| e-texts navigator |
| Wylie |
295a1 དུ་རབ་གནས་པས། །མྱུར་དུ་དངོས་གྲུབ་ཐེ་ཚོམ་མེད། །ཤར་དང་བྱང་དུ་ཁ་ཕྱོགས་པས། །ཞི་བ་ཅན་དང་རྒྱས་པ་བྱ། །ལྷོ་རུ་དྲག་པོའི་ལམ་རྣམས་ཏེ། །དེ་ནི་སྔགས་པས་སྤང་བར་བྱ། །ཤར་བལྟས་ཞི་བའི་དངོས་གྲུབ་སྟེ། །རྒྱས་པ་ཅན་ཡང་བྱང་དུ
295a2 ཕྱོགས། །དེ་ཡིས་སྔགས་ནི་དུས་རྟག་ཏུ། །རིག་པའི་བཟླས་པ་བརྩམ་པར་བྱ། །བིལ་བ་ཨརྒ་སླཀྵ་དང་། །ནྱ་གྲོ་དྷ་ཡིས་རྒྱས་ལས་བྱ། །མངོན་སྤྱོད་ཤིང་ནི་སྐམ་པོ་དང་། །ཚ་བ་སྐྱུར་དང་རྣོན་པོ་རྣམས། །དེ་དག་ཐམས་ཅད་སྤང་བྱ་སྟེ། །ཐུབ་པ་རྣམས་ཀྱིས་རྟག་ཏུ་བཀག་།
295a3 ཞི་བ་ཅན་དང་རྒྱས་པ་ཅན། །རློན་པའི་ཤིང་གིས་རབ་ཏུ་ཤིས། །དེ་བཞིན་དྲག་ལས་ལ་ཤིང་སྐམ། །ཚ་བ་སྐྱུར་དང་རྣོན་པོ་རྣམས། །ཡམ་ཤིང་དེ་རྣམས་མེད་ན་ནི། །ཤིང་ལ་དེ་རྣམས་སུ་རྟག་བྱ། །རྩེ་མོ་གཉིས་སུ་བརྟག་པ་བྱ། །སྔོ་དང་སྣུམ་དང་འདྲ་བ་དང་། །རྨ་བྱའི
295a4 མགྲིན་པ་དང་མཚུངས་པའི། །རྣམ་པ་དེ་ལྟའི་ཀུ་ཤ་ཡིས། །ཁོ་ར་ཡུག་ཏུ་ཀུ་ཤ་ནི། །རྟག་ཏུ་དགྲམ་པར་བྱ་བ་ནི། །ཞི་བ་ཅན་དང་རྒྱས་པ་ཅན། །མར་གད་དང་ནི་མཚུངས་པས་སོ། །དེ་བཞིན་རྟག་ཏུ་སྐམ་པོའི་རྩིས། །སྡིག་པའི་ལས་ནི་བྱ་བ་སྟེ། །འདིར་ནི་རྒྱལ་བ་མཆོག་གིས
295a5 བཀག་། དྲི་མེད་ཆུ་ནི་དག་པ་ལ། །རྟག་ཏུ་སྲིན་བུས་སྤངས་པ་ཡི། །དེ་ནས་ཀུན་ནས་བསང་གཏོར་བྱ། །གཡས་ཕྱོགས་སུ་ནི་བསྐོར་བྱས་ཏེ། །བརྩོན་པས་མེ་ནི་སྦར་བར་བྱ། །ཆོ་ག་ཇི་བཞིན་ཉེ་རེག་བྱ། །གཙང་མའི་རྩཝ་ཡི་རྩ་བ་ཡིས། །སྒྲོན་མེ་ཚད་དང་ལྡན་བྱས་ནས། །དེ
295a6 ནས་ཁུ་ཚུར་བརྩམས་བྱས་ནས། །འབད་པས་མེ་ནི་སྦར་བར་བྱ། །ཁ་ཡི་རླུང་གིས་མི་བྱ་སྟེ། །རྟག་ཏུ་གོས་ཀྱི་མཐས་ཀྱང་མིན། །ཤམ་ཐབས་བླ་གོས་མངོན་པར་སྤང་། །གོས་གཞན་གྱིས་ཀྱང་ལག་པ་ཡི། །རླུང་གི་ཉེ་བར་གཞོམ་པ་ལ། །མངོན་པར་དགའ་བས་མ་ཡིན་ནོ། །
295a7 གཙང་མའི་རླུང་ཡབ་དེ་བཞིན་གོས། །ནོར་བུས་ཀྱང་ནི་རླུང་ཡབ་བྱ། །རླུང་ནི་ཡང་དག་འབྱུང་བ་འདིས། །མེ་ནི་མཉམ་པར་བྱས་པ་ལ། །སྔགས་ཤེས་པས་ནི་མེ་སྦར་བྱའོ། །སྦྱིན་སྲེག་དོན་དུ་མཉམ་གཞག་པས། །དེ་ནས་གཡས་པ་མིན་པ་ཡིས། །དེར་ནི་བསང་གཏོར་བྱས
iiif viewer powered by OpenSeadragon
