| e-texts navigator |
| Wylie |
250a1 ནམས་མ་ཡིན་པ་མང་པོ་སྐྱེ་བར་འགྱུར་རོ། །དཀྱིལ་འཁོར་གང་དུའམ། དེར་ཡང་རིགས་དམན་པ་གང་གིས་དཀྱིལ་འཁོར་དུ་འོངས་པ་དེ་རྣམས་ཀྱང་དཀྱིལ་འཁོར་གྱི་སློབ་དཔོན་གྱིས་སྙིང་རྗེ་ཆེན་པོའི་སེམས་བསྐྱེད་ནས་གྲོགས་བྱེད་པའི་ལག་པར་གོས
250a2 དཀར་པོ་གཙང་མ་མགོ་བོར་བཅིངས་པ་གཞན་གྱིས་སམ་གོས་ཀུན་དུ་གཡོགས་ཏེ་གནས་པ་དམ་ཚིག་གི་ཕྱག་རྒྱ་བཅིངས་ནས་རིགས་དམན་པ་རྣམས་ཀྱིས་མེ་ཏོག་གཏོར་བར་བྱའོ། །དེ་ནས་གྲོགས་བྱེད་པ་དེ་རྣམས་ཀྱིས་ཀྱང་། རབ་ཏུ་ཞུགས་པའི་སེམས་ཅན་ཐམས་ཅད་ཀྱིས
250a3 ཁྲུས་བྱའོ། །དེ་རྣམས་ཀྱིས་ཡང་དམ་ཚིག་ཙམ་དེ་འབྱུང་བར་འགྱུར་རོ། །སྒྲུབ་པ་ཡང་གྲུབ་པར་འགྱུར་རོ། །དེ་སྔར་བྱས་པའི་མེའི་བྱ་བའི་གནས་སུ་སོང་ནས་རྩེ་མོ་མ་ཉམས་པའི་ཀུ་ཤ་རྣམས་ཀྱིས་སོ། །དེར་ཡང་མེ་ཐབ་རྣམ་པ་གསུམ་དུ་བརྗོད་དོ། །ཞི་བ་དང་། རྒྱས
250a4 པ་དང་། མངོན་སྤྱོད་དོ། །ཞི་བའི་དོན་དུ་པད་མའི་རྣམ་པའོ། །ཡང་ན་ཚིམ་པར་བྱེད་པས་དབང་དུ་བྱེད་པའང་ངོ་། །མངོན་སྤྱོད་ལ་ཟུར་གསུམ་མོ། །དེ་ལ་མེའི་བྱ་བའི་ཆོ་ག་ཐམས་ཅད་ལ་ཀུ་ཤ་དགྲམ་པར་འགྱུར་རོ། །སངས་རྒྱས་ཐམས་ཅད་ལ་ཕྱག་བྱ་བ་བྱས་ནས་ཤར
250a5 གྱི་རྩེ་མོར་མེའི་བྱ་བ་གཞག་པར་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཕྱི་ནས་མེའི་བྱ་བ་མཛད་པ་རྣམས་ལ་ཕྱག་བྱས་ནས་ལྷོའི་རྩེ་མོར་རོ། །བྱང་ཆུབ་སེམས་དཔའ་ཐམས་ཅད་ལ་ཕྱག་བྱས་ནས། བྱང་གི་རྩེ་མོར་སྦྱིན་པར་བྱའོ། །དེ་བཞིན་དུའང་བྱ་བ་རྣམས
250a6 གྲོགས་བྱེད་པས་གནས་པའི་ངང་ཚུལ་ཅན་གྱིས་མེའི་བྱ་བ་ཀུ་ཤ་རྣམས་ཀྱིས་སོ། །ཐོག་མར་རྩ་བའི་རིག་པས་སོ། །ཐོག་མར་ཞོ་དང་སྦྲང་རྩི་དང་མར་ལ་བཏགས་པའི་འབྲས་ཡོས་ཀྱི་སྦྱིན་སྲེག་ཉི་ཤུ་རྩ་གཅིག་སྦྱིན་པར་བྱའོ། །ཞི་བའི་དོན་དུ་སྙིང་པོའི་མར་གྱིས་སོ། །རྒྱས་པའི་དོན
250a7 དུ་ཤིང་ཨ་པཱ་མརྒ་གསུམ་གྱི་སྦྱིན་སྲེག་གོ། །མངོན་སྤྱོད་ལ་ཀ་ཊ་ཀེ་ཡིས་སོ། །མེའི་བྱ་བའི་ཆོ་ག་འདིའང་ཐམས་ཅད་དུ་ཐུན་མོང་བའི་སྒྲུབ་པ་རྣམས་ལ་ཡང་ངོ་། །དཀྱིལ་འཁོར་ཐམས་ཅད་ཀྱི་ཉེ་བར་སྤྱོད་པ་རྣམས་སུའང་ངོ་། །དེ་ནས་དཀྱིལ་འཁོར་གྱི་སློབ་དཔོན་གྱིས་གནས
iiif viewer powered by OpenSeadragon
