| e-texts navigator |
| Wylie |
276b1 པའི་སྒྲུབ་པའི་ཐབས་ཀྱི་ཆོ་ག་རབ་ཏུ་སྒོམ་པ་ཉིད་ཀྱི་ཕྱིར་དང་། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་དང་། རང་སངས་རྒྱས་དང་། འཕགས་པ་ཉན་ཐོས་བདག་ཉིད་ཆེན་པོ་རྣམས་འབྱུང་བ་ཉིད་ཀྱི་ཕྱིར། རྟོག་པའི་རྒྱལ་པོ་འདི་བསྒྲུབ་པར་བྱ་སྟེ། སྔགས
276b2 ཀྱི་མཐུ་རབ་འབྱམ་དང་ལྡན་པ་རས་རིས་ཐུ་བོ་སྤྱན་སྔ་དང་ཉེ་བར་འདུག་ནས་འཇིག་རྟེན་པ་དང་། འཇིག་རྟེན་ལས་འདས་པ་ཐམས་ཅད་ཀྱི་སྔགས་ཀྱི་ཆོ་ག་དང་། རྒྱུད་ཐམས་ཅད་དུ་རྣམ་པ་སྣ་ཚོགས་པའི་ལམ་སྟེ། མདོར་ན་འདིར་རྟོག་པ་གཞན་དུ་གསུངས་པའི་ལས་རྣམས་ཀྱིས
276b3 ཀྱང་རས་རིས་ཀྱི་རྒྱལ་པོ་འདི་བསྒྲུབ་པར་བྱ་སྟེ། མྱུར་དུ་དེ་རྣམས་ཀྱི་དངོས་གྲུབ་ཏུ་འགྱུར་ཏེ་གང་ངས་བསྟན་པ་དེ་དག་གདོན་མི་ཟ་བར་འགྲུབ་པར་འགྱུར་རོ། །བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་སྡེ་བཅོམ་ལྡན་འདས་མ་འཕགས་མ་སྒྲོལ
276b4 མ་རལ་པ་གྱེན་བརྫེས་ཀྱི་རྩ་བའི་ཆོ་ག་ལས། རས་རིས་མཆོག་གི་སྒྲུབ་པའི་ལེའུ་སྟེ་བརྒྱད་པ་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པས་སླར་ཡང་འཁོར་གྱི་དཀྱིལ་འཁོར་ཆེན་པོ་དེ་ལ་གཟིགས་ནས་བྱང་ཆུབ་སེམས་དཔའ་ཆེན་པོ་ལ་བཀའ་སྩལ་པ། སེམས
276b5 དཔའ་ཆེན་པོ་ཁྱོད་ཀྱི་རས་རིས་ཀྱི་ཆོ་ག་བར་མའི་ལས་ཀྱི་ཆོ་གའི་སྒྲུབ་ཐབས་བར་མ་ཡོད་དོ། །དེ་མདོར་བསྡུས་ནས་བཤད་པར་བྱ་ཡིས། ལེགས་པར་ཡིད་ལ་གྱིས་ཤིག་དང་བཤད་པར་བྱའོ། །དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས
276b6 དབང་ཕྱུག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སྟོན་པ་འཇིག་རྟེན་ལ་ཐུགས་བརྩེ་བ་ཅན། སེམས་ཅན་ཐམས་ཅད་ལ་ཕན་པར་དགྱེས་པ། བདག་ཅག་ལ་ཐུགས་བརྩེ་བའི་དོན་དང་། མ་འོངས་པའི་སྐྱེ་བོ་རྣམས་ལ་གཟིགས་ནས
276b7 གང་དེའི་དུས་ལ་བབ་པར་དགོངས་ན་དེ་གསུང་དུ་གསོལ། དེ་སྐད་ཅེས་གསོལ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །སེམས་དཔའ་ཆེན་པོ་ཉོན་ཅིག་།དང་པོ་རེ་ཞིག
iiif viewer powered by OpenSeadragon
