| e-texts navigator |
| Wylie |
265a1 གོས་མནབས་པ། སེང་གེའི་ཁྲིལ་སྐྱིལ་ཐུང་ཕྱེད་པས་བཞུགས་ཏེ་ཆོས་འཆད་བཞིན་པ། ཞབས་གཡས་པ་རིན་པོ་ཆེའི་ཞབས་རྟེན་ལ་བཞག་པ། སེང་གེའི་ཁྲི་ལ་བཞུགས་པ། རྣམ་པ་ཐམས་ཅད་ཀྱི་མཆོག་དང་ལྡན་པ། བལྟ་ན་སྡུག་པ་བཞིན་ཅུང
265a2 ཟད་འཛུམ་པ། སྒྲུབ་པ་པོ་ལ་གཟིགས་པར་གྱུར་པ་བྲི་བར་བྱའོ། །གཡས་ཀྱི་གཞོགས་སུ་འཕགས་པ་ཀུན་དུ་བཟང་པོ་པྲི་ཡང་ཀུ་ལྟར་སྔོ་བསངས། རྔ་ཡབ་དཀར་པོ་གཡོབ་བཞིན་པ། ཕྱག་གཡོན་ན་ཡིད་བཞིན་གྱི་ནོར་བུ་བསྣམས་པ། ལུས་ཐམས་ཅད་མཛེས་པ།
265a3 རྒྱན་ཐམས་ཅད་ཀྱིས་བརྒྱན་པ། དར་ལ་སྔོན་པོ་གཡོ་བ་དང་བཅས་པའི་ཤམ་ཐབས་མནབས་པ། མུ་ཏིག་གི་དོ་ཤལ་གྱི་མཆོད་ཕྱིར་ཐོགས་པ་ཅན། ཕྱག་གཡོན་པས་པདྨ་དཀར་པོ་བསྣམས་པ། ཕྱག་གཡས་པས་རྔ་ཡབ་དཀར་པོ་གསེར་གྱི་ཡུ་བ་ཅན་བསྣམས་ནས
265a4 གཡོབ་པར་བྱེད་བཞིན་པ་ཞི་བའི་རྣམ་པ་ཅན་སྤྱན་རས་གཟིགས་དབང་ཕྱུག་ལ་བལྟ་བར་གྱུར་པའོ། །དེ་བཞིན་དུ་འཕགས་པ་ཀུན་དུ་བཟང་པོ་པདྨ་དཀར་པོའི་གདན་ལ་བཞུགས་པ་སྟེ་དེ་དག་གཉིས་ཀའང་དེ་ལྟར་མངོན་པར་བྲིའོ། །པདྨའི་སྡོང་བུ་གཅིག་ལས་འཐོན་པའི
265a5 པདྨ་གསུམ་གྱི་དབུ་མ་རྩ་བའི་པདྨའི་ཟེ་འབྲུ་ལ་བྱང་ཆུབ་སེམས་དཔའ་ཆེན་པོའི་སེང་གེའི་ཁྲི་དང་རིན་པོ་ཆེའི་ཞབས་རྟེན་ནོ། །པདྨ་གཞན་ལ་ནི་འཕགས་པ་ཀུན་དུ་བཟང་པོའོ། །པདྨ་གསུམ་པ་ལ་ནི་འཕགས་པ་མཐུ་ཆེན་ཐོབ་བོ། །པདྨའི་སྡོང་བུ་དེ་ནི་མཛེས་པ། རིན
265a6 པོ་ཆེ་མར་གད་ཀྱི་རྣམ་པ་ལ་པདྨའི་མེ་ཏོག་དུ་མ་ཁ་བྱེ་བ་དང་། ཕྱེད་ཙམ་ཁ་བྱེ་བ་དང་། མེ་ཏོག་ཁ་མ་བྱེ་བ་དང་ལྡན་པ། མཚོ་ཆེན་པོ་མ་དྲོས་པ་ལས་བྱུང་བའི་ཀླུའི་རྒྱལ་པོ་དགའ་བོ་དང་ཉེ་དགའ་གཉིས་མཚོ་ཆེན་པོ་ལས་སྐྱེས་པའི་པདྨའི་སྡོང་བུ་ལ་འཛིན་པ། ཀླུའི་རྒྱལ
265a7 པོ་དེ་གཉིས་ཁ་དོག་དཀར་བ། གདེངས་ཀ་བདུན་གྱིས་བརྒྱན་པ། རྒྱན་ཐམས་ཅད་ཀྱིས་མཛེས་པ། ལུས་ཕྱེད་མིའི་ལུས་ལ་སྦྲུལ་གྱི་གདེངས་ཀས་མཚན་པ། ཕྱེད་སྦྲུལ་གྱི་ལུས་ཅན་འཕགས་པ་སྤྱན་རས་གཟིགས་དབང་ཕྱུག་ལ་ངེས་པར་རྟོག་བཞིན་པ། ཕྱེད་ཆུའི
iiif viewer powered by OpenSeadragon
