| e-texts navigator |
| Wylie |
274a1 ཆེན་མནར་མེད་འཚེད་པར་འགྱུར། །ཡང་སོས་དང་ནི་ཐིག་ནག་དང་། །རབ་ཏུ་ཚ་བར་འཚེད་པ་དང་། །སེམས་ཅན་སྡིག་སྦྲུལ་ལ་སོགས་པ། །སྤངས་པའི་ས་ཕྱོགས་འདོད་པར་བྱ། །འབྲས་བུ་མེ་ཏོག་ཡང་དག་ལྡན། །དྲི་མེད་ཆུ་ནི་རབ་བསྔགས་པ། །སྔགས་རིག་པས་ནི
274a2 སྔགས་བསྙེན་བྱ། །ཡུལ་གཞན་རྣམས་སུ་བསྒྲགས་མི་བྱ། །ལྷ་ཡི་གནས་སམ་དུར་ཁྲོད་དམ། །བརྟན་པའི་མཚན་མ་གཅིག་པ་དང་། །རྟགས་གཅིག་དེ་བཞིན་བས་མཐའ་རུ། །སྔགས་རིག་སྔགས་ནི་བསྙེན་པ་བྱ། །བདག་དང་གྲོགས་རྣམས་བསྲུང་བྱས་ནས། །སྔར
274a3 སྤྱད་གསང་སྔགས་ལྡན་པ་དང་། །སྔགས་པས་རྟག་ཏུ་སྔགས་བཟླས་བྱ། །དགོན་པ་ཆེ་མཆོག་ཤིང་ཆེན་དང་། །མེ་ཏོག་འབྲས་བུ་ལ་སོགས་འབྱུང་། །རི་ཡི་རྩེ་དང་ཁུང་བུ་དང་། །ཆུ་ཡི་གནས་ནི་གཙང་མར་བཅས། །འབབ་ཆུ་ཆེ་འགྲམ་ཡིད་འོང་བར། །སྔགས་རིག་པས
274a4 ནི་སྔགས་བསྙེན་བྱ། །སྔགས་ཤེས་ནས་ནི་ངེས་རྟོགས་བྱེད། །ཤར་ཕྱོགས་སུ་ཡང་ཆུ་ཀླུང་ཆེ། །ལུ་ཧི་ཏ་འགྲམ་དགེ་བ་དང་། །དེ་བཞིན་ཀཱ་མ་རུ་པའི་ཡུལ། །གྲོང་མཆོག་འཕེལ་བར་བྱེད་པ་དང་། །དམའ་བ་གང་དུ་འདི་འགྲོ་མཆོག་།འདུག་པ་དང་ནི་ཆུ་ཀླུང་མཆོག་།གནས
274a5 དེར་རྟག་ཏུ་ཟློས་པ་དང་། །གཙང་མ་བློ་གྲོས་ལྡན་པས་བསྟེན། །སྔོན་དུ་བསྙེན་པའང་དེར་གྱིས་ཤིག་།གང་གཱའི་སྒོ་རུ་ལས་རྣམས་ཀུན། །དེ་བཞིན་རྟག་ཏུ་གང་གཱ་དང་། །དུག་ཅན་པ་ནི་ཕྲད་པ་རུ། །རབ་ཏུ་སྦྱོར་བ་ཀུན་ཉིད་དང་། །གཙང་མའི་སྔགས་ཀྱིས་བཟླས་པ་བྱ། །དུར
274a6 ཁྲོད་ཆེ་དང་གཞན་ཉིད་ནི། །ཟློས་པོས་དེར་ནི་རྟག་ཏུ་བཟླས། །དྲི་མེད་ཆུ་དང་འབབ་ཆུ་ནི། །སྲོག་ཆགས་རྣམས་ཀྱིས་སྤངས་པ་རུ། །དེ་ཉིད་ཕྱིར་ནི་ཤིན་ཏུ་ནི། །མཉམ་གཞག་སྔགས་ཀྱིས་བཟླས་པ་བྱ། །དེར་ནི་འཇིག་རྟེན་བསམ་པ་ཡི། །བསོད་ནམས་མིན་པ་ཅུང་ཟད
274a7 མཐོང་། །འོན་ཀྱང་སྔགས་ཀྱིས་ཉེར་བསྟན་པས། །ཅུང་ཟད་དུས་སུ་འདུག་པར་བྱ། །དེ་ནས་གཞན་དུ་འགྲོ་བར་བྱ། །ཟླ་བ་གཟས་ཟིན་དུས་དེར་ནི། །དུས་མ་བབ་ནའང་དུས་ཅུང་ཟད། །དེར་འདུག་བྱ་ཡི་གཞན་དུ་མིན། །གཞན་དུ་སྔགས་རིག་ཅི་ནུས་པས། །
iiif viewer powered by OpenSeadragon
