| e-texts navigator |
| Wylie |
254a1 སྒྲུབ་པ་པོས་ཡང་དག་པར་སྦྱོང་བར་བྱེད་པའི་སྔགས་ཉིད་ཡུངས་ཀར་དཀར་པོ་ལ་བརྒྱ་རྩ་བརྒྱད་མངོན་པར་བསྔགས་པར་བྱས་ནས་ཕྱོགས་བཞི་རྣམས་དང་། སྟེང་དང་འོག་དང་ཕྱོགས་བྲལ་རྣམས་སུ་གཏོར་བར་བྱའོ། །དེ་ནས་ཐ་ག་པ་ལ་ཡུངས་ཀར
254a2 གྱིས་ཡང་དག་པར་བསྣུན་ནས་ཕྱག་རྒྱ་ཆེན་པོས་གཙུག་ཕུད་ལྔ་པ་བཅིངས་ཏེ། གཙུག་ཏོར་བཅིང་བ་བྱས་ན་སྲུང་བ་ཆེན་པོ་བྱས་པར་འགྱུར་རོ། །གལ་ཏེ་རས་རབ་ཡིན་ན་ཞེང་དུ་ཁྲུ་བཞི། ཆུར་ཁྲུ་བརྒྱད་ཀྱི་ཚད་འདི་ཙམ་དུ་ཐ་ག་པས་བྲན་པར་བྱའོ། །འབྲིང་པོར
254a3 གྱུར་ན་ཞེང་དུ་ཁྲུ་དོ་ཆུར་ཁྲུ་ལྔ་ཉིད་དོ། །ཐ་མ་ནི་བདེ་བར་གཤེགས་པའི་མཐོ་གང་གི་ཚད་ལ་ཆུར་ནི་སངས་རྒྱས་ཀྱི་ཁྲུ་གང་ཉིད་དོ། །དེ་ལས་སངས་རྒྱས་བཅོམ་ལྡན་འདས་ཀྱི་མཐོ་གང་ནི་ཡུལ་དབུས་ཀྱི་སྐྱེས་བུ་ཚད་དང་ལྡན་པའི་ཁྲུ་གཅིག་སྟེ། འདི་ནི་བདེ་བར་གཤེགས
254a4 པའི་མཐོའོ་ཞེས་བསྒྲགས་ཏེ་ཚད་འདིས་ཚད་ཀུན་དུ་བཤད་དོ། །འདི་ནི་ཕུར་པའི་དངོས་གྲུབ་ཏུ། །སྐྱེས་བུ་མཆོག་གིས་གསུངས་པ་ཡིན། །ཐུབ་པ་མི་སྣང་གྱུར་འོག་ཏུ། །རྒྱལ་སྲིད་འདོད་ལ་འབྲིང་པོ་སྟེ། །ལོངས་སྤྱོད་ཆེན་པོ་དོན་གཉེར་བའི། །སྐྱེས་བུ་ལྷ་དང
254a5 ལྷ་མིན་དང་། །གདེངས་ཅན་ཐ་མ་གྲུབ་པར་བཤད། །འབྲིང་ལ་དངོས་གྲུབ་འབྲིང་པོའོ། །རས་འབྲིང་པོ་ནི་རྟག་པ་རུ། །སེམས་ཅན་ཀུན་གྱི་ལས་རྣམས་སྒྲུབ། །ཕྲན་ཚེགས་ལས་རྣམས་བསྒྲུབ་བྱ་ལ། །རས་ཐ་མ་ནི་རྟག་པ་རུ། །ལས་རྣམས་ཐམས་ཅད་སྒྲུབ
254a6 པར་བྱེད། །རྫས་རྣམས་ཀུན་ལ་རྟག་ཏུ་ནི། །ལས་རྣམས་ཐམས་ཅད་སྒྲུབ་པར་བྱེད། །རས་རིས་གསུམ་གྱིས་ངེས་བསྟན་པའི། །དངོས་གྲུབ་དཔལ་དོན་གཉེར་བའི་མི། །བརྒྱ་བྱིན་བདེ་སོགས་བདག་པོ་ཡང་། །ཆོ་ག་ཉམས་ན་མི་འགྲུབ་སྟེ། །ཆོ་ག་ཡང་དག
254a7 ལྡན་གྱུར་ན། །མི་ཡི་སྐྱེ་བོ་ཕལ་པ་ལའང་། །འབད་པ་ཡིས་ནི་ལས་རྣམས་ཀུན། །མྱུར་བ་ཉིད་དུ་འགྲུབ་པར་འགྱུར། །རྒྱལ་དང་རྒྱལ་མཆོག་སྲས་རྣམས་ཀྱིས། །སྦྱོར་བ་འདི་ནི་ཡང་དག་བཤད། །སེམས་ཅན་བཀྲེན་པ་མགོན་མེད་པ། །སྡུག་བསྔལ
iiif viewer powered by OpenSeadragon
