| e-texts navigator |
| Wylie |
298b1 སྡུག་ན་བདག་སྡུག་པར་ལེགས་པར་མཐོང་བར་བྱེད་པའི་ཡེ་ཤེས་དང་ལྡན་པ་དབང་པོ་རྣམས་ལེགས་པར་བཟུང་སྟེ་རྣམ་པར་གཡེང་བ་དང་བཅས་པའི་སེམས་དང་། ང་རྒྱལ་དང་། སེར་སྣ་ལག་པ་ལ་འཇུག་པ། རབ་ཏུ་དགག་པའི་དོན་དུ་རྫས་ཡོངས་སུ་འཇལ་བ་དང་། ལྷ་གཞན་ལ་ཕྱག
298b2 མི་བྱེད་པ་དང་། དཀོན་མཆོག་གསུམ་ལ་དང་བ་ཤིན་ཏུ་མངོན་དུ་གྱུར་པའི་དད་པའི་ནོར་གྱིས་བཅོམ་ལྡན་འདས་མ་འཕགས་མ་སྒྲོལ་མ་ལ་མངོན་པར་དང་བ་དང་། སྙིང་རྗེ་ཆེན་པོའི་བདག་ཉིད་དང་། ལེགས་པར་བརྩོན་པའི་བསམ་པས་བྱང་ཆུབ་ཏུ་སེམས་བསྐྱེད་ཅིང་། མདོར་ན་བྱང
298b3 ཆུབ་ཆེན་པོར་སྨོན་ལམ་བཏབ་པ། རྒྱུན་དུ་སྒྲུབ་པར་འགྱུར་བར་བྱའོ། །དེ་ལ་དང་པོ་རེ་ཞིག་བྲིས་སྐུའི་ཆོ་གར་འགྱུར་ཏེ་རྒྱལ་པོ་ཐམས་ཅད་ཀྱི་བདག་པོ་འཁོར་ལོས་སྒྱུར་བ། མ་ཉམས་པའི་རས་ལྷག་མ་མིན་པ། ཁ་དོག་ཅན་ལ་བཅོམ་ལྡན་འདས་ཀྱི་སྐུ་གཟུགས་འདྲིར་གཞུག
298b4 པར་བྱ་སྟེ། གསེར་ལྟར་སེར་བའི་གཟུགས་བརྙན་ཆོས་སྟོན་པར་བྱེད་བཞིན་པ་སེང་གེའི་ཁྲི་ལ་ཉེ་བར་བཞུགས་པ། རྣམ་པ་ཐམས་ཅད་ཀྱི་མཆོག་དང་ལྡན་པ་ལུས་ཐམས་ཅད་ཀུན་ནས་འབར་བའི་དོ་ཤལ་ཅན་བྱའོ། །སྟེང་དུ་རིའི་རྩེ་མོར་གློག་དང་སྤྲིན་དང་བཅས་པའོ། །འོག
298b5 ཏུ་པདྨའི་མཚོ་བྱའོ། །བཅོམ་ལྡན་འདས་ཀྱི་གཙུག་ཏོར་འོད་ཟེར་ལས་བྱུང་བཞིན་པ་བྱའོ། །སྒྲུབ་པ་པོ་ཡང་གནས་དང་ཆ་བྱད་དང་། དབྱིབས་ཀྱི་རྣམ་པ་ཇི་ལྟ་བ་བཞིན་དང་། ལག་ན་སྤོས་ཕོར་ཐོགས་པ་བཅོམ་ལྡན་འདས་ལ་ལྟ་བར་བྱེད་བཞིན་པ། རས་རིས་རྣམ་པ་དེ་ལྟ་བུར
298b6 བྲིས་ལ་སྒྲུབ་པ་པོ་ཡང་དུས་གསུམ་དུ་ཁྲུས་བྱ་ཞིང་གོས་གཙང་མ་བགོས་ཏེ། སྐྱེ་བོ་དང་བྲལ་བའི་དབེན་པར་རྒྱུན་ཆེན་པོར་རས་རིས་བཞུགས་སུ་གསོལ་ལ་རྣམ་པ་ཐམས་ཅད་དུ་ལུས་དང་ངག་དང་། སེམས་ཡོངས་སུ་སྐྱོ་བ་མེད་པར་སངས་རྒྱས་བཅོམ་ལྡན་འདས་ལ
298b7 མཆོད་པ་རྒྱ་ཆེན་པོ་བྱས་ནས། ཟླ་བ་ཉ་ལ་ཉིན་མཚན་དུ་སྨྱུང་བར་གནས་ཏེ་སྒྲུབ་པ་བརྩམ་པར་བྱའོ། །ལོ་མ་དང་། ཟན་དང་། འོ་མ་དང་། སློང་མོའི་བསོད་སྙོམས་ཀྱི་བཟའ་བ་དང་། ཆུ་དང་། ཕྱེའི་བཟའ་བའམ། འོ་མ་དང་ནས་ཟན་བཟའ་བར་བྱའོ། །
iiif viewer powered by OpenSeadragon
