| e-texts navigator |
| Wylie |
264a1 ཆེན་པོ་མཆོག་གི་སྙིང་པོ་ཆེན་པོ་དང་མཚུངས་པ་བྱ་བ་ཐམས་ཅད་མཆོག་ཏུ་གྲུབ་པ། སེམས་ཅན་ཐམས་ཅད་ལ་སངས་རྒྱས་བཞིན་དུ་སྐྱེས་པ། སངས་རྒྱས་ཐམས་ཅད་ཀྱིས་རྗེས་སུ་ཡི་རང་བ། འཇིགས་པ་ཆེན་པོ་བརྒྱད་ལས་སྐྱོབ་པ། ལས་ཐམས
264a2 ཅད་བྱེད་པ། བྱང་ཆུབ་ཀྱི་ལམ་སྟོན་པ་པོ། །པདྨའི་རིགས་ཀྱི་རིག་པ། རབ་དང་། འབྲིང་དང་། ཐ་མ་ལ་ཡང་དག་པར་རབ་ཏུ་སྦྱོར་བ། ཤིན་ཏུ་མཛེས་པའི་ལས་ཀྱི་འབྲས་བུ་རྣམ་པར་སྨིན་པ། རབ་ཏུ་སྦྱིན་པ་དང་། བསྟན་པ་ནུབ་པའི་དུས་ཀྱི་ཚེའང་འགྲུབ་པར་འགྱུར
264a3 རོ། །དམ་པའི་ཆོས་ཀྱི་ཚུལ་བསྲུང་བའི་ཆེད་དུ། མཉམ་པར་འཇུག་ཅིང་འགྲུབ་པར་འགྱུར་རོ། །དེ་རྣམས་སྦྱོར་བ་ཆུང་ངུ་ཉིད་ཀྱིས་རྒྱལ་སྲིད་ཆེན་པོ་དང་། ལོངས་སྤྱོད་ཆེན་པོའི་དབང་ཕྱུག་གི་དོན་དེ་རྣམས་འགྲུབ་པར་འགྱུར་རོ། །དེ་རྣམས་ཤིན་ཏུ་མྱུར་བར་དེའི་ཚེ་དེའི་དུས
264a4 སུ་དངོས་གྲུབ་ཐོབ་པར་འགྱུར་རོ། །རས་རིས་ཀྱི་ཆོ་ག་མདོར་བསྡུས་པར་གྱུར་པ་འདི་དེའི་ཚེ་དེའི་དུས་ན་འཇིགས་པ་ཆེན་པོ་དང་། སྙིགས་མ་ལྔའི་སེམས་ཅན་བསོད་ནམས་ཆུང་བ་འབྱུང་བར་འགྱུར་ཏེ། དབང་ཆུང་བར་གྲགས་པ། ཚེ་ཐུང་བ། བརྩོན་འགྲུས་ཞན་པས་རས་རིས་ཀྱི་ཆོ
264a5 ག་ཤིན་ཏུ་རྒྱས་པའི་ལས་བསྒྲུབ་པར་བྱ་བ་ལ་སོགས་པའི་ལས་རྣམས་རབ་ཏུ་བརྩོན་པར་མི་ནུས་ཏེ། དེ་རྣམས་ཀྱི་དོན་དུ་ཆེས་མདོར་བསྡུས་ཏེ་གསུངས་པ་ནི། དང་པོ་རེ་ཞིག་དཔའ་བོའི་རིན་གྱིས་དོག་པ་ཉོས། སྲང་ཚད་ཙམ་མམ་སྲང་ཕྱེད་ཙམ། དཀྱུས་སུ་ཁྲུ་གང་ཙམ་ལ་ཞེང་དུ་ཁྲུ་ཕྱེད
264a6 ཙམ་པའི་རས་ཁ་ཚར་དང་བཅས་པ་ཐ་ག་པས་བཏག་པར་བྱའོ། །ཡང་ན་སླར་ཡང་སྐྲ་དང་བྲལ་བའི་རས་ཀྱི་དུམ་བུ་གསར་པ་སྟེང་འོག་ཏུ་ཇི་ལྟར་འདོད་པ་ཁྲུ་གཉིས་སམ་བཞིའམ། དྲུག་གམ། ལྔའམ། བཅུའམ། བརྒྱད་པའི་རས་ཤིན་ཏུ་དཀར་བ་བླངས་ཏེ། ཇི་ལྟར་འདོད
264a7 པ་བཞིན་དུ་རི་མོ་མཁན་འདྲིར་གཞུག་པར་བྱའོ། །ཙནྡན་དང་ག་པུར་དང་གུར་གུམ་གྱིས་བསྒོས་པའི་མ་འདྲེས་པའི་ཚོན་རྩི་དེ་རྣམས་དང་། རས་ཙནྡན་དང་། གུར་གུམ་དང་། ག་པུར་རྣམས་གཅིག་ཏུ་བྱས་པས་སྲོག་ཆགས་མེད་པའི་ཆུ་རྙོག་མ་མེད་པ་དང་བསྲེས་ཏེ། སྣོད་གསར་པར
iiif viewer powered by OpenSeadragon
