| e-texts navigator |
| Wylie |
252b1 ལེགས་པར་འཚོ་ཞིང་བདག་གི་སྐྱེ་བ་འབྲས་བུ་ཡོད་པ་དང་། སྔགས་ཀྱི་དངོས་གྲུབ་ལྷག་པར་གནས་པར་མཛོད་ཅིག་།དེའི་དུས་སུ་རྔ་པ་ཊ་ཧ་དང་། རྔ་བོ་ཆེ་དང་། དུང་དང་། པི་ཝང་དང་། གླིང་བུ་དང་། འཁར་རྔ་དང་། རྔ་མུར་ཛའི་སྒྲ་ཐོས་པར་གྱུར་པའམ།
252b2 རྒྱལ་རིགས་སམ། རྒྱལ་རིགས་མོའམ། བུད་མེད་དམ། ཁྱེའུའམ། བུ་མོའམ། མི་རྣམས་གློ་བུར་དུ་འདི་སྐད་ཅེས། རྒྱལ་དང་། གྲུབ་པ་དང་། དངོས་གྲུབ་སྦྱིན་པ་དང་། བྱིན་པ་དང་། ཟུང་ཤིག་དང་། དཔལ་དང་། འབྲས་བུ་དང་བཅས་པ་དང་། ལས
252b3 ཀྱི་འཁོར་ལོ་དང་། མང་པོ་ཞེས་པ་འདི་ལྟ་བུ་ལ་སོགས་པ་གཞན་ཡང་དགེ་བའི་སྤྲ་རབ་ཏུ་འདོན་པ་དང་། དྲིལ་བུའི་སྒྲ་བྱུང་བ་དང་། དགའ་བའི་སྒྲ་ཡང་རུང་སྟེ། དེ་རྣམས་རིག་པ་འཛིན་པས་སངས་རྒྱས་བཅོམ་ལྡན་འདས་རྣམས་དང་། བྱང་ཆུབ་སེམས་དཔའ་རྣམས་ཀྱིས
252b4 ཀྱི་བྱིན་གྱིས་བརླབས་པར་ཤེས་པར་བྱའོ། །གཞན་དུ་དངོས་གྲུབ་འབྲས་བུ་མེད་དོ་ཞེས་པས་སོ། །དེའི་དུས་སུ་དེ་རྣམས་མ་རུངས་པའི་སྒྲ་འབྱིན་པའམ། ཟུང་ཤིག་།ཟོ་ཤིག་།འཛིན་དུ་ཆུ་གཅིག་།ཉམས་པ་རྣམ་པར་བརླག་པ། ཀྱི་ཧུད། རིང་བ་མེད་པ་དེ་ལྟ
252b5 བུ་ལ་སོགས་པའི་སྒྲ་འབྱིན་པར་བྱེད་པ་དང་། མི་དང་། མ་ཧེ་དང་། ཅེ་སྤྱང་དང་། བོང་བུ་དང་། བྱི་ལ་དང་། དུད་འགྲོ་དམན་པ་རྐང་གཉིས་པ། རྐང་བཞི་པ་རྣམས་ཀྱི་སྒྲ་འདོན་པར་གྱུར་ན། དེ་ལ་སྒྲུབ་པ་པོས་མཆོག་གི་དངོས་གྲུབ་མེད་དོ་ཞེས་ཤེས་པར་བྱ་ཞིང་། སྐྱེ
252b6 བ་འདི་ཉིད་ལ་ཀུན་དུ་བརྟུལ་བར་བྱའོ། །སླར་ཡང་སྔ་མ་བཞིན་དུ་བྱས་ནས་བརྩམ་པར་བྱ་སྟེ། དེ་ལྟ་བུ་ལན་བདུན་གྱིས་མཚམས་མེད་པ་ལྔ་བྱེད་པའང་བདུན་པའི་ལས་ཀྱི་སྦྱོར་བས་འགྲུབ་པར་འགྱུར་རོ། །ཞེས་སོ། །དེ་ནས་སྒྲུབ་པ་པོས་གཞོན་ནུ་མ་དེ་ལ་སྲུང་བ
252b7 བྱས་ནས་ཀུ་ཤའི་ཁྲེས་ལ་ཉེ་བར་འདུག་ཏུ་བཅུག་སྟེ་ཤར་དུ་མངོན་པར་ཕྱོགས་པའམ། བྱང་དུ་མངོན་པར་ཕྱོགས་པར་བཞག་ནས་བདག་ཉིད་ཙཱ་རུའི་སྟོན་མོ་བཟའ་ཞིང་གཞོན་ནུ་མ་དེ་ལ་ཡང་ཙཱ་རུའི་སྟོན་མོ་བཟར་གཞུག་པར་བྱའོ། །སྔ་མ་ཁོ་ནར་ཡོངས་སུ་བརྟགས
iiif viewer powered by OpenSeadragon
