| e-texts navigator |
| Wylie |
251b1 གཡོན་དུ་རྡོ་རྗེ་རྩེ་གསུམ་གྱི་ཕྱག་རྒྱ་དང་། གོས་དཀར་མོའི་ཕྱག་རྒྱ་དང་། རྟ་མགྲིན་དང་དཔལ་ཆེན་པོའི་ཕྱག་རྒྱའོ། །ཤར་སྒོར་པད་མ། བྱང་དུ་ཨུཏྤ་ལ། ལྷོ་རུ་རྡོ་རྗེ། ནུབ་ཏུ་འཇུག་པའི་རིམ་པ་ལས་འདས་པར། སྟེང་དུ་འཁྱིལ་བའི་རྣམ་པའི་ཞགས་པའི་ཕྱག
251b2 རྒྱའོ། །དེའི་འོག་ཏུ་ཕྱི་ནས་མེའི་བྱ་བ་བྱས་ནས་སྔར་བརྗོད་པའི་ཆོ་གས་མཆོད་པ་ལ་སོགས་པ་བྱས་ཏེ། དཀྱིལ་འཁོར་དུ་འཇུག་པར་བྱའོ། །དེ་ལ་རྒྱལ་སྲིད་འདོད་པས་ཧདྤྱའི་ཤིང་དུའོ། །ལོངས་སྤྱོད་འདོད་པས་རང་གི་ཁྱིམ་གྱི་ལྷའོ། །རྟ་འདོད་པས་རྟའི་བྲེས་སུའོ། །
251b3 གླང་པོ་ཆེ་འདོད་པས་གླང་པོ་ཆེའི་བྲེས་སུའོ། །བུ་འདོད་པས་བོ་དེ་ཙེའི་ཤིང་གི་དྲུང་དུའོ། །ཚངས་པའི་སྲིན་པོས་ཟིན་པ་ལ་ཚངས་པས་བསྐྱངས་པ་རུའོ། །ཀླུས་ཟིན་པ་ལ་ཀླུ་ཤིང་དང་ཉེ་བ་རུའོ། །མཁའ་འགྲོ་མས་ཟིན་པ་ལ་ལམ་བཞི་མདོ་རུའོ། །གནོད་སྦྱིན་གྱིས
251b4 ཟིན་པ་ལ་པ་ཊའི་ཤིང་གི་དྲུང་དུའོ། །སྲུལ་པོས་ཟིན་པ་ལ་ཁྲོན་པའི་དྲུང་དུའོ། །གཞན་རྣམས་ཀྱང་ཇི་ལྟར་འདོད་པ་བཞིན་དུ་གང་དུའང་། དེ་རུ་ཡང་ཉེས་པ་མེད་དོ། །གྲོགས་པོ་དག་མདོར་བསྡུ་ན། རིག་པ་འདི་ནི་དཀྱིལ་འཁོར་དང་། ལས་ཐམས་ཅད་པ་སྟེ། ལས
251b5 ཐམས་ཅད་ལ་རབ་ཏུ་སྦྱར་བར་བྱའོ། །གསང་ཆེན་འདི་དང་ལྷན་ཅིག་རབ་ཏུ་སྦྱར་བར་བྱ་སྟེ་དཀྱིལ་འཁོར་འདི་ནི་སེམས་ཅན་རྣམས་ལ་ཕན་པར་འདོད་པའི་འབྲས་བུ་ཡོད་པའོ། །ལོངས་སྤྱོད་ཐམས་ཅད་མངོན་པར་འཕེལ་བར་བྱེད་པ་སྒྲོལ་མའི་དཀྱིལ་འཁོར་གྱི་རིག་པ་སྒྲུབ་པ
251b6 པོ་རྣམས་ལ་ཕན་པའི་དོན་གྱི་ཕྱིར་འབྱོར་པ་ཐམས་ཅད་མངོན་པར་འཕེལ་བར་བྱེད་པ་སྟེ། མདོར་ན་ཕྱི་མའི་ལུས་ཅན་འབྱུང་བར་འགྱུར་བ་ཐམས་ཅད་ཀྱི་སློབ་དཔོན་དུ་གྱུར་པ་རབ་ཏུ་གྲགས་སོ། །དེ་ནས་དཀྱིལ་འཁོར་ཆེན་པོར་གྱུར་པ་གང་ཐོབ་ནས་དཔལ་མེད་པ་འཇོམས
251b7 པར་བྱེད་ཅིང་ཞི་བར་བྱེད། ནད་དང་དགྲ་འཕྲོག་པ་དེ་ལྟ་བུའི་དཀྱིལ་འཁོར་སེམས་ཅན་ཐམས་ཅད་ཀྱི་གཟི་བརྗིད་དང་སྟོབས་སྒྲུབ་པར་བྱེད་པ་མཐོང་ཞིང་ཐོས་ནས་དེ་ནས་ཆོ་ག་ལ་རབ་ཏུ་དང་བ་སྐྱེ་བར་འགྱུར་བ་གང་ཡིན་པ་དེ་རྣམས་སངས་རྒྱས་ཐམས་ཅད་ཀྱི་བྱང་ཆུབ་ཏུ་བདག་གིས
iiif viewer powered by OpenSeadragon
