| e-texts navigator |
| Wylie |
296a1 གྲུབ་འདོད། །ནག་པོ་དུ་བའི་ཁ་དོག་དང་། །སེར་སྐྱ་ཡང་ནི་སྡིག་པ་ཅན། །ཁ་དོག་རྣམ་གསུམ་རབ་བསྒྱུར་བས། །དངོས་གྲུབ་རྣམ་གསུམ་འདི་དག་ཡིན། །གཞན་པའི་ཁ་དོག་སྤྲིན་མདོག་གམ། །སླར་ཡང་བརྟན་པའི་ས་སྟེངས་དེར། །སྔགས་པ་དེ་ལ
296a2 དངོས་གྲུབ་མེད། །དེ་ལྟའི་ཁ་དོག་འདྲ་བའམ། །རྣམ་པ་སྣ་ཚོགས་ཁ་དོག་ཅན། །མེ་ནི་འབར་བ་དེ་མཐོང་ན། །སླར་ཡང་ལས་རྣམས་བརྩམ་པར་བྱ། །ཕྱིར་ཞིང་བཟླས་པ་བྱ་བ་ཡིན། །གལ་ཏེ་སྔགས་ནི་གྲུབ་གྱུར་ན། །ལས་ཀྱི་ཆོ་ག་མཐོང་བ་ཡིས། །སླར་ཡང་སྦྱིན་སྲེག
296a3 ལ་རབ་འཇུག་། གཤེགས་གསོལ་སྤྱན་དྲང་ཉིད་ལ་ནི། །མེ་ཡི་སྔགས་ནི་བརྗོད་པར་བྱ། །སྔར་ནི་རབ་ཏུ་བརྟགས་པས་ཀྱང་། །དཀྱིལ་འཁོར་འདི་ནི་གཤེགས་སུ་གསོལ། །སྤྱན་དྲང་བ་ཡི་ལས་རྣམས་ནི། །དེ་ཉིད་དུ་ནི་ལས་རྣམས་ཀྱང་། །དེ་ཉིད་ཀྱིས་ནི་བྱ་བ་ཡིན། །མེ་ཡི་སྤྱོད་པ་དེ
296a4 བཞིན་གཟུགས། །རས་རིས་ཀྱི་ནི་སྤྱན་སྔར་བརྩམ། །དེར་ནི་སྔགས་རྣམས་འགྲུབ་འགྱུར་བར། །སྔོན་གྱི་དེ་བཞིན་གཤེགས་པས་གསུངས། །རྒྱལ་བས་བསྔགས་པའི་ལས་རྣམས་ནི། །ཐམས་ཅད་དེ་ཉིད་དུ་བྱའོ། །གཞན་པའི་ལས་ནི་བྱ་བ་སྟེ། །སྡིག་པའི་ལས་ནི་ཁྱད་པར་དུ། །
296a5 གང་དུ་རྒྱལ་མཆོག་གིས་སྨོད་དང་། །འཇིག་རྟེན་འགལ་དང་སྨད་རྣམས་སོ། །ལྡང་དང་འཁོར་ལོས་སྒྱུར་བ་དང་། །བྱང་ཆུབ་སེམས་དཔའི་ས་རྣམས་དང་། །དེ་བཞིན་མངོན་ཤེས་ལྔ་དང་ནི། །འཇིག་རྟེན་ལྷ་ཉིད་ལྡན་པ་འགྲུབ། །རྟག་ཏུ་རས་རིས་ལ་བརྩོན་ཤེས། །སྦྱིན
296a6 སྲེག་ལས་ལ་མཁས་པ་ནི། །ས་ཡི་འོག་གི་བདག་པོའམ། །ཡང་ན་བར་སྣང་སྤྱོད་པར་འགྱུར། །ས་བླའི་ལྷ་དང་གནོད་སྦྱིན་ཉིད། །རྟག་ཏུ་གནོད་སྦྱིན་མོ་རྣམས་འགུགས། །རྒྱལ་སྲིད་བདག་པོ་ཉིད་དང་ནི། །ཡུལ་དང་ཡང་ན་གྲོང་ཉིད་དམ། །རིག་པ་འཛིན་དང་ལྷ
296a7 མིན་ཉིད། །སེམས་ཅན་ཐམས་ཅད་དབང་དུ་བྱེད། །འབྱུང་པོ་ཐམས་ཅད་འགུགས་པར་བྱེད། །སེམས་དཔའ་ཆེན་པོ་བདག་ཉིད་ཆེ། །བྱང་ཆུབ་སེམས་དཔའ་སེམས་དཔའ་ཆེ། །ས་བཅུ་ལ་ནི་ཡང་དག་བརྟེན། །སྦྱིན་སྲེག་ལས་ཀྱིས་འགུགས་བྱེད་ན། །ས་སྟེངས་མི
iiif viewer powered by OpenSeadragon
