| e-texts navigator |
| Wylie |
261b1 མཚམས་མེད་ལྔ་པོ་བྱེད་པ་དང་། །ཚུལ་འཆལ་གྱིས་ཀྱང་འགྲུབ་པར་འགྱུར། །རྣམ་པ་སྣ་ཚོགས་སྔགས་གསུངས་པའང་། །ཤིན་ཏུ་མྱུར་བར་དངོས་གྲུབ་ནི། །བཟླས་པ་བྱས་པས་ཐོབ་པར་འགྱུར། །ནད་ཅན་རྣམས་ནི་ནད་ལས་གྲོལ། །བཀྲེན་པས་ནོར་ནི་རྙེད་པར
261b2 འགྱུར། །བུད་མེད་རྣམས་ནི་བུ་ཐོབ་འགྱུར། །བྲིས་སྐུ་བར་པ་བལྟ་བ་ན། །མཐོང་བ་ཙམ་གྱིས་དེ་ཡི་ཚེ། །བསོད་ནམས་རྒྱས་པ་ཆེན་པོ་ཐོབ། །ངེས་པར་ལྷ་དང་མི་རྣམས་ཀྱི། །བདེ་བའི་སྐལ་བ་ཅན་འགྱུར་མི། །དེ་ཡི་སྐྱེ་བ་གཞན་ལ་ཡང་། །ངེས་པར་སངས་རྒྱས་ཉིད་དུ
261b3 འགྱུར། །བྲི་བ་དང་ནི་ཀློག་པ་དང་། །ལྷ་མཆོད་པ་དང་འདྲིར་འཇུག་དང་། །དེ་བཞིན་མཐོང་དང་རེག་ཉིད་ཀྱང་། །སྡིག་པ་ཀུན་ལས་གྲོལ་བར་འགྱུར། །འདི་ལྟར་འོད་ཆེན་བྲིས་སྐུ་ལ། །དོན་དུ་གཉེར་དང་གསོལ་འདེབས་པ། །རྗེས་སུ་ཡི་རང་བ་ལས་ཀྱང་། །སྐྱེ་བ་འབྲས
261b4 བཅས་མྱུར་དུ་ཐོབ། །བསྐལ་མཆོག་ཕྱེ་མ་རྣམས་ཀྱིས་ཀྱང་། །སྐྱེ་བོས་བསོད་ནམས་གང་ཐོབ་པ། །ཚིག་ཏུ་བརྗོད་པར་མི་ནུས་སོ། །བྲིས་སྐུ་མཐོང་བ་འབྲས་བུར་བཅས། །ཞེས་བྱ་བ་བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོ་ཤིན་ཏུ་རྒྱས་པའི་མདོ་སྡེ་ལས
261b5 བཅོམ་ལྡན་འདས་འཕགས་མ་སྒྲོལ་མ་རལ་པ་གྱེན་དུ་བརྫེས་པའི་རྩ་བའི་ཆོ་ག་རབ་འབྱམ་ལས། ལེའུ་གསུམ་པ་ཡོངས་སུ་རྫོགས་སོ།། །།དེ་ནས་ཡང་བཅོམ་ལྡན་འདས་ཤཱཀྱ་ཐུབ་པས་སླར་ཡང་སེམས་དཔའ་ཆེན་པོ་དེ་ལ་བཀའ་སྩལ་པ་སེམས་དཔའ་ཆེན་པོ
261b6 ཁྱོད་ཀྱི་རས་རིས་ཀྱི་ཆོ་ག་ཆུང་ངུ་ཞེས་བྱ་བ་གཞན་གསུམ་པ་ཡང་ཡོད་དེ། །གང་འབད་པ་མེད་པར་དངོས་གྲུབ་འགྲུབ་པར་འགྱུར་བ་སྟེ། སྔར་བསྟན་པ་ཉིད་ཀྱི་ཆོ་ག་ཉིད་དང་། བཟོ་བོས་བདེ་བར་གཤེགས་པའི་མཐོ་གང་གི་ཚད་ཙམ་ཐད་ཀར་དང་། དེ་བཞིན་ཁོ་ནར་ཀུན་ནས་གྲུ་བཞི
261b7 པ་ལ་སྔར་བཞིན་དུ་རས་རིས་སྔར་བསྟན་པའི་ཚོན་རྩི་རྣམས་ཀྱིས་འདྲིར་གཞུག་པར་བྱའོ། །དང་པོ་རེ་ཞིག་བྱང་ཆུབ་སེམས་དཔའ་ཆེན་པོ་སེངྒེའི་གདན་ལ་སྐྱིལ་ཀྲུང་གིས་བཞུགས་པ་བྱིས་པ་ཁྱེའུ་སྔར་བཞིན་དུ་ཆོས་སྟོན་པར་མཛད་བཞིན་པ་ཀུན་ནས་འོད་ཟེར་འཕྲོ་བར
iiif viewer powered by OpenSeadragon
