| e-texts navigator |
| Wylie |
252a1 ལུང་སྟོན་པར་ཐེ་ཚོམ་མེད་དོ། །གང་ཡང་མ་འོངས་པའི་སངས་རྒྱས་འབྱུང་བར་འགྱུར་རོ། །འཇིག་རྟེན་གྱི་འདྲེན་པ་དེ་རྣམས་ཀྱང་རྗེས་སུ་ཡི་རང་བར་འགྱུར་རོ། །ས་སྟེངས་དཀྱིལ་འཁོར་སྨྲ་བ་ནི། །ཞི་བའི་ལས་རྣམས་ཐམས་ཅད་བྱེད། །བཀྲེན་པ་རྣམས
252a2 ཀྱིས་འཕན་པ་ཐོབ། །སེམས་ཅན་མགོན་མེད་སྡུག་བསྔལ་ཅན། །རྣམས་ཀྱིས་དཀྱིལ་འཁོར་རབ་སྦྱར་བྱ། །ིནྡྲ་ནཱི་ལ་སོགས་ཕྱེ་མས། །དཀྱིལ་འཁོར་ཡང་དག་ཀུན་དུ་བྲི། །ིནྡྲ་ནཱི་ལ་སོགས་མེད་ན། །སཱ་ལུའི་ཕྱེ་མས་ཡང་དག་བྲི། །སཱ་ལུའི་ཕྱེ་མ་སོགས་མེད་ན། །
252a3 སོ་ཕག་ཕྱེ་མ་སོགས་ཀྱིས་བྲི། །སོ་ཕག་ཕྱེ་མ་སོགས་མེད་ན། །བྱེ་མ་རྣམས་ཀྱིས་ཡང་དག་བྲི། །དེ་ལྟར་ཡོན་ཏན་ཀུན་བསྡུས་པའི། །སྒྲོལ་མའི་དཀྱིལ་འཁོར་རྨད་བྱུང་བ། །འཇིག་རྟེན་མགོན་པོའི་ཡང་དག་བཀའ། །བྱང་ཆུབ་སེམས་དཔས་གསུངས་པ་ཡིན་ཞེས་སོ། །
252a4 བྱང་ཆུབ་སེམས་དཔའི་སྡེ་སྣོད་དང་ལྡན་པ་ཐེག་པ་ཆེན་པོའི་མདོ་སྡེ་བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་ཆོ་ག་ལས་སྒྲུབ་ཐབས་ཀྱི་ཆོ་ག་དང་། དཀྱིལ་འཁོར་གྱི་ཆོ་ག་རབ་འབྱམ་གྱི་ལེའུ་སྟེ་གསུམ་པ་རྫོགས་སོ།། །།དེ་ནས་སེམས་དཔའ་ཆེན
252a5 པོས་སླར་ཡང་དཀྱིལ་འཁོར་ཆེན་པོ་དེ་ལ་ཀུན་དུ་གཟིགས་ནས་དངོས་པོ་མེད་པའི་རང་བཞིན་ཡང་དག་པར་འཕགས་པ་དགོངས་ནས་བཅོམ་ལྡན་འདས་མ་རིག་པའི་རྒྱལ་པོ་ཆེན་པོ་དེ་བཞིན་གཤེགས་པ་ཐམས་ཅད་ཀྱིས་གསུངས་ཤིང་མངོན་པར་ཡི་རང་བར་གྱུར་པ། མཆོག་གི
252a6 སྒྲུབ་པའི་ཆོ་ག་རས་རིས་ཀྱི་ཆོ་ག་གསུངས་སོ། །དང་པོ་ར་ཞིག་དགེ་བའི་ཉི་མ་ལ་དཔའ་བོའི་རིན་གྱིས་ཉོས་པའི་རས་བལ་བླངས་ནས་བྲམ་ཟེའི་བུ་མོའི་ལག་པས་རས་བལ་བྱེད་དུ་གཞུག་པར་བྱའོ། །དེ་ནས་རས་བལ་དེ་ལ་ལྷག་པར་གནས་པར་བྱ་སྟེ་རྩ་བའི་རིག་པ་དཔའ་བོའི
252a7 རིན་གྱིས་ཉོས་པའི་དོག་པ་བླངས་ནས་འདི་སྐད་ཅེས་བརྗོད་པར་བྱའོ། །སངས་རྒྱས་དང་བྱང་ཆུབ་སེམས་དཔའ་དང་། ཉན་ཐོས་དང་། རང་སངས་རྒྱས་ཐམས་ཅད་ལྷག་པར་གནས་པར་མཛོད་ཅིག་།བཅོམ་ལྡན་འདས་དང་། བྱང་ཆུབ་སེམས་དཔའ་ཆེན་པོ་རྣམས
iiif viewer powered by OpenSeadragon
