| e-texts navigator |
| Wylie |
227a1 ནས་སེམས་དཔའ་ཆེན་པོ་དེ་ལ་བཀའ་སྩལ་ཏོ། །སེམས་ཅན་དག་གསང་སྔགས་ཀྱི་སྤྱོད་པའི་དོན་རྣམ་པར་ངེས་པའི་ཏིང་ངེ་འཛིན་གྱི་ལེའུ་རབ་འབྱམ་བྱང་ཆུབ་སེམས་དཔའི་སྡེ་སྣོད་གང་ད་ལྟ་དེའི་དུས་ལ་བབ་པར་ཤེས་ན་ཤོད་ཅིག་།དེ་ནས་བྱང་ཆུབ
227a2 སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་བཅོམ་ལྡན་འདས་ཤཱཀྱ་ཐུབ་པས་རྗེས་སུ་གནང་བས། ནམ་མཁའི་རང་བཞིན་གྱིས་རྒྱན་བཀོད་པ་རྡོ་རྗེ་སྡུག་ཅིང་སྲ་བའི་རྒྱུན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །སེམས་དཔའ་ཆེན་པོ
227a3 སྙོམས་པར་ཞུགས་མ་ཐག་ཏུ་འཁོར་གྱི་དཀྱིལ་འཁོར་ཆེན་པོ་དེ་ཐམས་ཅད་དཔག་ཚད་བརྒྱ་སྟོང་ཕྲག་དུ་མར་རྡོ་རྗེའི་རང་བཞིན་རྒྱ་ཆེན་པོར་ལྷག་པར་གནས་པར་གྱུར་ཏོ། །དེར་གནོད་སྦྱིན་དང་སྲིན་པོ་དང་། དྲི་ཟ་དང་། རླུང་ལྷ་དང་། ཤ་ཟ་དེ་རྣམས་དང་། མདོར
227a4 བསྡུས་ན་སེམས་ཅན་གྱི་ཁམས་ཐམས་ཅད་བྱང་ཆུབ་སེམས་དཔའི་བྱིན་གྱིས་བརླབས་ཀྱིས་གཞལ་ཡས་ཁང་དེ་རྡོ་རྗེ་ནོར་བུ་རིན་པོ་ཆེ་ལྟ་བུར་ཡང་དག་པར་རབ་ཏུ་གནས་སོ། །འཁོད་པར་གྱུར་པ་རྣམས་ཕན་ཚུན་རྣམ་པར་འཚེ་བ་མེད་དོ། །དེ་ནས་སེམས་དཔའ་ཆེན
227a5 པོ་དེ་འཁོར་ཆེན་པོ་འདུས་པར་མཁྱེན་ནས། ཁྲོ་བོའི་རྒྱལ་པོ་སྒྲོལ་མས་ནོན་པ་ལ་བོས་པར་གྱུར་ཏོ། །ཀྱེ་ཀྱེ་ཁྲོ་བོ་ཆེན་པོ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་འདུས་པ་འཁོར་གྱི་དཀྱིལ་འཁོར་ཆེན་པོ་འདུས་པ་འདིའི་སེམས་ཅན་ཐམས་ཅད་སྲུངས་ཤིག་།
227a6 དབང་དུ་གྱིས་ཤིག་།གདུག་པ་རྣམས་ཐུལ་ཅིག་།ཞི་བ་རྣམས་སད་པར་གྱིས་ཤིག་།མ་དད་པ་རྣམས་དད་པར་གྱིས་ཤིག་།ཇི་སྲིད་པའི་རིག་སྔགས་དང་། གསང་སྔགས་སྤྱོད་པ་རྗེས་སུ་སྒྲུབ་པ་བྱང་ཆུབ་སེམས་དཔའི་སྡེ་སྣོད་རྒྱ་ཆེན་པོ་དེ་ཉིད
227a7 ཀྱི་རིག་སྔགས་དང་། གསང་སྔགས་ཀྱི་སྤྱོད་པའི་དཀྱིལ་འཁོར་གྱི་ཆོ་ག་འཆང་བ་དེ་སྲིད་ཀྱི་བར་དུ་འདི་དག་གི་ཕྱི་རོལ་དུ་སོང་ལ་སྲུངས་ཤིག་།དེ་སྐད་ཅེས་སྨྲས་པ་དང་། ཁྲོ་བོའི་རྒྱལ་པོ་ཆེན་པོ་བཀའ་མནོས་ནས། རྣམ་པར་འགྱུར་བ་ཆེན་པོའི་གཟུགས་ཡོངས་སུ
iiif viewer powered by OpenSeadragon
