| e-texts navigator |
| Wylie |
297a1 སྩོལ་འགྱུར། །དང་པོ་ལས་ལ་རབ་སྦྱོར་དང་། །སྔགས་ཀྱི་རྒྱུ་ལ་རབ་འཇུག་པས། །འབྲས་མེད་འབྲས་བུ་བཅས་པ་ཉིད། །དངོས་གྲུབ་དེ་ལ་བརྗོད་པར་བྱ། །རྒྱལ་བའི་སྒྲ་འམ་པ་ཊ་ཧ། །རྔ་བོ་ཆེ་ཡི་སྒྲ་གྲགས་ན། །བརྩོན་ལྡན་ཀུན་འགྲོའི་དངོས་གྲུབ་སྟེ། །
297a2 སྦྱིན་སྲེག་ལས་ལ་ཡང་དག་བརྟེན། །གཞན་ཡང་དགེ་མཚན་དཔལ་དང་ནི། །འདབ་ཆགས་སྒྲ་ནི་བཟང་པོ་དང་། །རྣམ་པ་སྣ་ཚོགས་སྒྲ་དབྱངས་སམ། །རྒྱལ་བས་བསྔགས་ཤིང་རབ་བསྔགས་པ། །བཀྲ་ཤིས་བཟང་པོ་ཡིད་འོང་དང་། །རྣམ་པ་སྣ་ཚོགས་སྒྲ་དང་ནི། །གདུགས
297a3 དང་རྒྱལ་མཚན་བ་དན་དང་། །བུད་མེད་རྒྱན་གྱིས་བརྒྱན་པ་དང་། །དེ་བཞིན་བུམ་པ་གང་བ་དང་། །མཆོད་ཡོན་མཐོང་ན་དངོས་གྲུབ་རྒྱུ། །ཁ་དོག་རྣམ་པ་དུ་མ་དང་། །རབ་སྔགས་འཇིག་རྟེན་གྱིས་མཆོད་པའི། །དགེ་སློང་རྣམས་དང་དགེ་སློང་མ། །མཐོང་ནས་དེ་རྣམས་བལྟ་བ་ལ། །
297a4 གསང་སྔགས་སྤྱོད་ཚུལ་སྣ་ཚོགས་འགྲུབ། །བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་སྡེ། བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་ལས། བགྲང་ཕྲེང་སྲད་བུའི་ཆོ་གའི་ལེའུ་རབ་འབྱམ་བཅུ་གཅིག་པ
297a5 ཡོངས་སུ་རྫོགས་སོ། ། །།དེ་ནས་ཡང་བཅོམ་ལྡན་འདས་ཤཱཀྱ་ཐུབ་པས་སླར་ཡང་འཁོར་གྱི་དཀྱིལ་འཁོར་ཆེན་པོ་ལ་གཟིགས་ནས། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་བཀའ་སྩལ་པ། སེམས་དཔའ་ཆེན་པོ་ཁྱོད
297a6 ཀྱི་རིག་པའི་གསང་ཆེན་ཡོད་དོ། །སྔགས་ཐམས་ཅད་ཀྱི་སྒྲུབ་ཐབས་ཀྱི་ཆོ་གའི་དམ་ཚིག་ཤེས་པ། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་མཛོད་ལས་བྱུང་བ། ཆོས་ཀྱི་སྤྲིན་ལ་མཐུན་པར་རབ་ཏུ་ཞུགས་པ། ནམ་མཁའི་རང་བཞིན། འཇིག་རྟེན་དང་འཇིག་རྟེན་ལས་འདས
297a7 པའི་སྔགས་ཀྱི་མངའ་བདག་ཆེས་གཙོ་བོར་གྱུར་པ་སེམས་དཔའ་ཆེན་པོ་དཔེར་ན་དེ་བཞིན་གཤེགས་པ་ནི་སེམས་ཅན་ཐམས་ཅད་ཀྱི་གཙོ་བོ། །ཆེས་གཙོ་བོར་གྱུར་པ་ལྷ་དང་མི་རྣམས་ཀྱི་ནང་ནས་སྐྱེས་བུའི་ཁྱུ་མཆོག་སངས་རྒྱས་བཅོམ་ལྡན་འདས་ཡིན་ནོ། །བྱང་ཆུབ་སེམས་དཔའ
iiif viewer powered by OpenSeadragon
