| e-texts navigator |
| Wylie |
233a1 དང་བཅས་ཤིང་མཆོག་ཏུ་གསང་བ་ཡིན་ཏེ། བུ་ཁྱོད་ལ་ཕན་དྲག་པོའི་མཐའ། །མི་བཟད་པ་ཡི་རིགས་སུ་གྲགས། །སྔགས་རྣམས་ཐམས་ཅད་གང་ཁོ་ན། །མཁས་པ་རྣམས་ཀྱིས་བསྒྲུབ་བྱའོ། །སྤྱི་བོའི་གདུ་བུ་ཞེས་གྲགས་པ། །རྡོ་རྗེ
233a2 པདྨའི་རིགས་དག་ཀྱང་། །དེ་ནི་ངེས་པར་གཞིག་དོན་དུ། །རིག་པ་འདི་ནི་ཡང་དག་བརྗོད། །ན་མཿསརྦ་བུདྡྷ་བོ་དྷི་སཏྭཱ་ནཱཾ། ཨ་པྲ་ཏི་ཧ་ཏ་ཤཱ་ས་ནཱ་ནཱཾ། ཨོ~ཾ་ཀ་ར་ཀ་ར། ཀུ་རུ་ཀུ་རུ། མ་མ་ཀཨཱརྱཱཾ་ཛཾ་བྷ། ཛཾ་བྷ་སརྦ་སརྦ་ད་ཧ་ད་ཧ། སརྦ་བཛྲ་བི་ནཱ་ཤ་ཀ་།མཱརྡྷ
233a3 ཌཱ་ཀ་ཛཱི་བནྟཱཾ་ཏ་ཀ་རཱ་མ་ཧཱ་བི་ཏྲི་ཏ་རཱ་པི་ཎེ་པ་ཙ་པ་ཙ་སརྦ་དུཥྜཾ་མ་ཧཱ་ག་ཎ་པ་ཏི་ཛཱི་བནྟཱཾ་ཏ་ཀ་ར། བནྡྷ་བནྡྷ། སརྦ་གྲ་ཧཱཾ། ཥཌ་མུ་ཁ་ཋ་ཌ་བྷུ་ཛ་ཥ་ཌ་ཙ་ར་ཎ་རུ་དྲ་མཱ་ན་ཡ་བྲཧྨ་ཏྱཾ་དེ་བ་ནཱ་ན་ཡ་མཱ་བི་ལམྦ་མཱ་བི་ལམྦ་བྷུ་ཥ་ཧྲཱི་མཎྜ་ལ་མ་དྷྱེ་པྲ་བེ་ཤ་ཡ་ས་མ་ཡ་མ་ནུ་སྨ་ར་ཧཱུ~ཾ་ཧཱུ~ཾ་ཧཱུ~ཾ
233a4 ཧཱུ~ཾ་ཧཱུ~ཾ་ཧཱུ~ཾ་ཕཊ་ཕཊ་ཕཊ་སྭཱ་ཧཱ། གསང་བ་པའི་བདག་པོ་འདི་ནི་མཆོག་ཏུ་གསང་བ་བརྩོན་འགྲུས་ཆེན་པོ་སྒྲོལ་མའི་ཡན་ལག་ཞལ་དྲུག་པ་ཞེས་བྱ་བ་ཁྲོ་བོའི་རྒྱལ་པོ་ཆེན་པོ་ཐམས་ཅད་རྣམ་པར་འཇོམས་པ་པོ་སྟེ། འདི་བཀླགས་པ་ཙམ་གྱིས་བྱང་ཆུབ་སེམས་དཔའ་ས་བཅུ་ལ
233a5 གནས་པའི་དབང་ཕྱུག་རྣམས་ཀྱང་རྣམ་པར་འཇིག་པར་བྱེད་ན། མ་རུངས་པའི་བགེགས་རྣམས་ལྟ་ཅི་སྨོས། འདི་བཀླགས་པ་ཙམ་གྱིས་སྲུང་བ་ཆེན་པོ་བྱས་པར་འགྱུར་རོ། །འདིར་ཕྱག་རྒྱ་ཡང་རིགས་ཆེན་པོ་ཞེས་བྱ་བར་འགྱུར་ཏེ་བགེགས་རྣམ་པར་འཇིག་པར
233a6 བྱེད་པའོ། །ཁྲོ་བོའི་རྒྱལ་པོ་འདི་ཉིད་ཀྱི་སྙིང་པོ་ནི། ཨོཾ་ཧྲཱིཿཥྚཱྀཿ་བི་ཀྲྀ་ཏཱ་ན་ན་ཧཱུ~ཾ་སརྦ་ཤ་ཏྲུཾ་སྟམྦྷ་ཡ་ཕཊ་ཕཊ་སྭཱ་ཧཱ། སྔགས་འདིས་དགྲ་ཐམས་ཅད་གཟེར་ཆེན་པོའི་ནད་དང་། ཡང་རིམས་ཉིན་གཅིག་པས་ཟིན་པར་འགྱུར་རོ། །རྟག་ཏུ་བཟླས་པས། ཇི་སྲིད་སྣང་བར
233a7 བྱམས་པ་ཉིད་དུ་མི་འགྱུར། ཡང་ན་སྙིང་རྗེའི་སེམས་ཐོབ་པར་མི་འགྱུར་ཏེ། བཟླས་པ་ཟིན་གྱི་བར་དུ་གྲོལ་བར་མི་འགྱུར་ཞིང་འཆིང་བར་མི་འགྱུར་རོ། །དཀོན་མཆོག་གསུམ་ལ་གནོད་པ་བྱེད་པ་ལ་བྱའི། ཞི་བའི་སེམས་ཡོད་པ་གཞན་ལ་མ་ཡིན་ནོ། །ཕྱག
iiif viewer powered by OpenSeadragon
