| e-texts navigator |
| Wylie |
275a1 སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་བྱས་ཏེ་རས་རིས་ལ་བསྐོར་བ་བྱས་ལ་རས་རིས་བླངས་ནས་རྨ་བྱའི་གདན་དེ་ལ་འདུག་ན་ཡུད་ཙམ་གྱིས་ཚངས་པའི་འཇིག་རྟེན་ལས་འདའ་བར་བྱེད་དོ། །རིག་པ་འཛིན་པ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ
275a2 མས་ཡོངས་སུ་བསྐོར་བའི་རིག་འཛིན་གྱི་རྒྱལ་པོ་འཁོར་ལོས་སྒྱུར་བར་འགྱུར། བསྐལ་པ་དྲུག་ཅུའི་བར་དུ་འཚོ་བར་འགྱུར་རོ། །ཇི་ལྟར་འདོད་པར་འགྲོ་ཞིང་། རབ་ཏུ་སྤྱོད་པར་འགྱུར་རོ། །ཐོགས་པ་མེད་པར་འགྲོའོ། །ལྷའི་ཕུན་སུམ་ཚོགས་པ་དང་ལྡན་པར་འགྱུར་རོ། །
275a3 འཕགས་པ་སྤྱན་རས་གཟིགས་དབང་ཕྱུག་མངོན་སུམ་དུ་མཐོང་བར་འགྱུར་རོ། །དེ་ཉིད་འདིའི་དགེ་བའི་བཤེས་གཉེན་དུ་འགྱུར་རོ། །མཐར་ཡང་སངས་རྒྱས་ཉིད་ཐོབ་པར་འགྱུར་རོ། །དེ་བཞིན་དུ་དབྱིག་པ་དང་། རིལ་བ་སྤྱི་བླུགས་དང་། མཆོད་ཕྱིར་ཐོགས་དང་། ལྡོང
275a4 རོས་དང་། གི་ཝང་དང་། རལ་གྲི་དང་། ལྕགས་མདའ་དང་། མཚོན་རྩེ་གཅིག་པ་དང་། དགྲ་སྟ་དང་། མཚོན་ཆའི་ཁྱད་པར་རྣམ་པ་སྣ་ཚོགས་པ། སའི་རང་བཞིན་གྱི་ཁྱད་པར་དང་། རྐང་གཉིས་པ་དང་། རྐང་བ་བཞི་པ་དང་། བྱ་དང་། བཞོན་པའི་ཁྱད་པར་སེང་གེ་དང་།
275a5 སྟག་དང་། གཟིག་ལ་སོགས་པ་རྣམས་གྲོག་མཁར་གྱི་ས་དྲི་ཞིམ་པོའི་དྲི་ཞིམ་བསྲེས་པ་ལས་བྱས་པའམ། སྟན་དང་། བཞོན་པ་དང་། མལ་ཆ་དང་། གདུགས་དཀར་པོ་དང་། ཅོད་པན་དང་། རྒྱན་གྱི་བྱེ་བྲག་ཐམས་ཅད་དང་། རིན་པོ་ཆེའི་བྱེ་བྲག་ཐམས་ཅད་དང་། རབ་ཏུ་བྱུང
275a6 བའི་ཡོ་བྱད་ཀྱི་བྱེ་བྲག་ཐམས་ཅད་ལ་བགྲང་ཕྲེང་དང་། །མཆིལ་ལྷམ་དང་། ལྷུང་བཟེད་དང་། ཆོས་གོས་དང་། ཁབ་དང་། གྲི་ལ་སོགས་པ་རྒྱལ་གྱི་ལྕགས་ལས་བྱས་པའམ། གཞན་ཡང་གང་ཅུང་ཟད་སེམས་ཅན་གྱི་ཡོ་བྱད་སྣོད་ལ་སོགས་པ་རྒྱལ་གྱི་ལྕགས
275a7 ལས་བྱས་པའམ། གྲོག་མཁར་གྱི་སའམ། ཆུ་ཀླུང་གི་ས་ལས་བྱས་པ་དེ་ཐམས་ཅད་པའི་རྣམ་ལྔས་བཀྲུས་ནས་མངོན་པར་བསང་གཏོར་བྱས་ཏེ་སྔ་མ་བཞིན་དུ་སྦྱོར་བའི་སྔགས་སམ། ཡི་གེ་གཅིག་པའི་སྔགས་སམ། སྔགས་གཞན་གང་ཡང་རུང་བ་བརྒྱ་རྩ་བརྒྱད་མངོན
iiif viewer powered by OpenSeadragon
