| e-texts navigator |
| Wylie |
277b1 ནད་མེད་པ་སྟེ། ནད་གང་གིས་ལས་སུ་མི་རུང་བའི་ངང་ཚུལ་ཅན་དང་། རིགས་ཆེ་ཞིང་མཐོ་བར་རབ་ཏུ་སྐྱེས་པ་ཞེས་པ། ཡོན་ཏན་འདི་རྣམས་དང་ལྡན་པ་ནི་དཀྱིལ་འཁོར་གྱི་སློབ་དཔོན་དུ་འགྱུར་ཏེ། སྒྲུབ་པ་པོ་ཡང་དེ་དང་འདྲ་བའམ། ཡན་ལག་ཅུང་ཟད་མ་རྫོགས
277b2 པའོ། །དེ་ལྟ་བུའི་དཀྱིལ་འཁོར་གྱི་སློབ་དཔོན་ལ་མཆོད་པ་བྱས་ནས་འདིའི་དོན་དུ་གསོལ་བ་གདབ་པར་བྱ་སྟེ། སློབ་དཔོན་གྱིས་བྱང་ཆུབ་སེམས་དཔའ་སེམས་དཔའ་ཆེན་པོའི་རིག་པ་དང་སྔགས་དང་བཅོམ་ལྡན་འདས་མ་དེའི་དཀྱིལ་འཁོར་གྱི་དམ་ཚིག་ལ་རྗེས་སུ་འཇུག
277b3 པར་འཚལ་ན་བདག་ཅག་ལ་རྗེས་སུ་བརྩེ་བའི་དོན་དང་། ཕན་པའི་ཐུགས་བསྐྱེད་ནས་དེ་སློབ་དཔོན་གྱིས་གསུང་དུ་གསོལ། དེ་ནས་དཀྱིལ་འཁོར་གྱི་སློབ་དཔོན་གྱིས་སྔར་བསྟན་པའི་ཆོ་གས་སློབ་མ་ཇི་ལྟ་བ་བཞིན་རིམ་གྱིས་བརྟགས་ནས་གཞུག་པར་བྱ་ཞིང་སྔར་བཞིན་དུ
277b4 མངོན་པར་དབང་བསྐུར་བ་བྱིན་ནས་རིག་པ་དང་སྔགས་བྱིན་ལ་རིམ་པ་ཇི་ལྟ་བར་དམ་ཚིག་བསྟན་པར་བྱའོ། །གསང་ཆེན་དང་། ཕྱག་རྒྱ་དང་། རྒྱུད་དང་། སྔགས་དང་ལས་རྣམས་ཀྱང་དུས་རིང་མོ་ཉིད་ནས་ཡོངས་སུ་བརྟགས་ཏེ། བསམ་པ་ཤེས་ནས་རྒྱུད་དང་སྔགས་ལ་སོགས
277b5 པ་དང་། ལས་རྣམས་ཐམས་ཅད་བསྟན་པར་བྱའོ། །གཞན་དུ་མ་ཡིན་ནོ་ཞེས་པའི་ཆོ་ག་འདི་རབ་ཏུ་བསྒྲགས་སོ། །དེ་ནས་སློབ་མས་དཀྱིལ་འཁོར་གྱི་སློབ་དཔོན་ལ་ཇི་ལྟར་ནུས་པས་གང་གིས་སློབ་དཔོན་དགྱེས་པའམ་བདག་ཉིད་དང་ལོངས་སྤྱོད་ཀྱང་དབུལ་བར་བྱའོ། །
277b6 དེ་ནས་དཀྱིལ་འཁོར་གྱི་སློབ་དཔོན་དེས་བུའི་འདུ་ཤེས་ཉེ་བར་གཞག་པར་བྱའོ། །བུ་བཞིན་དུ་བསྐྱང་བར་བྱའོ། །མ་བཞིན་ལོངས་སྤྱོད་ཀྱིས་ཉེ་བར་བསྡུ་བར་བྱའོ། །དེ་ནས་སྒྲུབ་པ་པོ་དེས་རིག་པ་དང་སྔགས་གང་ཡང་རུང་བ་ཞིག་བཟུང་ནས་མཐའ་གཅིག་ཏུ་སོང་སྟེ། སྔར
277b7 བསྟན་པའི་གནས་རྒྱ་ཆེར་གོང་མ་བཞིན་དུ་སྦྱར་བས་རིག་པ་ལ་སོགས་པ་དེ་རྣམས་ཉིད་ཀྱིས་སྤྱན་དྲང་བ་དང་། གཤེགས་སུ་གསོལ་བ་དང་། མར་མེ་དང་། དྲི་དང་། བདུག་པ་དང་། གཏོར་མ་དང་། ལྷ་བཤོས་དག་དཀྱིལ་འཁོར་དུ་གསུངས་པའི་ཆོ་ག་ཉིད་ཀྱིས
iiif viewer powered by OpenSeadragon
