| e-texts navigator |
| Wylie |
263a1 བྱེད་པའི་ཆོས་ལྷག་མ་དང་བཅས་པ་ངེས་པར་བྱང་ཆུབ་ལ་རྒྱུན་དུ་མཆོག་ཏུ་གཞོལ་བ། བྱང་ཆུབ་སེམས་དཔའ་རྣམས་ཀྱིས་རིག་པ་དང་། སྔགས་ཀྱི་སྤྱོད་པ་ཐམས་ཅད་ཀྱི་དོན་སྒྲུབ་པར་བྱེད་པ་བདག་གི་རིག་པ་གསང་ཆེན་འདི་ཉིད་སྐྱེ་བོ་ཐམས་ཅད་རྒྱས
263a2 པར་བྱེད་པར་འགྱུར་བ་མ་འོངས་པའི་དུས་འཇིག་རྟེན་གྱི་བླ་མར་མྱ་ངན་ལས་འདས་པ་ན་དེ་བཞིན་གཤེགས་པ་ཉི་མའི་རིགས་ནུབ་པ་སངས་རྒྱས་དང་བྱང་ཆུབ་སེམས་དཔའ་དང་། རང་སངས་རྒྱས་དང་། འཕགས་པ་ཉན་ཐོས་ཐམས་ཅད་ཀྱིས་སྤངས་ཤིང་ཐམས་ཅད་བོར་ཏེ་མུན
263a3 པར་གྱུར་པ་དང་། སྣོད་ཀྱི་འཇིག་རྟེན་རྣམ་པར་ཞིག་སྟེ་འཕགས་པའི་ལམ་དང་། རིག་པ་དང་། སྔགས་དང་། སྨན་དང་། ནོར་བུ་རིན་པོ་ཆེ་ཐམས་ཅད་དང་བྲལ་བ། སྐྱེ་བོ་ལེགས་པས་ཡོངས་སུ་བཟུང་བའི་སྣང་བ་མེད་པའི་སེམས་ཅན་གྱི་ཁམས་འབྱུང་བར་འགྱུར་ཏེ།
263a4 ལེ་ལོ་ཅན་དང་། དྲན་པ་ཉམས་པ་དང་། མ་དད་པ་དང་། མི་སྲུན་པ་དང་། མི་དགེ་བའི་བཤེས་གཉེན་གྱིས་ཡོངས་སུ་ཟིན་པ་སྒྱུ་དང་གཡོ་དང་། དང་གཡོ་བའི་སྤྱོད་པ་དང་ལྡན་པ་དེ་རྣམས། ཆོས་ཀྱི་རྣམ་གྲངས་འདི་ཐོས་ནས་ཀུན་དུ་སྐྲག་པར་འགྱུར་ཏེ། ལེ་ལོ
263a5 དང་། སྙོམ་ལས་ལ་མངོན་པར་དགའ་ཞིང་དད་པ་མེད་པར་འགྱུར་ཏེ། འདོད་པ་ཚོལ་ཞིང་གསང་སྔགས་ཚོལ་བར་མི་འགྱུར་ཏེ། ལོག་པར་ལྟ་བ་ལ་དགའ་བ་རྣམས་ཀྱང་བསོད་ནམས་མ་ཡིན་པ་མང་པོ་ལ་འཇུག་པར་འགྱུར་ཏེ། དམ་པའི་ཆོས་སྤོང་བར་བྱེད་པ་འབྱུང
263a6 བར་འགྱུར་རོ། །མནར་མེད་པ་ལ་མཆོག་ཏུ་གཞོལ་ཞིང་དྲག་པོའི་ཡང་དྲག་པོར་འགྲོ་བ་སྡུག་བསྔལ་གྱིས་གདུངས་པ་དེ་རྣམས་ཀྱི་དོན་གྱི་ཕྱིར་དང་། དབང་དུ་མ་གྱུར་པ་རྣམས་དབང་དུ་གྱུར་པར་བྱ་བ་དང་། དབང་དུ་གྱུར་པ་རྣམས་ལ་མི་འཇིགས་པ་རབ་ཏུ་སྦྱིན་པ་དང་། ཐབས
263a7 ལ་མཁས་པས་བསྡུ་བའི་སྦྱོར་བ་རིག་པ་དང་། རས་རིས་ཀྱི་ཆོ་ག་ད་ལྟ་གསུངས་པའི་དུས་ལ་བབ་པར་དགོངས་ན་བཅོམ་ལྡན་འདས་གསུང་དུ་གསོལ། །དེ་སྐད་ཅེས་གསོལ་པ་དང་། བཅོམ་ལྡན་འདས་མཆོག་ཏུ་གསང་བ་རིག་པའི་བརྟུལ་ཞུགས་ཀྱི་ཆོ་ག་རབ་འབྱམ་མཆོག་ཏུ
iiif viewer powered by OpenSeadragon
