| e-texts navigator |
| Wylie |
299b1 གི་ལམ་བདུན་དུ་རྣམ་པར་རྒྱུ་བར་བྱེད་པར་འགྱུར་རོ། །རྣ་བའི་མིག་སྨན་བསྟེན་པ་དང་། ལྡོང་རོས་ལག་པ་ཡང་དངོས་གྲུབ་རྣམ་པ་གསུམ་མོ། །དེ་ནས་རྡོ་རྗེ་སྒྲུབ་པར་འདོད་ན་ཐོག་ཕོག་པའི་ཤིང་བླངས་ནས། སོར་བཅུ་དྲུག་པའི་ཚད་ཀྱི་རྡོ་རྗེའི་རྣམ་པ་བྱའོ། །ཟླུམ་སྐོར་དུ་ཁྲུ་གང་ཙམ
299b2 གྱི་ཚད་ཀྱི་མཆོད་རྟེན་བྱས་ནས། དེའི་སྤྱན་སྔར་ཆོ་ག་འདི་མཐོང་བས་ཟླ་བ་ཉ་ལ་མཚན་མོ་གསུམ་དུ་སྨྱུང་བར་གནས་པས་སངས་རྒྱས་བཅོམ་ལྡན་འདས་ལ་མཆོད་པ་རྒྱ་ཆེན་པོ་བྱས་ནས་རྡོ་རྗེ་དེ་ཉིད་ལ་ངེས་པར་སེམས་པས་ལྟ་བཞིན་པ་དང་ལྡན་པས་རྡོ་རྗེ་བླངས་ཏེ། དུར་ཁྲོད་དུ་འགྲོ་བར་བྱའོ། །
299b3 ཤར་དུ་རྒྱུན་འབབ་པ་དང་མཐུན་པའི་རྒྱུན་བྱའོ། །ཆུ་ཀླུང་གི་འགྲམ་གཉིས་ཀྱིས་བླངས་ནས་བ་བྱུང་ལྔས་ཟླུམ་སྐོར་བྱའོ། །ཟླུམ་སྐོར་བྱས་ནས་ཁྲུ་གང་ཙམ་གྱི་ཚད་ཀྱི་མཆོད་རྟེན་བྱས་ནས་དེའི་སྤྱན་སྔར་ཆོ་ག་འདི་མཐོང་བས་མཆོད་པ་བྱའོ། །དེ་ནས་དུར་ཁྲོད་དུ། རས་རིས་དེའི
299b4 དྲུང་དུ་རྡོ་རྗེ་བཞག་སྟེ། དེའི་སྟེང་དུ་བཞག་ནས་ལག་པས་མནན་ལ་ཇི་སྲིད་དུ་གོང་བུའི་འོག་གི་ཁུང་བུར་ལྟུང་བ་དེ་སྲིད་དུ་བཟླས་པར་བྱའོ། །དེ་ནས་ཁྲུས་བྱས་ནས་དེ་ཉིད་དུ་ལག་པས་རྡོ་རྗེ་བླངས་ནས་རབ་ཏུ་འཇུག་གོ། །བསླངས་པའི་བསོད་སྙོམས་བླངས་ནས་བཅོམ་ལྡན་འདས་ལ་གཏོར
299b5 མས་ཉེ་བར་མཆོད་དེ། ཁྲུས་བྱས་ནས་རྡོ་རྗེ་དེ་ཉིད་ལ་དུར་ཁྲོད་ཀྱི་ཐལ་བ་ཇི་སྲིད་སྦགས་པར་སོ་སོར་གཞག་གོ། །ཆོ་ག་འདིས་དུར་ཁྲོད་ཀྱི་ཤ་ལ་བཟླས་པར་བྱའོ། །མཐར་མཚན་མོ་གསུམ་དུ་ཆོ་ག་བཞིན་དུ་གཏོར་མའི་མཆོད་པ་དབུལ་བར་བྱས་ནས་བདག་ཉིད་དམ། གྲོགས་བཟང་པོ
299b6 ལ་བསྲུང་བ་བྱས་ཏེ། ལག་པ་གཉིས་ཀྱིས་མནན་ཏེ་ཇི་སྲིད་དུ་དངོས་གྲུབ་རྣམ་པ་གསུམ་དུ་གྱུར་པ་དེ་སྲིད་དུ་བཟླས་པ་བྱའོ། །དངོས་གྲུབ་དང་པོ་ལ་གང་བལྟས་པ་དང་གང་གིས་མཐོང་བ་དེ་རྣམས་རབ་ཏུ་དགའ་ཞིང་དབང་དུ་འགྱུར་རོ། །གཉིས་པ་རས་རིས་ཀྱི་སའི་རྡུལ་ཕྱིས་པ་ཙམ་གྱིས་མི
299b7 སྣང་བ་དང་། གླང་པོ་ཆེ་སྟོང་ཕྲག་དགུའི་སྟོབས་དང་ལྡན་པ་དང་། རླུང་ལྟར་མགྱོགས་པ་དང་། སྐལ་བ་དྲུག་འཕྲོག་པ་དང་། འདོད་པས་འགྲོ་བ་དང་། ཆར་འབེབས་པ་དང་། རྣམ་པར་སྣང་བར་བྱེད་པ་དང་། མཐུ་ཆེན་པོར་འགྱུར་རོ། །གསུམ་པ་ལ་ནི་ཉི་མ་འཆར་ཀ་དང
iiif viewer powered by OpenSeadragon
