| e-texts navigator |
| Wylie |
299a1 ག་རུའི་བདུག་པ་བསྲེགས་ཏེ་འབུམ་ཕྲག་བཅུར་བཟླས་པ་བྱའོ། །སྔོན་དུ་བསྙེན་པ་བྱས་པ་དང་། སྔོན་སྤྱད་པ་བྱས་པར་འགྱུར་རོ། །དེ་ནས་མིག་སྨན་སྒྲུབ་པར་འདོད་ན་དཔའ་བོའི་རིན་གྱིས་ཉོས་པའི། དཔའ་བོ་བཟང་པོ་ལས་བྱུང་བའི་མིག་སྨན་སྲང་གཅིག་བླངས་ནས་བྲམ
299a2 ཟེའི་བུ་མོས་བ་བྱུང་ལྔ་ཁ་བྱང་དུ་བལྟས་པ་འཐག་ཏུ་གཞུག་པར་བྱའོ། །མིང་མེད་ཀྱི་སོར་མོས་རིལ་བུ་བཞི་བྱས་ལ་པདྨའི་འདབ་མས་བཀབ་ལ་སྐམ་དུ་གཞུག་པར་བྱའོ། །སངས་རྒྱས་བཅོམ་ལྡན་འདས་ཀྱི་ཆོ་ག་བཞིན་དུ་མེ་སྦར་ནས་སྟོང་ཕྲག་རྫོགས་པར་སྦྱིན་སྲེག་བྱ་སྟེ། དེ་ནས་རིང
299a3 བསྲེལ་དང་བཅས་པའི་མཆོད་རྟེན་ལ་རས་རིས་བཞུགས་ནས་མཆོད་པ་རྒྱ་ཆེན་པོ་རྒྱ་ཆེན་པོར་བྱས་ཏེ། ཕྱོགས་བརྒྱད་དུ་པ་ལཱ་ཤའི་ཤིང་གིས་མེ་སྦར་ནས་ཞོ་དང་སྦྲང་རྩི་དང་། མར་ལ་བཏགས་པའི་རྣམ་པར་འདྲེན་པའི་སྦྱིན་སྲེག་བྱའོ། །དེ་ནས་ཕྱོགས་བཞི་རྣམས་སུ་དཀྱིལ་འཁོར་བྱས
299a4 ནས་ཕྱོགས་སྐྱོང་བ་རྣམས་བཞག་སྟེ། དཀྱིལ་འཁོར་གཉིས་པར་རབ་ཏུ་སད་པར་བྱེད་པ་ལག་ཏུ་ཡུངས་ཀར་ཐོགས་པའོ། །དཀྱིལ་འཁོར་གསུམ་པར་ལེགས་པར་གྲོགས་བཟང་པོའམ། གྲོགས་མེད་ཀྱང་རུང་སྟེ། སྔགས་ཀྱི་མཆོད་པ་ཆེན་པོ་བྱས་ནས་བསྲུང་བ་བྱ་སྟེ། ཁ་ཤར
299a5 དུ་ཕྱོགས་པས་ཉེ་བར་འདུག་ལ་ཀུ་ཤ་བཏིང་ཞིང་བཀྲམ་ནས་ཨ་ཤྭཏྠའི་འདབ་མ་གསུམ་གྱི་སྟེང་ནས་དང་། བཞིས་འོག་ནས་གཡོགས་ཏེ། ལག་པས་མནན་ལ་ཇི་སྲིད་དྲོ་བར་གྱུར་པ་དང་། དུ་བ་འཐུལ་བ་དང་། རབ་ཏུ་འབར་བ་དེ་སྲིད་དུ་བཟླས་པར་བྱའོ། །དང་པོ་དངོས་གྲུབ
299a6 ནི་འདིས་རྒྱལ་བའི་བདག་ཉིད་ཀྱི་སྤྱན་ཏེ། གང་མཐོང་བ་དང་། གང་རྣམས་མཐོང་བ་དེ་རྣམས་ཐམས་ཅད་དབང་དུ་འགྱུར་རོ། །གཉིས་པའི་དངོས་གྲུབ་ནི་གླང་པོ་ཆེ་དགུའི་སྟོབས་དང་། རླུང་ལྟར་མགྱོགས་པ་དང་། ལོ་ལྔ་བརྒྱར་འཚོ་བ་དང་། གླང་པོ་ཆེ་བཅུ་འཕྲོགས་པ་དང་། རིག་པ
299a7 འཛིན་པ་ཐམས་ཅད་ཀྱི་ཟིལ་གྱིས་གནོན་པ་མ་ཡིན་པ་དང་འབར་ཞིང་འཆར་བའི་ཉི་མ་དང་འདྲ་བ། ལུས་རིན་པོ་ཆེས་བརྒྱན་པ། བར་གྱི་བསྐལ་པར་གནས་ཤིང་གཞན་འདྲེན་པར་བྱེད་པ། རིག་པ་འཛིན་པ་ཟིལ་གྱིས་མི་ནོན་པའི་འཁོར་ལོས་སྒྱུར་བ། གསར་དུ་འགྲོ་བཞིན་པ། རླུང
iiif viewer powered by OpenSeadragon
