| e-texts navigator |
| Wylie |
258a1 ནས་སངས་རྒྱས་བཅོམ་ལྡན་འདས་ཤཱཀྱ་ཐུབ་པ་ལ་ངེས་པར་རྟོག་པར་བྱེད་པའོ། །སྟེང་ངོས་སུའང་གནས་གཙང་མའི་ལྷ་དང་། ཉེ་བར་གནས་པའི་ལྷའི་བུ་གཞན་གཉིས་དར་གྱི་བླ་རེ་ཀུན་ནས་ཆུར་རིང་ཞིང་ཤིན་ཏུ་མཛེས་པ་བཟུང་ནས་སངས་རྒྱས་དང་བྱང་ཆུབ
258a2 སེམས་དཔའ་དང་རང་སངས་རྒྱས་དང་། འཕགས་པ་ཉན་ཐོས་ཐམས་ཅད་ཀྱི་སྟེང་དུ་འཛིན་པར་བྱེད་བཞིན་པ་ལྷའི་ཕྲེང་བ་དང་གོས་འཆང་བའི་ལྷའི་བུ་མངོན་པར་བྲིའོ། །བཅོམ་ལྡན་འདས་ཤཱཀྱ་ཐུབ་པའི་སྟེང་ངོས་སུ་དབུ་ལ་མུ་ཏིག་གི་དོ་ཤལ་དང་། རིན་པོ་ཆེའི་སྐུད་པ་ལ་པདྨ་རཱ
258a3 ག་དང་། ཨིནྡྲ་ནཱི་ལ་ལ་སོགས་པ་རྣམས་ཀྱིས་བརྒྱུས་པའི་རིན་པོ་ཆེའི་སྐུད་པའི་ཚོགས་དེ་ལ་དར་གྱི་བླ་རེ་ལེགས་པར་བཀོད་ཅིང་ཁོར་ཡུག་ཏུའང་མུ་ཏིག་གི་དོ་ཤལ་རབ་ཏུ་འཕྱང་བ་མཛེས་པར་གྱུར་པ་མངོན་པར་བྲི་བར་བྱའོ། །སངས་རྒྱས་བཅོམ་ལྡན་འདས་ཀྱི་པདྨའི་གདན་གྱི་འོག་ཏུ
258a4 བྱང་ཆུབ་སེམས་དཔའ་ཆེན་པོ་དང་ཉེ་བར་ཀླུའི་རྒྱལ་པོ་ཉེ་དགའ་བོའི་གཞོགས་སུ་རིན་པོ་ཆེའི་རི་བོ། པདྨའི་མཚོ་ལས་མངོན་པར་འཕགས་པ། རིན་པོ་ཆེའི་ནྱུ་གུ་དང་། ཕུག་དང་། རི་སུལ་དང་། བྱི་རུའི་འཁྲི་ཤིང་ཡོངས་སུ་དཀྲིས་པའི་རིན་པོ་ཆེའི་ཤིང་དང་། དྲང་སྲོང་ཆེན
258a5 པོ་ཉེ་བར་གནས་ཤིང་བསྟེན་པའི་རི་བོ། །དེའི་སྟེང་དུ་ཁྲོ་བོའི་རྒྱལ་པོ་སྒྲོལ་མས་ནོན་པ་དྲག་པོ་ཆེན་པོའི་གཟུགས་ཅན་ཕྱག་གཡོན་པས་ཞགས་པ་བཟུང་ནས། གཡས་པས་དབྱུག་པ་འཛིན་པ། བཞིན་ཁྲོ་གཉེར་ཅན། བྱང་ཆུབ་སེམས་དཔའ་ཆེན་པོ་ལ་བལྟ་ཞིང་བཀའ་ནོད་པར་བྱེད
258a6 བཞིན་པ། གསུས་པ་རློ་བ། སྐྲ་གྱེན་དུ་བརྫེས་པ། མིག་སྨན་ནག་པོ་སྤྲིན་དང་མཚུངས་པ། ཨག་ཚོམ་སེར་སྐྱ་དང་། སྐྲ་རིང་ཞིང་སེན་མོ་རིང་བ། མིག་དམར་བ། མགྲིན་པའི་ཕྱོགས་སྦྲུལ་གྱིས་བརྒྱན་པ། སྟག་གི་པགས་པའི་ཤམ་ཐབས་ཅན། བགེགས་ཐམས
258a7 ཅད་རྣམ་པར་འཇོམས་པ། ཆེས་མི་བཟད་པ་ཆེན་པོ། ཁྲོ་བོའི་རྒྱལ་པོ་ཆེན་པོ། ཀུན་ནས་འབར་བ། ཁྲོ་བོའི་རྒྱལ་པོ་སྒྲོལ་མས་ནོན་པ་རྣམས་འདི་ཉིད་ཁོ་ནས་བྲི་བར་བྱའོ། །དེའི་འོག་ཏུ་རལ་པ་ཅན་དེ་དང་དེའོ། །རི་དེའི་འོག་ཏུ་རྡོའི་སྟེང་དུ་ཉེ་བར་འདུག་པ། པུས་མོ་ས་ལ
iiif viewer powered by OpenSeadragon
