| e-texts navigator |
| Wylie |
295b1 ནས་ནི། །དེར་ནི་བ་ཡི་མར་གྱིས་ནི། །སྲེག་བླུགས་གསུམ་ནི་སྦྱིན་པར་བྱ། །དེ་ནས་ཀྱང་ནི་ཕྱག་བྱ་སྟེ། །སངས་རྒྱས་ཀུན་དང་སྐྱོབ་པ་དང་། །རང་སྔགས་སྔགས་ཀྱི་མགོན་པོ་ལ། །དེ་ནས་ཅི་འདོད་ཕྱག་བྱའོ། །དེ་ཚེ་མེ་ཡི་སྙིང་པོ་ཡི། །སྔགས་ནི་ལན་བརྒྱ་བཟླས་པ་ཡིས། །བརྩོན
295b2 ལྡན་དྲི་ཞིམ་མེ་ཏོག་གིས། །རྟག་ཏུ་མེ་ནི་སྤྱན་དྲང་བྱ། །སྔགས་ཤེས་རྟག་ཏུ་སྤྱན་དྲངས་ནས། །གནས་ལ་མཁས་པས་གདན་དང་གནས། །སྔགས་དེས་དབུལ་ཞིང་གཞན་གྱིས་མིན། །ཞོ་དང་མར་དུ་བསྲེས་པ་དང་། །སྦྲང་རྩི་བཏགས་པའི་ཡམ་ཤིང་ནི། །དེ་ལས་ལན
295b3 གསུམ་སྦྱིན་སྲེག་བྱ། །རྒྱས་པའི་དོན་དུ་སྔགས་དང་ལས། །ཀུན་ནས་འབར་བའི་ཕྲེང་བ་ཡིས། །འཁྲུགས་པ་དེར་ནི་ངེས་སྦྱར་བྱ། །སྐོམ་པ་ཚིམ་པར་བསམ་པར་བྱ། །ཞི་བའི་ལས་དང་རྒྱས་པ་ཅན། །དེ་ལ་གསང་སྔགས་རིག་པ་ཡིས། །ལྷ་ཡི་གཟུགས་ནི་དགའ་བའོ། །
295b4 མངོན་སྤྱོད་ལས་ལ་ཐུན་མོང་པའི། །ངེས་པར་འབྱུང་བའི་ལྷ་རྣམས་ལས། །གཞན་པའི་གཟུགས་ནི་བལྟ་བར་བྱ། །རིམ་པ་ཇི་བཞིན་མེ་ཐབ་འདིར། །ཇི་ལྟར་རྙེད་པའི་མེ་ཏོག་དང་། །མར་ལ་ལན་བདུན་ཡོངས་བཟླས་པས། །དེ་ཚེ་སྤྱན་དྲང་རྣམ་པ་དེར། །ཇི་ལྟར་སླར
295b5 ཡང་སྤྱན་དྲངས་པ། །ལྷག་པར་གནས་པས་གཉིས་ཀ་གནས། །ཡམ་ཤིང་རྫས་དང་བསྲེས་པ་དང་། །མར་དང་སྦྲང་རྩི་མཉམ་བསྟན་པ། །དེ་བཞིན་དུ་ནི་ཞོ་བསྲེས་པས། །སྟོང་ངམ་འབུམ་གྱི་ཚད་དང་ནི། །བརྒྱ་དང་བརྒྱད་དུའང་རྟག་པར་བྱ། །དེ་བཞིན
295b6 སྔགས་པས་རིག་པ་བཟུང་། །ལན་རེ་བཟླས་ཤིང་མེ་ལ་དོར། །འབར་བའི་མེ་ཡི་ཕྲེང་བ་དང་། །དེ་བཞིན་མེ་ལྕེ་གཅིག་གྱུར་པ། །ཞི་བའི་ལས་ཀྱི་སྦྱིན་སྲེག་བྱ། །དུ་བ་མེད་ལའང་རྒྱས་པ་ཅན། །དུ་བཅས་དྲག་པོའི་ལས་རྣམས་ནི། །རྒྱལ་བས་སྨད་ཅིང་སྤངས་པ་ཡིན། །མེ
295b7 ནི་ཁ་དོག་ལྡན་གྱུར་ན། །སྦྱིན་སྲེག་ལས་ནི་རབ་ཏུ་སྦྱར། །ཞི་བ་ཅན་ལ་ཁ་དོག་དཀར། །རྒྱལ་བ་མཆོག་གིས་རྟག་ཏུ་བསྔགས། །གལ་ཏེ་མེ་དཀར་སྦྱིན་སྲེག་བྱེད། །དེ་ལ་སྔགས་རྣམས་འགྲུབ་པར་འགྱུར། །དེ་བཞིན་རྟག་ཏུ་ཁ་དོག་དཀར། །རྒྱས་པ་ཅན་གྱིས་དངོས
iiif viewer powered by OpenSeadragon
