| e-texts navigator |
| Wylie |
298a1 ཐམས་ཅད་ཀྱི་ལྷའི་རིན་པོ་ཆེས་ཉེ་བར་མཛེས་པ་དང་། ནོར་བུ་རིན་པོ་ཆེའི་དོན་དུ་བྱས་པས་ཐམས་ཅད་བཀང་སྟེ། མཛེས་པའི་གཟུགས་ཅན་མཆོག་ཏུ་འོད་གསལ་བ། སྤྲུལ་པ་པོ་རྣམ་པ་སྣ་ཚོགས་པའི་གཟུགས་བྱེ་བ་ཁྲག་ཁྲིག་བརྒྱ་སྟོང་ཕྲག་འབྱིན་བཞིན་པ། ཡི
298a2 གེ་གཅིག་པའི་སྒྲ་འདོན་བཞིན་པ། འོད་ཟེར་ཆེན་པོ་འབར་བ་རབ་ཏུ་འཕྲོ་བཞིན་པ་བར་སྣང་གི་ཕྱོགས་སུ་གནས་པར་གྱུར་ནས་བཅོམ་ལྡན་འདས་ཤཱཀྱ་ཐུབ་པ་ལ་ཉེ་བར་ཕྱོགས་ནས་ལྟ་བར་བྱེད་བཞིན་པ། དེ་ཐམས་ཅད་དང་ལྡན་པའི་གནས་གཙང་མའི་འཁོར་གྱི་དཀྱིལ་འཁོར་ཆེན་པོ་ལ་ཀུན
298a3 ཏུ་ལྟ་ཞིང་སྣང་བར་བྱེད་བཞིན་པའོ། །དེ་ནས་བཅོམ་ལྡན་འདས་ཤཱཀྱ་ཐུབ་པས་ཡི་གེ་གཅིག་པའི་རྟོག་པའི་རྒྱལ་པོ་ཆེན་པོ་འདི་བཀའ་སྩལ་ཏོ། །ན་མཿསརྦ་བུདྡྷཱ་ནཱཾ། བྷྲུ~ཾ་བཀའ་སྩལ་པ་ཙམ་ཉིད་ལ་འཇིག་རྟེན་གྱི་ཁམས་སངས་རྒྱས་ཀྱི་ཞིང་རྣམས་ཐམས་ཅད་དུ་རྣམ་པར་འགྱུར་བ
298a4 དྲུག་ཏུ་གཡོས་པར་གྱུར་ཏོ། །སེམས་ཅན་གང་ལ་ལ་བཀྲེས་པ་དང་སྐོམ་པ་ལ་སོགས་པའི་སྡུག་བསྔལ་སྐྱེས་པ་མེད་པར་གྱུར་ཏོ། །དེ་ནས་ཡང་བཅོམ་ལྡན་འདས་ཤཱཀྱ་ཐུབ་པས། དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་གྱི་རྫུ་འཕྲུལ་ཡང་དག་པར་བསྟན་པའི་ཕྱིར་དང་སྡིག་པ
298a5 ཐམས་ཅད་རབ་ཏུ་འཇོམས་པར་བྱེད་པའི་ཕྱིར་དང་། སྡུག་བསྔལ་ཐམས་ཅད་རྣམ་པར་སྦྱོང་བར་བྱེད་པའི་ཕྱིར་དང་། རྟོག་པའི་རྒྱལ་པོ་འདི་སེམས་ཅན་ཐམས་ཅད་ཡང་དག་པར་སྲུང་བའི་ཕྱིར་དང་། དམྱལ་བའི་སྡུག་བསྔལ་ཐམས་ཅད་ཉེ་བར་ཞི་བར་བྱེད་པའི་ཕྱིར་དང་། བསམ་གྱིས་མི
298a6 ཁྱབ་པའི་རྫུ་འཕྲུལ་མངོན་པར་འདུ་བྱ་བ་ཀུན་དུ་བསྟན་པའི་ཕྱིར་དང་། སངས་རྒྱས་ཐམས་ཅད་དང་བྱང་ཆུབ་སེམས་དཔའ་ཐམས་ཅད་ཀྱིས་བསམ་གྱིས་མི་ཁྱབ་པ་རྫུ་འཕྲུལ་གྱི་མཐུ་ཀུན་ཏུ་བསྟན་པའི་ཕྱིར་རིག་པའི་རྒྱལ་པོ་ཆེན་པོའི་རྟོག་པ་འདི་བཀའ་སྩལ་ཏོ། །སེམས་དཔའ
298a7 ཆེན་པོ་གང་ལ་སྔགས་ཀྱི་རྒྱལ་པོ་འདི་སྒྲུབ་པར་འདོད་ན་དེའི་དོན་གྱི་ཕྱིར་ཆོ་ག་འདིར་འགྱུར་རོ། །དང་པོ་རེ་ཞིག་མ་བརྟགས་པ་དང་། མི་སྨྲ་བ་དང་། མི་ཟ་བར་བརྗོད་པའི་མཐུ་དང་། སྔགས་ཀྱིས་འདུལ་བ་ལ་རབ་ཏུ་བརྩོན་པས་འབྱུང་པོ་ཐམས་ཅད་ལ་རབ་ཏུ་བརྩེ་བས་གཞན
iiif viewer powered by OpenSeadragon
