| e-texts navigator |
| Wylie |
258b1 འདུད་པའི་ལུས་ཅན་ལག་པ་སྤོས་ཕོར་ཐོགས་པ། ཆ་བྱད་དང་། དབྱིབས་དང་། འཇུག་པ་དང་སྤྱོད་པ་ཇི་ལྟ་བ་བཞིན་དུ་བྱས་པ། འཕགས་པ་འཇམ་དཔལ་ལ་ལྟ་བར་གྱུར་པ་ཡང་དག་པར་བྲིའོ། །བཅོམ་ལྡན་འདས་ཤཱཀྱ་ཐུབ་པའི་འོག་གཡས་ཀྱི་གཞོགས་སུ་ཀླུའི་དབང
258b2 པོའི་རྒྱལ་པོ་དགའ་བོ་དང་། ཉེ་ལོགས་སུ་པདྨའི་མཚོ་ལས་མངོན་པར་འཕགས་པའི་རིན་པོ་ཆེའི་རིའི་དབང་པོའི་རྒྱལ་པོ་གཞན་གསུངས་པ་དེ་བཞིན་དུ་མངོན་པར་བྲི་སྟེ། ཁྲོ་བོའི་རྒྱལ་པོ་སྒྲོལ་མས་ནོན་པ་ཕན་པ་ལྷའི་མེ་ཏོག་གཅལ་དུ་བཀྲམ་པ་མངོན་པར་བྲི་སྟེ། རི་དེ་ནི
258b3 སྤྱན་རས་གཟིགས་དབང་ཕྱུག་གི་འོག་ཏུ་བྲིའོ། །རི་དེ་ནི་ཤིན་ཏུ་མཐོ་བ། པདྨ་རཱ་གའི་རྡོ་ལེབ་དང་། དེ་ཉིད་ཀྱི་མྱུ་གུ་དང་། བཻ་ཌཱུརྱའི་རང་བཞིན་གྱི་རྩེ་མོའི་རྣམ་པར་བྲི་བར་བྱའོ། །དེ་ལ་བརྟེན་པའི་ལྷ་མོ་སྤྱན་རས་གཟིགས་དབང་ཕྱུག་གི་ཐུགས་རྗེ། འཕགས་མ་སྒྲོལ་མ
258b4 ལུས་རྒྱན་ཐམས་ཅད་ཀྱིས་བརྒྱན་པ། དར་ལ་དམར་པོའི་སྟོད་གཡོགས་དང་། དར་ལ་ཁྲ་བོའི་ཤམ་ཐབས་ཅན་བུད་མེད་ཀྱི་རྒྱན་ཐམས་ཅད་ཀྱིས་རྣམ་པར་བརྒྱན་པ། ཕྱག་གཡོན་ན་ཨུཏྤལ་སྔོན་པོ་བསྣམས་པ། གསེར་མདོག་ཅན་མ། ཧ་ཅང་མི་སྦོམ། ཧ་ཅང་མི་རྒན་པ།
258b5 སེམས་བསམ་གཏན་ལ་གནས་པ། བཀའ་ནོད་ཅིང་འདུག་པ། ཕྱག་གཡས་པས་མཆོག་སྦྱིན་པར་འདོད་པ། ལུས་ཅུང་ཟད་བཏུད་པ། སྐྱིལ་མོ་ཀྲུང་གིས་ཉེ་བར་འདུག་པ། འཕགས་པ་སྤྱན་རས་གཟིགས་དབང་ཕྱུག་ལ་ཅུང་ཟད་ལྟ་བར་གྱུར་པ། ཀུན་ནས་འབར་བའི་ཕྲེང
258b6 བས་ཡོངས་སུ་བསྐོར་བའོ། །དེ་ཉིད་དུའང་རིན་པོ་ཆེ་བཻ་ཌཱུརྱའི་རྩེ་མོ་དེ་ཉིད་དུའང་། པུནྣཱ་གའི་ཤིང་གིས་ཡོངས་སུ་བསྐོར་བ། ཡལ་ག་ཐམས་ཅད་ལ་ཀུན་ནས་མེ་ཏོག་གིས་སྤྲས་ཤིང་། ཁ་བྱེ་བར་གྱུར་པས་བཅོམ་ལྡན་འདས་མ་སྒྲོལ་མ་ལ་མངོན་པར་བཀབ་པ། ཡལ་ག་དུད
258b7 པ་དེ་ཉིད་ཀྱིས་ཀྱང་ཤིན་ཏུ་བཀྲ་བའི་བྱི་རུའི་མྱུ་གུ་འབྲེལ་བ་རྣམ་པར་བཀྲ་བའི་གཟུགས་ཅན་གྱི་ཚོན་རྩི་འབར་བ་ན་ལྷ་མོ་སྒྲོལ་མའི་བཞིན་ཀུན་དུ་སྣང་བར་མངོན་པར་བྲིའོ། །ལྷ་མོ་བགེགས་ཀུན་འཇོམས་པ་མོ། །འཇིགས་པ་འཇོམས་པར་བྱེད་པའི་མཆོག་།སྒྲུབ་པ་པོ་ནི
iiif viewer powered by OpenSeadragon
