| e-texts navigator |
| Wylie |
262b1 རིས་མཐོང་བ་ཙམ་གྱིས་ནི། །སྐད་ཅིག་ཉིད་ལས་གྲོལ་བར་འགྱུར། །བསྐལ་པ་བྱེ་བ་སྟོང་ཕྲག་ཏུ། །བློ་ལྡན་སངས་རྒྱས་བསྙེན་བཀུར་བྱས། །རས་རིས་ཐ་མ་མཐོང་བ་ཡི། །བཅུ་དྲུག་ཆར་ཡང་མི་ཕོད་དོ། །སངས་རྒྱས་སྐྱོབ་པ་ཐམས་ཅད་ལ། །མཆོད་བྱས་བསོད
262b2 ནམས་གང་ཡིན་དེ། །རས་རིས་ཆུང་ངུ་མཐོང་བ་ལ། །མཁས་པས་དེ་ཡི་བསོད་ནམས་ཐོབ། །མཛེས་པ་ཡི་ནི་ལས་རྣམས་དང་། །ལོངས་སྤྱོད་རྒྱུར་ཡང་འདི་སྤྱོད་དོ། །རིག་དང་གསང་སྔགས་ཇི་སྙེད་པ། །ཚངས་དབང་དྲང་སྲོང་གིས་བཤད་དང་། །ནམ་མཁའ
262b3 ལྡིང་གིས་གང་བཤད་དང་། །ཆུ་ལྷ་ཉི་མ་ལུས་ངན་དང་། །ནོར་སྦྱིན་སོགས་དང་སྲིན་པོ་དང་། །ལྷ་མིན་དབང་པོ་ཐམས་ཅད་དང་། །ལྟོ་འཕྱེ་ཆེ་དང་ཟླ་བ་དང་། །རླུང་དང་གཤིན་རྗེ་ལ་སོགས་དང་། །སེང་གེ་འཕྲོག་བྱེད་སོགས་བཤད་པའི། །སྔགས་རྣམས་ཐམས
262b4 ཅད་འདིར་དྲངས་ཏེ། །རས་རིས་སྤྱན་སྔར་འགྲུབ་པར་འགྱུར། །ཞི་བ་ཅན་དང་དེ་བཞིན་དུ། །རྒྱས་པ་ཅན་རྣམས་བྱ་བ་སྟེ། །དེ་བཞིན་འདིར་ནི་མི་བཟད་པ། །རྒྱལ་མཆོག་གིས་སྨད་སྤང་བར་བྱ། །ཞེས་བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན
262b5 ཏུ་རྒྱས་པའི་མདོ་སྡེ་ལས་བཅོམ་ལྡན་འདས་འཕགས་མ་སྒྲོལ་མའི་རྩ་བའི་ཆོ་ག་བཞི་པ་རས་རིས་ཀྱི་ཆོ་ག་རབ་འབྱམ་རྫོགས་སོ། ། །།དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་སྟན་ལས་ལངས་ཏེ་བཅོམ་ལྡན་འདས་ཤཱཀྱ་ཐུབ
262b6 པ་ལ་ལན་གསུམ་བསྐོར་བ་བྱས་ནས་བཅོམ་ལྡན་འདས་ཀྱི་ཞབས་ལ་ཕྱག་བྱས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཆོས་ཀྱི་རྣམ་གྲངས་འདི་གསུངས་པ་ནི
262b7 ལེགས་སོ་ལེགས་སོ། །རིག་པའི་བརྟུལ་ཞུགས་ཐམས་ཅད་དཔྱད་པའི་དོན་དང་། ཕན་པའི་ཕྱིར་དང་། བདེ་བའི་ཕྱིར་དང་། འཇིག་རྟེན་ལ་སྙིང་བརྩེ་བས་བྱང་ཆུབ་སེམས་དཔའི་ཐབས་ལ་མཁས་པ་བསྟན་པ། མྱ་ངན་ལས་འདས་པའི་གྲོང་ཁྱེར་དུ་འགྲོ་བར
iiif viewer powered by OpenSeadragon
