| e-texts navigator |
| Wylie |
278b1 ངལ་བར་བྱས། །གཞུང་དང་བསྟན་བཅོས་དོན་འཛིན་པ། །ནད་མེད་ནུས་པ་མེད་མིན་པ། །རྒ་དང་ནད་ནི་རྣམ་པར་སྤངས། །དེ་བཞིན་བཤེས་གཉེན་ཅན་སྔགས་གྲུབ། །ཀུན་ནས་མྱུར་དུ་བྱེད་པ་དང་། །མཐའ་ཡི་རིང་མིན་ཞིང་དེ་བཞིན། །ཚངས་པར་སྤྱོད་ཅིང་ཤེས
278b2 རབ་ཆེ། །ཁྱད་པར་དུ་ནི་ཤེས་པ་དང་། །གཅིག་ཏུ་འདུ་འཛི་མེད་པ་དང་། །དཔའ་ཞིང་དབང་བསྐུར་ཐོབ་པ་དང་། །དེ་འདིར་བྱང་ཆུབ་ཕ་རོལ་སོན། །སྲིད་པ་ཞི་བར་བྱེད་ལ་བརྩོན། །དེ་བཞིན་ཉིད་དུ་རིག་སྔགས་བྱ། །མཐུ་ཆེན་འཇིག་རྟེན་ཤེས་པ་དང་། །
278b3 འགྲོ་བ་སེམས་ཅན་རྗེས་སེམས་པ། །དཔལ་ཉིད་དང་ནི་རབ་ཏུ་ལྡན། །སྦྱིན་དང་འབྱུང་པོ་ཕན་ལ་དགའ། །དེ་བཞིན་ཁྱད་འཕགས་སློབ་དཔོན་ལ། །རྟག་ཏུ་གསོལ་བ་གདབ་པར་བྱ། །དེས་ནི་དཀྱིལ་འཁོར་བྲིས་པ་ཡི། །སྔགས་ཀྱི་དངོས་གྲུབ་སྟེར་བར་བྱེད། །དེ་ཉིད
278b4 ཀྱིས་ནི་དབང་བསྐུར་གྱིས། །འབྲས་བུ་ཆེན་པོ་སྦྱིན་པར་འགྱུར། །དངོས་གྲུབ་འདོད་པའི་སློབ་མས་ཀྱང་། །ཐུབ་པ་བཞིན་དུ་རྟག་ཏུ་མཆོད། །དེ་ཡི་གསུང་ནི་མི་འགོམ་པ། །སློབ་མས་འབད་པས་བྱ་བ་ཡིན། །ཇི་ལྟར་འབྱོར་ཅིང་བདོག་པ་ཡི། །ལོངས་སྤྱོད་དེ
278b5 ལ་དབུལ་བར་བྱ། །ཉུང་ངུ་ཙམ་མམ་མང་ཡང་རུང་། །གང་གིས་མཉེས་པར་འགྱུར་བ་དང་། །ལུས་ནི་འཚོ་བའི་རྒྱུ་ཡི་ཕྱིར། །ཕ་ལ་ནོར་ནི་སྟེར་བ་ལྟར། །དེ་བཞིན་སློབ་མ་ཆོས་ཤེས་པས། །སློབ་དཔོན་ལ་ནི་ནོར་དབུལ་བྱ། །མཐའ་ཡི་དབང་ཕྱུག་དངོས་གྲུབ
278b6 ཐོབ། །ཚེ་དང་དེ་བཞིན་ནད་མེད་དང་། །རྒྱས་པའི་འགྲོ་བ་ཐོབ་པར་འགྱུར། །སློབ་མས་བླ་མ་དེ་མཆོད་ན། །དེ་ཡི་སྔགས་རྣམས་འགྲུབ་པར་འགྱུར། །ལམ་དང་ཆོ་ག་ཉེར་མཐོང་དང་། །བསྙེན་པ་ལས་ཀྱང་བརྟེན་པ་ལས། །དེ་བཞིན་རི་མོར་བྱས
278b7 མཆོད་ལས། །སངས་རྒྱས་ཐམས་ཅད་དགྱེས་པར་འགྱུར། །དེ་བཞིན་རྒྱལ་མཆོག་སྲས་རྣམས་དང་། །ལྷ་རྣམས་ཐམས་ཅད་དགྱེས་པར་འགྱུར། །བླ་མ་རྟག་ཏུ་བསྙེན་བཀུར་ན། །བླ་མ་སྔགས་རྣམས་མཐོང་བ་ཡིས། །འདི་དག་ཐམས་ཅད་བརྟན་པར
iiif viewer powered by OpenSeadragon
