནས་ཏེ་མིང་མེད
300b5 ཀྱི་སོར་མོའི་ཁྲག་གིས་ཟླུམ་སྐོར་བྱས་ནས་གཟུགས་བརྙན་བྲིས་ཏེ་རྐང་པ་གཡོན་པས་མནན་ནས་སྟོང་ཕྲག་བརྒྱད་བཟླས་པ་བྱས་ན། དང་པོ་གོས་བདུན་དང་། མདོར་ན་རིགས་དང་བཅས་པ་ཐམས་ཅད་རྙེད་པར་འགྱུར་རོ། །མཆོད་རྟེན་བྱས་ནས་ཤིང་ཨདྷི་བ་ལ་ཛ་ལ་ཞོ་དང
300b6 སྦྲང་རྩི་དང་། མར་ལ་བཏགས་པ་སྟོང་ཕྲག་བརྒྱད་སྦྱིན་སྲེག་བྱའོ། །གང་སྟོན་པའི་བུ་མོ་དེས་སྦྱིན་པར་བྱེད་དོ། །མི་སྦྱིན་ན་འཆི་བར་འགྱུར་རོ། །སཱ་ལའི་རྒྱབ་ནས་བྱུང་བའི་གཟུགས་བརྙན་བྱས་ལ་ཡུངས་མར་གྱིས་འདི་བཀང་ནས་ལྕགས་ཀྱི་ཐུར་མས་ཕུག་སྟེ་ཚ་བའི་ཏིལ
300b7 མར་གྱིས་བྱུགས་ཏེ་དུར་ཁྲོད་དུ་སྟོང་ཕྲག་བརྒྱད་བཟླས་པར་བྱའོ། །ལུས་གཅིག་པའི་བུད་མེད་དམ། དམངས་རིགས་དབང་དུ་འགྱུར་རོ། །གཉིས་པ་ལ་རྗེ་རིགས་དང་། རྒྱལ་རིགས་མའོ། །གསུམ་པ་ལ་དགེ་སློང་དང་། བྲམ་ཟེ་མའོ། །ཞེས་ཏེ་མདོར་ན་མ་བསྒྲུབས་པར
iiif viewer powered by OpenSeadragon
