| e-texts navigator |
| Wylie |
259b1 ལ་རབ་ཞུགས་པའི། །འཇིག་རྟེན་ཀུན་ལ་ཕན་པར་བརྩོན། །བགེགས་ཀུན་རྣམ་པར་གཞོམ་དོན་དུ། །ཆུ་བོ་ལ་བརྟེན་བྲི་བར་བྱ། །དེ་ལ་རས་ཀྱི་ཆོ་ག་འདི། །མདོར་བསྡུས་རྒྱལ་བས་གསུངས་པ་ཡིན། །རྒྱས་པར་དེ་བཞིན་གཤེགས་རྣམས་ཀྱིས། །ཀུན་ནས་བཤད
259b2 པ་སྔར་གསུངས་སོ། །མཁས་པ་གང་ཞིག་འདྲི་བྱེད་པ། །དེ་ཡི་བསོད་ནམས་མཐའ་ཡས་སོ། །སྡིག་པ་ཤིན་ཏུ་མི་བཟད་པ། །བསྐལ་པ་བྱེ་བ་བྱས་པ་གང་། །ས་སྟེངས་བྲིས་སྐུ་མཐོང་བ་ཡིས། །དེ་ཡི་སྐད་ཅིག་ཉིད་ལ་འཇོམས། །མཚམས་མེད་ལྔ་པོ་བྱེད་པ་དང་། །ཚུལ
259b3 ཁྲིམས་འཆལ་དང་སྨད་པ་དང་། །སྡིག་པ་ཀུན་ལ་རབ་འཇུག་དང་། །འཁོར་བར་ཡོངས་སུ་རྒྱུ་བ་ཡི། །འགྲོ་བ་སྐྱེ་གནས་དམན་པ་རྣམས། །དེ་རྣམས་རས་རིས་འཛིན་མི་གཞུག་།དེ་རྣམས་རས་རིས་མཐོང་བས་ནི། །འབྲས་བུ་ཡོད་པར་ཐུབ་དབང་གསུངས། །དེ་ཕྱིར་མཐོང་བ
259b4 ཙམ་གྱིས་ནི། །སྐད་ཅིག་དེ་ལ་སྡིག་པ་འཇིག་།དག་པས་འཇུག་པ་ཉིད་དང་ནི། །རྗེས་སུ་ཟློས་པ་དག་འཇུག་པ། །སྔགས་མཉན་པ་ལ་བརྩོན་པ་ཡི། །མི་རྣམས་གྲུབ་ཐོབ་སྨོས་ཅི་དགོས། །བསྐལ་པ་བྱེ་བར་སངས་རྒྱས་ཀུན། །མཆོད་པའི་བསོད་ནམས་གང་ཡིན་པ། །ས
259b5 སྟེངས་རས་རིས་འདྲི་བ་ཡི། །སྔགས་པ་བསོད་ནམས་དེ་ཐོབ་འགྱུར། །གང་གཱ་ཡི་ནི་བྱེ་མ་ཡི། །ཚད་དུ་གྲགས་པ་གང་ཡིན་པ། །དེ་ཡི་ཚད་གྱུར་སངས་རྒྱས་དང་། །རྒྱལ་སྲས་རང་རྒྱལ་བསེ་རུ་དང་། །ཉན་ཐོས་རྣམས་ལ་འཇིག་རྟེན་དུ། །སླར་ཡང་ལན་མང་མཆོད་སྟོན
259b6 གསོལ། །འབྲས་བུ་ཐོབ་པ་གང་ཡིན་དེའི། །སྔགས་པ་རས་རིས་བྲིས་པ་དང་། །མཐོང་དང་ཆོ་ག་ཀློག་པ་དང་། །རྗེས་སུ་ཡི་རང་བ་ཉིད་དང་། །ཆོ་ག་ཐམས་ཅད་རབ་བརྟགས་པ། །དེ་ཡི་སྔགས་ཀྱི་དངོས་གྲུབ་དེས། །ཇི་སྲིད་འཇིག་རྟེན་པ་ཡི་སྔགས། །གང་ཞིག
259b7 རྒྱལ་བ་སྐྱེས་མཆོག་དང་། །དེ་སློབ་བསེ་རུ་ལྷ་རྣམས་དང་། །བྱང་ཆུབ་སེམས་དཔའ་བདག་ཉིད་ཆེས། །གསུངས་པའི་སྔགས་རྣམས་ཐམས་ཅད་ནི། །རས་རིས་འདི་ཡི་སྤྱན་སྔར་འགྲུབ། །བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོའི་མདོ་སྡེ་ལས།
iiif viewer powered by OpenSeadragon
