| e-texts navigator |
| Wylie |
260b1 འོན་ཀྱང་བཅོམ་ལྡན་འདས་ལ་རྔ་ཡབ་གཡོབ་པར་བྱེད་བཞིན་པའོ། །དེའི་གཞོགས་སུ་འཕགས་པ་བྱམས་པ་དང་། ཀུན་དུ་བཟང་པོ་དང་། ཕྱག་ན་རྡོ་རྗེ་དང་། བློ་གྲོས་ཆེན་པོ་དང་། ཞི་བའི་བློ་གྲོས་དང་། ནམ་མཁའ་མཛོད་དང་། སྒྲིབ་པ་ཐམས་ཅད་རྣམ་པར་སེལ་བ
260b2 སྟེ་འདི་རྣམས་རིམ་གྱིས་མངོན་པར་བྲི་བར་བྱ་སྟེ། དང་པོ་ཇི་ལྟ་བ་བཞིན་དུ་རྒྱན་ཐམས་ཅད་ཀྱིས་བརྒྱན་པ་འདྲིར་གཞུག་པར་བྱའོ། །དེ་རྣམས་ཀྱི་སྟེང་དུ་སངས་རྒྱས་བཅོམ་ལྡན་འདས་བརྒྱད་འདྲིར་གཞུག་པར་བྱ་སྟེ། བཞུགས་པ་ཕྱག་གཡས་མི་འཇིགས་པ་སྦྱིན་པ། ཆོས་གོས
260b3 སེར་པོའི་བླ་གོས་མནབས་པའི་སྐུ་ཅན། ཕྱག་གཡོན་པས་ཆོས་གོས་ཀྱི་རྣ་བ་འཛིན་པ། ཅུང་ཟད་དམར་བར་སྣང་བའི་ངུར་སྨྲིག་གི་ཤམ་ཐབས་ཅན་ཀུན་ནས་སྣང་བའི་རྣམ་པ་ཐམས་ཅད་ཀྱི་མཆོག་དང་ལྡན་པ་འདི་ལྟ་སྟེ། དེ་བཞིན་གཤེགས་པ་མེ་ཏོག་རབ་ཏུ་རྒྱས་པའི་རྒྱལ་པོ
260b4 དང་། རིན་ཆེན་གཙུག་ཏོར་ཅན་དང་། ཐམས་ཅད་སྐྱོབ་དང་། ལོག་པར་དད་སེལ་དང་། གསེར་ཐུབ་དང་། འོད་སྲུང་དང་། སྤྱན་བཟང་ཞེས་པའི་སངས་རྒྱས་བཅོམ་ལྡན་འདས་འདི་རྣམས་འདྲིར་གཞུག་པར་བྱའོ། །བཅོམ་ལྡན་འདས་ཀྱི་གཡས་ཀྱི་གཞོགས་སུ་འཕགས
260b5 པ་སྤྱན་རས་གཟིགས་དབང་ཕྱུག་དང་། ཉེ་བར་འཁོར་གྱི་དཀྱིལ་འཁོར་ཆེན་པོ་འདྲིར་གཞུག་པར་བྱའོ། །ཉན་ཐོས་ཆེན་པོ་བརྒྱད་དང་། རང་སངས་རྒྱས་བརྒྱད་སྔར་ཇི་ལྟར་བསྟན་པ་དེ་བཞིན་དུ་འདྲིར་གཞུག་པར་བྱ་སྟེ། འོན་ཀྱང་འཕགས་པ་མཽད་གལ་གྱི་བུ་ཆེན་པོ་དང་། ཤཱ
260b6 རིའི་བུ་བཅོམ་ལྡན་འདས་ཤཱཀྱ་ཐུབ་པ་ལ་རྔ་ཡབ་གཡོབ་པར་བྱེད་བཞིན་དུ་འཁོར་བའི་ལུས་སུ་མངོན་པར་བྲི་བར་བྱའོ། །དེ་བཞིན་དུ་གནས་གཙང་མའི་རིས་ཀྱི་ལྷའི་བུ་མངོན་པར་བྲི་བར་བྱའོ། །ལྷ་རྣམས་ཀྱི་དབང་པོ་བརྒྱ་བྱིན་དང་། རབ་འཐབ་བྲལ་དང་། དགའ་ལྡན་དང་།
260b7 འཕྲུལ་དགའ་དང་། དག་པ་དང་། དྲི་མ་མེད་པ་དང་། ཤིན་ཏུ་མཐོང་དང་། འོད་གསལ་དང་། ཚངས་པ་མི་མཇེད་ཀྱི་བདག་པོ་དང་། འོག་མིན་ཏེ་དེ་ལྟ་བུ་ལ་སོགས་པའི་ལྷའི་བུ་གཟུགས་ན་སྤྱོད་པ་དང་། འདོད་པ་ན་སྤྱོད་པའི་ལྷའི་བུ་རྣམས་རིམ་གྱིས་མངོན་པར་བྲི་བར་བྱའོ། །
iiif viewer powered by OpenSeadragon
