| e-texts navigator |
| Wylie |
294b1 ཅན་དང་། རྒྱས་པ་ཅན་དང་། དྲག་པོའི་ལས་རྣམས་ལ་ཡམ་ཤིང་རྣམ་པ་གསུམ་དུ་འགྱུར་རོ། །མྱ་ངན་མེད་ཤིང་ཞི་དོན་དུ། །ཁྱད་པར་བརླན་དང་བཅས་པ་ཉིད། །མཐོ་གང་འམ་ནི་ཁྲུ་གང་ཙམ། །སོར་མོ་གསུམ་དུའང་མཐོ་བ་ཡི། །སྣམ་པའི་རྣམ་པ་རབ་ཏུ་ཤེས། །
294b2 ཆོ་ག་འདི་ནི་བྱ་བ་ཡིན། །བུ་ག་མེད་ཅིང་སེར་ག་མེད། །དེ་བཞིན་ནེ་ཙོའི་གཤོག་པ་འདྲ། །ལྗང་དང་དཀར་བའི་ཁ་དོག་གམ། །ཁ་དོག་ནག་པོ་སྤང་བར་བྱ། །སྲིན་བུ་རྣམས་ཀྱིས་ཟོས་པ་སྤང་། །བུ་ག་མེད་པའང་ཡང་དག་སྦྱིན། །གཞན་ཡང་ཁ་དོག་མཆོག་མིན་པ། །ཐ་མའི
294b3 ཆོས་ཀྱང་སྤངས་པའོ། །དེ་རྣམས་སྐམ་དང་རློན་པའང་ཡིན། །དེ་ཡི་ཚེ་ཡང་བརྩམ་པར་བྱ། །མ་རུལ་ཡོན་པོ་མིན་ཉིད་དང་། །ཤིན་ཏུ་རིང་བའང་སྤང་བར་བྱ། །དེ་ནས་མེ་ཐབ་བྱས་ནས་ནི། །ཀུན་ནས་ཟུར་ནི་བཞི་པ་རུ། །འོག་ཉིད་དུ་ནི་འབད་པས་བརྐོ། །ཁྲུ་བཞི་པ་ཡི་ཚད་དང
294b4 ནི། །ཁྲུ་གསུམ་ཁྲུ་ནི་གཉིས་པ་དང་། །དེ་བཞིན་ཉིད་དུ་ཁྲུ་གཅིག་པ། །རྟག་ཏུ་སྲོག་ཆགས་སྤངས་པ་དང་། །བྱེ་མས་ལེག་པར་སྦྱར་བ་དེ། །དེ་ནས་པད་འདྲའི་ཁ་ཁྱེར་ནི། །ཀུན་ནས་དཀྱིལ་འཁོར་རྣམ་པའོ། །ཡང་ན་འབད་པས་ཟུར་བཞི་པ། །འདབ་མ་གསུམ་དུ
294b5 བྱ་བའོ། །ཞི་བ་ཅན་དང་རྒྱས་པ་ཅན། །འདི་ཡང་ཡང་དག་བསྒྲགས་པ་ཡིན། །མངོན་སྤྱོད་ལ་ནི་ས་དབུས་སུ། །རྡོ་རྗེ་བྱ་ཞིང་རྩེ་གཉིས་སུ། །རྩེ་མོ་གསུམ་དུ་བྱ་བ་ཡིན། །མེ་ཐབ་རྒྱ་ལ་ཁྲུ་གཉིས་རེ། །གཙང་མའི་ཕྱོགས་སུ་དེ་བཞིན་བདར། །ཆུ་ཀླུང་འགྲམ་དུ་དེ་བཞིན
294b6 སྤྱད། །བསྟན་པ་གཅིག་གི་ཕྱོགས་རྣམས་དང་། །དུར་ཁྲོད་ཁང་པ་སྟོང་པ་རུ། །སྦྱིན་སྲེག་ལེགས་པར་བརྩམ་པར་བྱ། །དེ་བཞིན་རི་བོའི་རྩེ་ཉིད་དང་། །རྟག་ཏུ་ལྷ་ཁང་སྟོང་པ་དང་། །དེ་བཞིན་ཉིད་དུ་དགོན་པ་ཆེ། །གང་ཡང་སྒྲུབ་པའི་ཕྱོགས་རྣམས་ནི། །གང
294b7 ཟག་མཆོག་གིས་གསུངས་པ་དང་། །སྦྱིན་སྲེག་ལས་ནི་ཐམས་ཅད་ལ། །དེ་རྣམས་གནས་སུ་གསུངས་པ་ཡིན། །ཁྲུ་གང་ཚད་དུ་གནས་པ་ཡི། །ཀུ་ཤའི་ཁྲེས་ལ་ཉེར་འདུག་ནས། །དེར་ནི་སྔགས་ཤེས་ཁྱད་པར་དུ། །སྦྱིན་སྲེག་གི་ནི་ལས་བྱའོ། །གནས་དེ་ཉིད
iiif viewer powered by OpenSeadragon
