| e-texts navigator |
| Wylie |
260a1 བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་དུ་བརྫེས་པའི་རྩ་བའི་ཆོ་ག་རབ་འབྱམ་གྱི་བྲིས་སྐུ་དང་པོ་རྫོགས་སོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པས་ཐམས་ཅད་དང་ལྡན་པའི་འཁོར་ལ་གཟིགས་ནས་བྱང་ཆུབ་སེམས་དཔའ་སེམས་དཔའ
260a2 ཆེན་པོ་སྤྱན་རས་གཟིགས་དབང་ཕྱུག་ལ་བཀའ་སྩལ་པ། སེམས་དཔའ་ཆེན་པོ་གཞན་ཡང་ཁྱོད་ཀྱི་རས་རིས་ཀྱི་ཆོ་ག་བར་མ་ཡོད་དེ། དེ་ངས་བཤད་པར་བྱ་ཡིས། དེ་ལེགས་པར་ཉོན་ལ་ལེགས་པར་ཡིད་ལ་གྱིས་ཤིག་།བཤད་པར་བྱའོ། །དང་པོ་རེ་ཞིག་སྔར་བསྟན་པའི
260a3 དོག་པ་དང་། སྔར་བརྗོད་པ་ཉིད་ཀྱི་ཆོ་ག་དང་། སྔར་ཡོངས་སུ་བརྟགས་པའི་བཟོ་བོ་དང་། སྔར་གྱི་ཚད་བར་མ་ཉིད་ཀྱིས་རས་ཤིན་ཏུ་དག་པ། འཇམ་པ། ཤིན་ཏུ་སྦྱངས་པ། ཁ་ཚར་དང་བཅས་པ། ཚོན་མ་འདྲེས་པ། སྐྲ་དང་འདྲེས་པ་དང་བྲལ་བ་ལ་སོགས་པ་རྣམས
260a4 ཀྱིས་ཚད་དང་གཟུགས་མ་གཏོགས་པ་དང་པོ་ཇི་ལྟ་བ་དེ་བཞིན་ཉིད་ཀྱིས་རས་རིས་ཕྱི་མ་འདྲིར་གཞུག་པར་བྱའོ། །དང་པོ་རེ་ཞིག་གནས་གཙང་མའི་གནས་ཀུན་ནས་མཛེས་པའི་རྣམ་པ་རིན་པོ་ཆེ་ཤེལ་གྱི་རང་བཞིན་ལྟ་བུ་མུ་ཏིག་དཀར་པོའི་དོ་ཤལ་གྱིས་བརྒྱན་པ། དེའི་དབུས
260a5 སུ་བཅོམ་ལྡན་འདས་ཤཱཀྱ་ཐུབ་པ་འདྲིར་གཞུག་པར་བྱ་སྟེ། རིན་པོ་ཆེ་སེང་གེའི་ཁྲི་ལ་ཉེ་བར་བཞུགས་པ། ཆོས་སྟོན་པར་མཛད་བཞིན་པ། རྣམ་པ་ཐམས་ཅད་ཀྱི་མཆོག་དང་ལྡན་པའོ། །གཡས་ཀྱི་གཞོགས་སུ་འཕགས་པ་སྤྱན་རས་གཟིགས་དབང་ཕྱུག་པདྨའི་གེ་སར
260a6 དུ་སྣང་བའམ། གུར་གུམ་མམ། ཉི་མའི་ཁ་དོག་ཅན། ཕྲག་པ་གཡོན་པའི་ཕྱོགས་སུ་པདྨ་བསྣམས་པ། ཐལ་མོ་སྦྱར་བ་བྱས་ཏེ་བཅོམ་ལྡན་འདས་ཤཱཀྱ་ཐུབ་པ་ལ་ངེས་པར་རྟོག་བཞིན་པ། བཞིན་ཅུང་ཟད་འཛུམ་པ། བྱང་ཆུབ་སེམས་དཔའ་ཆེན་པོ། བདེ་ལེགས
260a7 དབུས་མའི་ཅོད་པན་ཅན། མཆོད་ཕྱིར་ཐོགས་དཀར་པོ་ཅན། པུས་མོ་གཡས་པའི་ལྷ་ང་དང་། མགོ་འདུད་པའོ། །བཅོམ་ལྡན་འདས་ཤཱཀྱ་ཐུབ་པའི་གཡོན་གྱི་གཞོགས་སུ་ཕྱག་ན་རྡོ་རྗེ་པྲི་ཡང་ཀུ་ལྟར་སྔོ་བསངས་སྔར་ཇི་ལྟར་བསྟན་པ་དེ་བཞིན་དུ་མངོན་པར་བྲིའོ། །
iiif viewer powered by OpenSeadragon
