| e-texts navigator |
| Wylie |
230a1 ད་ཀྱིལ་འཁོར་གྱི་ལེའུ་རབ་འབྱམ་གྱི་སྤྱོད་པ་སྒྲུབ་པ་སེམས་ཅན་ཐམས་ཅད་དང་ཐུན་མོང་དུ་གྱུར་པ་ཁྱེད་ཀྱིས་ཚོགས་གང་དུ་སེམས་ཅན་རྣམས་ཡང་དག་པར་རྗེས་སུ་ཞུགས་ནས་འཇིག་རྟེན་དང་འཇིག་རྟེན་ལས་འདས་པའི་རིག་སྔགས་དང་གསང་སྔགས་ཀྱི
230a2 དངོས་གྲུབ་ཡང་དག་པར་ཐོབ་པ་དང་ལྡན་པ་ཁྱོད་སྨྲོས་ཤིག་སྨྲོས་ཤིག་། གསང་བའི་བདག་པོ་གནོད་སྦྱིན་གྱི་དབང་པོས་དེ་སྐད་སྨྲས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གིས་མཆོག་ཏུ་གསང་བའི་དཀྱིལ་འཁོར་གྱི་རྒྱུད
230a3 གསུངས་པ། རིག་སྔགས་ཐམས་ཅད་ཡང་དག་པར་སྐུལ་བར་བྱེད་པ་ཞེས་བྱ་བའི་རྫུ་འཕྲུལ་རྣམ་པར་སྟོན་པར་བྱེད་ཅིང་ལག་པ་གཡས་པ་བཏེག་ནས་སོར་མོའི་རྩེ་མོས་འཁོར་གྱི་དཀྱིལ་འཁོར་ལ་སྟོན་པར་བྱེད་ཅིང་། སོར་མོའི་རྩེ་མོ་དེར་རིག་པའི་རྒྱལ་པོ་བྱེ་བ་ཁྲག
230a4 ཁྲིག་བརྒྱ་སྟོང་ཕྲག་དུ་མ་ངེས་པར་ཕྱུང་སྟེ་ཕྱུང་ནས་ཀྱང་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་དེ་སྣང་བ་ཆེན་པོས་ཀུན་དུ་སྣང་བར་བྱས་ནས་གནས་པར་གྱུར་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གིས་ཁྲོ
230a5 བོའི་རྒྱལ་པོ་སྒྲོལ་མས་ནོན་པའི་སྙིང་པོ་ལས་ཐམས་ཅད་པ། དཔའ་བོ་གཅིག་པ་སྤྱན་དྲངས་པ་དང་། གཤེགས་སུ་གསོལ་བ་དང་། ཞི་བ་ཅན་དང་། རྒྱས་པ་ཅན་དང་། མངོན་སྤྱོད་ཅན་དང་། མི་སྣང་བ་དང་། ནམ་མཁའ་ལ་འགྲོ་བ
230a6 དང་། ས་འོག་ཏུ་འཇུག་པ་དང་། རྐང་པ་རབ་ཏུ་རྒྱུ་བ་དང་། དགུག་པ་དང་། རྣམ་པར་སྡང་བ་དང་། དབང་དུ་བྱེད་པ་དང་། དྲི་དང་ཕྲེང་བ་དང་། མར་མེ་ཐམས་ཅད་རང་གི་རྒྱུད་ཀྱི་སྔགས་ཀྱིས་རབ་ཏུ་སྦྱིན་པར་བྱེད་དེ། མདོར་ན་ཇི་ལྟར་སྦྱར་བ་དེ
230a7 བཞིན། དེ་ལྟ་དེ་ལྟར་སྒྲུབ་པར་བྱེད་བཞིན་པ་ནི་ཡི་གེ་གསུམ་ཞེས་བྱ་བ་བརྩོན་འགྲུས་ཆེན་པོས་དོན་ཐམས་ཅད་སྒྲུབ་པར་བྱེད་པའི་ཁྲོ་བོའི་རྒྱལ་པོ་ཆེན་པོའོ། །དེ་གང་ཞེ་ན། ཨོ~ཾ་ཨཱཿཧཱུ~ཾ། འདི་ནི་ཁྲོ་བོ་ཆེན་པོ་དེའི་སྙིང་པོ་ལས་ཐམས་ཅད་པ་སྟེ་དཀྱིལ
iiif viewer powered by OpenSeadragon
