| e-texts navigator |
| Wylie |
228a1 ཅད་ལ་བྱམས་པའི་སེམས་ཉེ་བར་གནས་པ་ཉིད་དང་། སྙིང་རྗེ་ཆེན་པོ་སྒོམ་པའི་སེམས་ཏེ་ཆོས་བཞི་པོ་འདི་དག་དང་ཡང་དག་པར་ལྡན་པའི་བྱང་ཆུབ་སེམས་དཔའ་གསང་སྔགས་འགྲུབ་པར་འགྱུར་རོ། །ཆོས་ལྔས་བྱང་ཆུབ་སེམས་དཔའི་སྡེ་སྣོད་ལ
228a2 ཡང་དག་པར་འཇུག་ཅིང་གསང་སྔགས་ཀྱི་སྤྱོད་པའི་སྒྲུབ་པ་ཡོངས་སུ་རྫོགས་པར་འགྱུར་ཏེ། ལྔ་གང་ཞེ་ན། རྣམ་པ་སྣ་ཚོགས་པའི་ཡུལ་བསྟེན་པ་ཉིད་དང་། བས་མཐའི་དགོན་པ་བསྟེན་པ་ཉིད་དང་། སེམས་ཅན་གཞན་ལ་ཞེ་སྡང་མེད་པ་ཉིད་དང་། འཇིག
228a3 རྟེན་པའི་སྔགས་ལ་མི་ལྟ་བ་ཉིད་དང་། ཚུལ་ཁྲིམས་དང་། ཐོས་པ་དང་། སྤྱོད་པ་ལ་གནས་པར་བྱེད་པ་ཉིད་དེ། ཆོས་ལྔ་པོ་འདི་དག་གིས་སྔགས་ཀྱི་སྤྱོད་པའི་དོན་གྱི་དངོས་གྲུབ་ཡོངས་སུ་རྫོགས་པར་འགྱུར་རོ། །ཆོས་དྲུག་ནི་གསང་སྔགས་ཀྱི་སྤྱོད
228a4 པའི་དངོས་གྲུབ་ཡོངས་སུ་རྫོགས་པར་འགྱུར་ཏེ། དྲུག་གང་ཞེ་ན། དཀོན་མཆོག་གསུམ་ལ་དད་པ་ཉེ་བར་གཅོད་པ་མེད་པ་ཉིད་དང་། ཐེག་པ་ཆེན་པོའི་མདོ་སྡེ་ཟབ་མོའི་ཚིག་གི་དོན་མི་འདོར་བ་ཉིད་དང་། སྐྱོ་བ་མེད་པའི་སེམས་ཉིད་ཀྱིས་གསང་སྔགས
228a5 ཀྱི་སྤྱོད་པའི་དོན་ཡོངས་སུ་ཚོལ་ཞིང་དགེ་བའི་ཕྱོགས་ཡོངས་སུ་མི་སྤོང་བ་ཉིད་དེ། ཆོས་དྲུག་པོ་འདི་ནི་རིག་སྔགས་ཀྱི་སྤྱོད་པ་དང་། གསང་སྔགས་ཀྱི་དངོས་གྲུབ་ལ་ཡང་དག་པར་ཀུན་དུ་འཇུག་པ་ཉིད་དུ་འགྱུར་རོ། །ཆོས་བདུན་རྣམས་ནི། རིག་སྔགས་གྲུབ
228a6 པའི་ཆོ་ག་དང་། གསང་སྔགས་ཀྱི་སྤྱོད་པ་ལ་རྗེས་སུ་འཇུག་པར་བྱེད་པ་ཉིད་དུ་འགྱུར་ཏེ། བདུན་གང་ཞེ་ན། ཤེས་རབ་ཀྱི་ཕ་རོལ་དུ་ཕྱིན་པའི་ཚུལ་ཟབ་མོ་སྒོམ་པ་དང་། ཟློས་པ་དང་། ཉན་པ་དང་། ཁ་ཏོན་བྱེད་པ་དང་། འདྲི་བར་བྱེད་པ་དང་། བྱང
228a7 ཆུབ་སེམས་དཔའི་སྤྱོད་པ་ལ་མོས་པས་དུས་གསུམ་དུ་སྟོན་པ་དང་། ངེས་པར་སྡོམ་པ་དང་། བཟླས་པ་དང་། སྦྱིན་སྲེག་དང་། སྨྲ་བཅད་དང་། དཀའ་ཐུབ་ལ་མ་ཐོགས་པ་དང་། བློ་གྲོས་དང་། དྲན་པ་དང་། ཤེས་རབ་དང་། བརྟན་པ་དང་དུ
iiif viewer powered by OpenSeadragon
