| e-texts navigator |
| Wylie |
278a1 རྒྱས་པར་བྱས་ཏེ་སྤྱན་དྲངས་ནས་གདན་ཕུལ་བ་ཐུན་མཚམས་གསུམ་དུ་ཁྲུས་གསུམ་བྱ་ཞིང་གོས་ལན་གསུམ་བརྗེས་ཏེ་ཉི་མ་སོ་སོ་ལ་བཟླས་པ་བྱའོ། །དེ་ལ་ཐུན་མཚམས་ཀྱི་དུས་ཞེས་བྱ་བ་ནི་མཚན་མོའི་མཐའ་ནས་བརྩམས་ཏེ་ཇི་སྲིད་ཉི་མ་འཆར་བའི་དུས
278a2 ཙམ་གྱི་བར་འདི་ལ་དང་པོར་བཤད་དོ། །ཉི་མ་གུང་ནི་ཉི་མ་ཤར་བའི་མཐར་དུས་ཙམ་གྱི་ཚད་ཀྱི་མཚམས་ཉི་མའི་དཀྱིལ་འཁོར་ནམ་མཁའ་ལ་ཡང་དག་པར་བརྟེན་པ་ནི་ཆོ་ག་ཤེས་པས་གུང་གི་ཐུན་མཚམས་སུ་ཤེས་པར་བྱའོ། །ནུབ་པའི་དུས་སུ་ཡང་ལྷག་མ་བཞི་ཆ་ཙམ
278a3 ཐུན་མཚམས་གསུམ་པར་བརྗོད་པར་བྱའོ། །སློབ་དཔོན་མཁས་པ་བཤེས་གཉེན་ཅན། །ཚུལ་ཁྲིམས་བརྟུལ་ཞུགས་ཡང་དག་ལྡན། །ཆེན་པོའི་རིགས་སུ་འཁྲུངས་པ་དང་། །ཀུན་ནས་བརྩོན་འགྲུས་བརྟན་པ་ནི། །སྔགས་དང་རྒྱུད་སོགས་ཡང་དག་ལྡན། །བྱ་བ་ཀུན
278a4 ལ་བློ་གྲོས་བྱང་། །ཕྲ་ཞིང་མཁས་ལ་ཚད་ཤེས་པ། །ཆོས་ཀྱི་དབྱིངས་ནི་རྟག་ཏུ་འཛིན། །སྤྲོ་བ་ཆེ་ཞིང་གཟི་བརྗིད་ལྡན། །འཇིག་རྟེན་ཆོས་ལ་ལྟོས་པ་མེད། །ཐུབ་པ་མཆོག་གི་ཆོས་ལ་དད། །འཇིག་རྟེན་པ་རྣམས་དོར་བ་དང་། །བཟླས་པ་བྱ་ཞིང་རྣམ་དབེན་བྱས། །སྔོན
278a5 དུ་བསྙེན་པ་རྗེས་བརྟེན་པ། །བྱང་ཆུབ་སེམས་དཔའི་གསང་སྔགས་ཤེས། །དེ་ལས་གཞན་པའི་རྐྱེན་རྣམས་མཐོང་། །སངས་རྒྱས་ཀྱིས་གསུངས་གསང་སྔགས་དང་། །འཇིག་རྟེན་པ་ཡི་རབ་སྦྱོར་ཤེས། །སྲུང་བ་བྱས་ཤིང་མཐུ་བརྟན་པ། །གཙང་སྦྲའི་ཀུན་སྤྱོད་ལ་རྟག་དགའ། །
278a6 སངས་རྒྱས་ཉེ་བསྟན་ལམ་ལ་ནི། །ཀུན་ནས་རྗེས་སུ་འཇུག་པ་དང་། །གསང་སྔགས་རྒྱལ་བས་གསུངས་པ་ཡིན། །གསང་སྔགས་ཟློས་ལ་རྟག་ཏུ་བརྩོན། །རྟག་ཏུ་མཐོང་ཆོས་འབྲས་བུ་དང་། །འཇིག་རྟེན་ཕ་རོལ་དེ་བཞིན་ཉིད། །སྡིག་པ་ཀུན་ལ་འཇིགས་པ་དང་། །ཕྲ
278a7 མོ་ཙམ་ལའང་དེ་བཞིན་ནོ། །གཙང་ཞིང་མཁས་ལ་ལེ་ལོ་མེད། །ཡིད་གཞུངས་བལྟ་ན་སྡུག་པ་དང་། །སྟོབས་བཅུ་པས་བཤད་སྔགས་གང་དང་། །དེ་བཞིན་ཁོ་ནར་རྒྱལ་སྲས་དང་། །འཇིག་རྟེན་པ་ཡི་སྔགས་གང་ཉིད། །རྡོ་རྗེ་པདྨའི་རིགས་དག་ལའང་། །དེ་ལ་རྟག་ཏུ
iiif viewer powered by OpenSeadragon
