| e-texts navigator |
| Wylie |
229a1 སེལ་བར་བྱེད་པ་ལས་དང་། བྱང་ཆུབ་ཀྱི་རྒྱུད་གནོན་པར་བྱེད་པ་དང་། ལོངས་སྤྱོད་ཆེན་པོ་དང་། དབང་ཆེ་བར་གྲགས་པ་བདག་ཉིད་སོ་སོར་འདོད་པ་དང་། དབང་ཆེ་བར་གྲགས་པའི་གང་ཟག་ལ་ཡང་དག་པར་འགྲོགས་པ་དང་། དགེ
229a2 བའི་བཤེས་གཉེན་དང་མི་འབྲལ་བ་དང་། བྱང་ཆུབ་སེམས་དཔའ་ཆེན་པོ་དང་ཡང་དག་པར་འགྲོགས་པར་བྱེད་པ་སྟེ། ཆོས་བརྒྱད་པོ་འདི་ནི་གསང་སྔགས་ཀྱི་སྤྱོད་པའི་དོན་གྱི་དངོས་གྲུབ་ལ་ཡང་དག་པར་འཇུག་པར་འགྱུར་རོ། །གྲོགས་པོ་དག་མདོར་ན་བྱང་ཆུབ
229a3 ཀ་ཡི་སེམས་དང་མི་འབྲལ་ཞིང་དཀོན་མཆོག་གསུམ་ལ་ལྷག་པར་མོས་པ་མཆོག་ཏུ་ཚུལ་ཁྲིམས་འཆལ་པ་ལའང་སྐྱོ་བ་མེད་པའི་ཡིད་ཀྱིས་རྟག་ཏུ་མངོན་པར་བརྩོན་པས་ཡིད་སྔགས་ཀྱི་ལེའུ་རབ་འབྱམ་མཐའ་ཡས་ཤིང་རྨད་དུ་བྱུང་བ་བྱང་ཆུབ་སེམས་དཔའི་སྤྱོད་པའི་རྒྱུ
229a4 མཐུན་པའི་ཡིད་ལས་བྱུང་བ་འགྲུབ་པར་འགྱུར་རོ། །དེ་ལས་གཞན་དུ་རྟོགས་པར་བྱ་བ་མ་ཡིན་ནོ། །རྣམ་པར་རྟོག་པ་མེད་པའི་ཡིད་དུ་གྱུར་པས་ཉམས་སད་པའི་རྒྱུར་ཡང་བསྒྲུབ་པར་བྱ་བ་ཡིན་ནོ། །དེ་ནས་ཡང་ཐམས་ཅད་དང་ལྡན་པའི་འཁོར་རྫོགས་པའི
229a5 སངས་རྒྱས་དང་། བྱང་ཆུབ་སེམས་དཔའ་དང་། རང་སངས་རྒྱས་དང་། འཕགས་པ་ཉན་ཐོས་ཀྱི་བྱིན་གྱིས་བརླབས་པ་རྣམས་འདི་སྐད་དུ་རྗོད་པར་བྱེད་དེ། ཀྱེ་རྒྱལ་བའི་སྲས་སེམས་ཅན་ཐམས་ཅད་ཀྱི་དོན་གྱི་ཆེད་དུ་གསང་སྔགས་ཀྱི་སྤྱོད་པ་སྣ་ཚོགས་པའི་དོན
229a6 བྱ་བའི་ཆོས་ཀྱི་ཚུལ་ལ་རབ་ཏུ་འཇུག་པའི་རྗེས་སུ་མཐུན་པའི་ཆོས་སྟོན་ཅིག་ལེགས་སོ་ལེགས་སོ། །ེ་མ་བྱང་ཆུབ་སེམས་དཔའ་ཆེན་པོ་རྣམས་སྣ་ཚོགས་པའི་ཆོས་སྟོན་པའི་རྗེས་སུ་འཇུག་པར་བྱེད་པ་གསང་སྔགས་ཀྱི་སྤྱོད་པ་དགེ་བ་ལེགས་པར་གསུངས་སོ། །རྒྱལ་པོ
229a7 ཆེན་པོ་གང་ལ་ལ་ཞིག་འདུས་པའི་ལེའུ་འདི་འཛིན་པར་འགྱུར་བ་དང་། ཡིད་ལ་བྱེད་པར་འགྱུར་བ་དང་། གཡུལ་དུའང་ཐོག་མར་གླང་པོ་ཆེའི་སྟེང་དུ་འཇོག་པར་འགྱུར་བ་དང་། མེ་ཏོག་དང་། བདུག་པ་དང་། དྲི་དང་། བྱུག་པ་རྣམ་པ་སྣ་ཚོགས་པས་མཆོད་པར
iiif viewer powered by OpenSeadragon
