| e-texts navigator |
| Wylie |
249a1 དེར་ཀུ་ཤའི་ཁྲེས་ལ་ཉེ་བར་འདུག་པ་མངོན་པར་དབང་བསྐུར་བར་བྱའོ། །ཕྱི་རོལ་གྱི་དཀྱིལ་འཁོར་དུ་ཐམས་ཅད་དང་ཐུན་མོང་དུ་གྱུར་པའི་བུམ་པ་གང་བ་སྒོ་དང་ཉེ་བར་སྔར་བཞག་པ་བླངས་ནས་སློབ་དཔོན་གྱིས་རྩ་བའི་རིག་པ་བཟླས་ཤིང་སྤྱི་བོར་མངོན་པར་དབང
249a2 བསྐུར་བར་བྱའོ། །སློབ་མ་ཇི་ལྟར་འདོད་པའི་ཆུས་སྤྱི་བོ་ནས་མངོན་པར་དབང་བསྐུར་བར་བྱའོ་ཞེས་སོ། །དེ་ནས་དེ་ལ་ཁམ་ཕོར་ཁ་སྦྱར་དེ་དེའི་ཆེད་དུ་སྦྱིན་པར་བྱའོ། །མར་མེ་ལ་ཀློག་ཏུ་གཞུག་པར་བྱའོ། །གལ་ཏེ་དེས་བཅོམ་ལྡན་འདས་རིག་པའམ་སྔགས་བཟུང་བ་ཉིད
249a3 ཡིན་པར་གྱུར་ན་བཀླགས་པ་ཉིད་ལས་ཀྱང་ལས་བྱེད་དོ། །རྣམ་པ་གཞན་དུ་ན་རིམ་གྱིས་འབད་པས་བསྒྲུབས་པས་བྱེད་པར་འགྱུར་རོ། །གཞན་རྣམས་ནི་སྔགས་བཟླས་པ་ཁོ་ནས་འགྲུབ་པར་བྱེད་དོ། །དེ་ནས་སྔགས་ཡོངས་སུ་གཟུང་བར་འགྱུར་རོ། །དང་པོ་སྒྲུབ་པ་ཁོ་ནས
249a4 འགྲུབ་པར་བྱེད་དོ། །ཞེས་པ་རྣམ་པར་རྟོག་པ་མེད་པ་ལས་སོ། །དེ་ཁོ་ན་སྔར་བྲིས་པ་སློབ་དཔོན་གྱི་སྒྲུབ་པ་གསུམ་གྱིས་ངེས་པར་འགྲུབ་པར་འགྱུར་རོ། །འབད་པ་མེད་པར་རོ། །དེ་བཞིན་དུ་ཐོག་མར་རིག་པའི་མངོན་པར་དབང་བསྐུར་བ་སྦྱིན་པར་བྱའོ། །དཀྱིལ་འཁོར
249a5 གཉིས་པར་མངོན་པར་དབང་བསྐུར་བ་ནི། དཀྱིལ་འཁོར་གཉིས་པར། དཀྱིལ་འཁོར་ཐམས་ཅད་ལ་དང་། ལྷ་ཐམས་ཅད་ལ་གང་རབ་ཏུ་བསྟབས་པའི་བུམ་པ་གང་བ་དེས་སྔ་མའི་ཆོ་ག་གང་ཡིན་པ་ཇི་ལྟ་བ་དེ་ཉིད་ཀྱིས་སྤྱི་བོར་མངོན་པར་དབང་བསྐུར་བར་བྱས་ན་སྡིག་པ་ཐམས
249a6 ཅད་ལས་གྲོལ་བར་འགྱུར་ཏེ། སངས་རྒྱས་ཐམས་ཅད་ཀྱིས་རྗེས་སུ་གནང་བར་འགྱུར་རོ། །འཇིག་རྟེན་དང་འཇིག་རྟེན་ལས་འདས་པ་ཐམས་ཅད་ཀྱི་དམ་ཚིག་དང་། དཀྱིལ་འཁོར་དང་། སྔགས་དང་། ཕྱག་རྒྱ་སྒྲུབ་པ་ལ་ཡང་ལྷག་པར་འདོད་པར་འགྱུར་རོ། །བྱང་ཆུབ
249a7 སེམས་དཔའ་ཐམས་ཅད་ཀྱིས་སློབ་དཔོན་དུ་མངོན་པར་དབང་བསྐུར་བ་སྦྱིན་ནོ། །དཀྱིལ་འཁོར་གསུམ་པར་ཉན་ཐོས་དང་། རང་སངས་རྒྱས་ཐམས་ཅད་ལ་ཕུལ་བའི་བུམ་པ་གང་བ་ཆོ་ག་དེ་ཉིད་ཀྱིས་སྤྱི་བོར་མངོན་པར་དབང་བསྐུར་བར་བྱའོ། །ཁྱོད་ལ་སངས་རྒྱས་བྱང་ཆུབ་སེམས
iiif viewer powered by OpenSeadragon
