| e-texts navigator |
| Wylie |
229b1 འགྱུར་བ་དེ་ལ་བདག་ཅག་མཚུངས་པར་བརྟག་པར་བགྱི། ཕྱིར་རྒོལ་བ་དང་དགྲ་བོ་དག་དབང་དུ་བགྱི། ཕ་རོལ་གྱི་དམག་དཔུང་དག་འཇིག་ཅིང་བཟློག་པར་བགྱི། གླེགས་བམ་དུ་བྲིས་ནས་རང་གི་ཁྱིམ་དུ་འཇོག་པར་འགྱུར་བའི། རིགས་ཀྱི་བུའམ་རིགས་ཀྱི་བུ
229b2 མོའམ། རྒྱལ་པོ་ཆེན་པོའམ། རྒྱལ་མོ་ཆེན་མོའམ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། སྲུང་བ་ཆེན་པོ་དང་ལོངས་སྤྱོད་ཆེན་པོ་དང་། ཚེ་རིང་པོར་འགྱུར་བ་དང་། ནད་མེད་པ་དང་། རྟག་ཏུ་ལོངས
229b3 སྤྱོད་འཕེལ་བ་ཉིད་ཀྱང་བགྱིའོ། །དེ་སྐད་སྨྲས་ནས་ཐམས་ཅད་དང་ལྡན་པའི་འཁོར་དེ་ཅིའང་མི་གསུང་བར་གྱུར་ཏོ། །ཐེག་པ་ཆེན་པོའི་རིག་སྔགས་དང་། གསང་སྔགས་ཀྱི་སྤྱོད་པ་ངེས་པར་བསྟན་པ་ལས། རལ་པ་གྱེན་བརྫེས་ཀྱི་རྟོག་པ་ཆེན་པོ་བྱང་ཆུབ
229b4 སེམས་དཔའ་སེམས་དཔའ་ཆེན་པོའི་རྣམ་འཕྲུལ་གྱི་ལེའུ་རབ་འབྱམ་ལས། བཅོམ་ལྡན་འདས་འཕགས་མ་སྒྲོལ་མའི་རྩ་བའི་རྟོག་པ་ལས་འདུས་པའི་ལེའུ་སྟེ་དང་པོའོ།། །།དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས
229b5 དབང་ཕྱུག་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་ལ་གཟིགས་ནས། སེམས་ཅན་ཐམས་ཅད་ཀྱི་དམ་ཚིག་ལ་རྗེས་སུ་འཇུག་ཅིང་ཀུན་དུ་ལྟ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བྱང་ཆུབ་སེམས་དཔའ་སྤྱན་རས་གཟིགས
229b6 ད་བང་ཕྱུག་སྙོམས་པར་ཞུགས་མ་ཐག་ཏུ་ལྟེ་བའི་དཀྱིལ་འཁོར་གྱི་ཕྱོགས་ནས་འོད་ཟེར་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མས་ཡོངས་སུ་བསྐོར་བའི་འོད་ཟེར་ཕྱུང་སྟེ་སེམས་ཅན་གྱི་ཁམས་ཐམས་ཅད་ཀུན་ནས་སྣང་བར་བྱས་ནས་སྔར་ཉིད་དུ་འཁོར་འདུས་པའི་དཀྱིལ་འཁོར
229b7 ཆེན་པོ་ཀུན་དུ་སྣང་བར་བྱས་ནས་འཁོད་པར་གྱུར་ཏོ། །དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དག་པའི་སེམས་དཔའ་སྤྱན་རས་གཟིགས་དབང་ཕྱུག་ལ་སྨྲས་པ། སེམས་དཔའ་ཆེན་པོའི་དམ་ཚིག་ལ་རྗེས་སུ་འཇུག་པ་ལས་བྱ་བའི
iiif viewer powered by OpenSeadragon
