| e-texts navigator |
| Wylie |
262a1 བྱེད་བཞིན་པ། མཛེས་པའི་གཟུགས་ཅན་འདྲིར་གཞུག་པར་བྱའོ། །གཡོན་གྱི་གཞོགས་སུ་འཕགས་པ་ཀུན་དུ་བཟང་པོ་རིན་པོ་ཆེའི་རྡོ་ལེབ་ལ་གནས་པ་ཕྱག་ན་རྔ་ཡབ་ཐོགས་པ་གཡོན་ན་ཡིད་བཞིན་གྱི་ནོར་བུ་ཐོགས་པ་ཁ་དོག་བྲི་ཡང་ཀུ་ལྟར་སྔོ་བསངས
262a2 སོ། །གཡས་ཀྱི་གཡོགས་སུའང་འཕགས་པ་སྤྱན་རས་གཟིགས་དབང་ཕྱུག་རིན་པོ་ཆེའི་རྡོ་ལེབ་ལ་གནས་པ་ཕྱག་ན་རྔ་ཡབ་ཐོགས་ཤིང་། ཕྱག་གཡོན་པདྨ་བསྣམས་པ། ཀུན་ནས་འོད་དང་ལྡན་པའི་ལུས་ཅན་འཕགས་པ་སྤྱན་རས་གཟིགས་དབང་ཕྱུག་སྔ་མ་བཞིན་དུ
262a3 མངོན་པར་བྲི་བར་བྱའོ། །སེང་གེའི་ཁྲིའི་འོག་ཏུ་གསེར་གྱི་རི་བོ། །ཇི་སྲིད་རས་ཀྱི་མཐའི་བར་དུ་འདྲིར་གཞུག་པར་བྱའོ། །རས་རིས་ཀྱི་མཐའི་ཟུར་དུ་འཕགས་པ་སྤྱན་རས་གཟིགས་དབང་ཕྱུག་གི་སེང་གེའི་འོག་ཏུ་གཡས་ཀྱི་གཞོགས་སུ་ཁྲོ་བོའི་རྒྱལ་པོ་སྒྲོལ་མས་ནོན་པ་སྔ་མ་བཞིན་དུ་འདྲིར
262a4 གཞུག་པར་བྱའོ། །དེའི་འོག་ཏུ་སྒྲུབ་པ་པོ་ལག་ན་སྤོས་ཕོར་ཐོགས་པ་སྔ་མ་བཞིན་དུ་འདྲིར་གཞུག་པར་བྱའོ། །དེ་ཐམས་ཅད་སྔ་མ་ཇི་ལྟ་བ་དེ་བཞིན་དུའོ། །དེ་ནས་འཕགས་པ་སྤྱན་རས་གཟིགས་དབང་ཕྱུག་གི་སྟེང་དུ་དེ་བཞིན་གཤེགས་པ་འོད་དཔག་མེད་འདྲིར་གཞུག་པར་བྱ་སྟེ། རིན
262a5 པོ་ཆེའི་རིའི་ཕུག་། སོར་བཅུ་དྲུག་པའི་ཚད་ན་བཞུགས་པ། ཁང་པ་བརྩེགས་པ་འདྲི་བའི་རི་བོའི་བྱ་སྐྱིབས་མཐོ་བ་འདྲིར་གཞུག་པར་བྱའོ། །རས་རིས་དེའི་ཁོར་ཡུག་ཏུ་རི་བོའི་ཁོར་ཡུག་ཏུ་རི་བོའི་རྣམ་པས་ཡོངས་སུ་བསྐོར་བ་མངོན་པར་བྲིའོ། །རས་རིས་དེའི་སྟེང་གི་ཟུར་དུ་གནས་པའི་རི
262a6 བོའི་བྱ་སྐྱིབས་དང་ཀུན་ཏུ་འབྲེལ་བར་ལྡིང་བཞིན་པ་ལྟ་བུ་མེ་ཏོག་སྣ་ཚོགས་འཐོར་བར་བྱེད་པའི་གནས་གཙང་མའི་རིས་ཀྱི་ལྷའི་བུ་དག་པ་དང་རྣམ་པར་དག་པ་ཞེས་བྱ་བ་གཉིས་སུ་འདྲིར་གཞུག་པར་བྱའོ། །རས་དེ་ལ་མེ་ཏོག་སྣ་ཚོགས་ཀྱིས་གཅལ་དུ་བཀྲམ་པ་མངོན་པར་འདྲིར་གཞུག
262a7 པར་བྱའོ། །རས་རིས་རྣམ་གསུམ་མཚན་ཉིད་ནི། །ཐམས་ཅད་འདིར་ནི་བསྟན་པ་ལས། །འདི་ནི་ཆུང་ངུ་ཞེས་བྱ་སྟེ། །རས་རིས་ཕྲན་ཚེགས་ལས་ལ་ཤིས། །སྡིག་ལས་ཤིན་ཏུ་མི་བཟད་པ། །བསྐལ་པ་བྱེ་བ་སྟོང་ཕྲག་ཏུ། །རས་རིས་མཐོང་བས་གྲོལ་འགྱུར་ཏེ། །རས
iiif viewer powered by OpenSeadragon
