| e-texts navigator |
| Wylie |
227b1 བརྟགས་ཏེ་སེམས་ཅན་ཐམས་ཅད་བསྲུང་བར་བྱ་བའི་དོན་དང་། བརྟན་པར་བྱ་བའི་དོན་དུ་བཀོད་པ་ཆེན་པོའི་འཁོར་གྱི་དཀྱིལ་འཁོར་དུ་ཁྲོ་བོའི་རྒྱལ་པོ་སྒྲོལ་མས་ནོན་པ་ཁྲོ་བོ་བརྒྱ་སྟོང་ཕྲག་དུ་མས་ཡོངས་སུ་བསྐོར་བ་ཕྱོགས་བཞི་ཀུན་ནས་དེ་ལྟར་སྟེང་དང་འོག་དང་ཐད
227b2 ཀར་སྒྲ་དྲག་པོ་འདོན་བཞིན་པས་རབ་ཏུ་གནས་པར་གྱུར་ཏོ། །དེ་ནས་སེམས་ཅན་དེ་རྣམས་ཞི་བ་ཉིད་ཀྱི་ཡིད་དང་ལྡན་པས་ཡང་དག་པར་འཇུག་པའི་བཀའ་ལས་མི་འདའ་བར་གྱུར་ཏེ། སྒྲ་འདི་ལྟ་བུའང་ཐོས་པར་གྱུར་ཏོ། །གང་དམ་ཚིག་འདི་འདའ་བར་བྱེད་པ
227b3 འདི་དག་ནི་ཨརྫ་ཀའི་དོག་པ་བཞིན་དུ་མགོ་བོ་ཚལ་པ་བརྒྱར་འགས་པར་འགྱུར་ཏེ། བྱང་ཆུབ་སེམས་དཔའི་བྱིན་གྱིས་བརླབས་ཀྱང་དེ་ཡིན་ནོ། །དེ་ནས་ཡང་བྱང་ཆུབ་སེམས་དཔའ་དེ་རང་གི་རིག་སྔགས་དང་། གསང་སྔགས་ཀྱི་སྤྱོད་པའི་དོན་དུ་ཆོས་ཀྱི་ཚིག་གསུངས་པ
227b4 ཆོས་གཅིག་གིས་བྱང་ཆུབ་སེམས་དཔའ་སེམས་དཔའ་ཆེན་པོའི་གསང་སྔགས་འགྲུབ་པར་གྱུར་ཏོ། །གཅིག་པོ་གང་ཞེ་ན། འདི་ལྟ་སྟེ། ཆོས་ཐམས་ཅད་སྤྲོས་པ་མེད་པའི་རྣམ་པར་ཡང་དག་པར་རྗེས་སུ་མི་མཐོང་བའོ། །ཆོས་གཉིས་པོ་དག་ལ་རབ་ཏུ་གནས་ན
227b5 བྱང་ཆུབ་སེམས་དཔའ་སེམས་དཔའ་ཆེན་པོའི་གསང་སྔགས་འགྲུབ་པར་འགྱུར་ཏེ། གཉིས་པོ་དག་གང་ཞེ་ན། བྱང་ཆུབ་ཀྱི་སེམས་ཡོངས་སུ་མི་གཏོང་བ་དང་། སེམས་ཅན་ཐམས་ཅད་ལ་མཉམ་པ་ཉིད་དོ། །ཆོས་གསུམ་རྣམས་ཀྱི་རང་གི་གསང་སྔགས་ཀྱི་སྤྱོད
227b6 པའི་དོན་ངེས་པར་བརྟན་པ་ཡོངས་སུ་རྫོགས་པར་འགྱུར་ཏེ། གསུམ་གང་ཞེ་ན། སེམས་ཅན་ཡོངས་སུ་མི་གཏོང་བ་ཉིད་དང་། བྱང་ཆུབ་སེམས་དཔའི་ཚུལ་ཁྲིམས་ཀྱི་སྡོམ་པ་སྲུང་བ་ཉིད་དང་། རང་གི་གསང་སྔགས་ཡོངས་སུ་མི་གཏོང་བ་ཉིད་དོ། །ཆོས་བཞི
227b7 ཡང་དག་པར་ལྡན་ན་སེམས་དང་པོ་བསྐྱེད་པའི་བྱང་ཆུབ་སེམས་དཔའི་རིག་སྔགས་འགྲུབ་པར་འགྱུར་ཏེ། བཞི་གང་ཞེ་ན། རང་གི་གསང་སྔགས་རྫོགས་པ་ཡོངས་སུ་མི་གཏོང་བ་ཉིད་དང་། གཞན་གྱི་གསང་སྔགས་ཉེ་བར་གཅོད་པ་མིན་པ་ཉིད་དང་། སེམས་ཅན་ཐམས
iiif viewer powered by OpenSeadragon
