| e-texts navigator |
| Wylie |
210b1 ཉེ་བར་ཚོགས་པ་རྣམས་ལ་ཚངས་པའི་དབྱངས་དང་། ཀ་ལ་པིང་ཀ་དང་། ཀུ་ཏ་ར་དང་། བི་ཏ་རས་བསྒྲུབས་པའི་རྔ་བོ་ཆེའི་དབྱངས་སུ་གྲགས་པའི་སྒྲ་དབྱངས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག
210b2 ལ་བཀའ་སྩལ་པ། སེམས་དཔའ་ཆེན་པོ་ཁྱོད་ལེགས་པར་འོངས་སམ། སེམས་དཔའ་ཆེན་པོའི་སྤྱོད་པ་དང་། སངས་རྒྱས་ཐམས་ཅད་ཀྱི་བྱིན་རླབས་སྒྲུབ་པ་དང་། བྱང་ཆུབ་སེམས་དཔའ་ཐམས་ཅད་དོན་ཡང་དག་པར་ཐོབ་པར་བྱེད་པ་དང་། རིག་སྔགས་དང་།
210b3 གསང་སྔགས་ཀྱི་ཚིག་ཐམས་ཅད་དང་། གསང་བའི་དབང་བསྐུར་བ་དང་བཅས་པ་དང་། ཕྱག་རྒྱ་དང་། དཀྱིལ་འཁོར་དང་། རྟོག་པའི་དབང་བསྐུར་བ་དང་། ཚེ་དང་། ནད་མེད་པ་དང་། དབང་ཕྱུག་དང་། བསམ་པ་ཐམས་ཅད་ཡོངས་སུ་རྫོགས་པར
210b4 བྱེད་པ་དང་། སྒྲུབ་ཐབས་ཐམས་ཅད་ཀྱི་ཆོ་གའི་རྒྱུད་དང་། ཤེས་པ་དང་ཤེས་བྱ་དུས་ཀྱི་མཐར་ནུབ་པ་དང་། རྒྱལ་སྲིད་དང་། ཞིང་འདས་པ་དང་། མ་འོངས་པ་དང་། ད་ལྟར་བྱུང་བ་མདོར་བསྡུས་པ་ལས། སེམས་ཅན་ཐམས་ཅད་ཀྱི་བསམ་པ་ཐམས་ཅད
210b5 ཡོངས་སུ་རྫོགས་པར་བྱེད་པ་དང་། རང་གི་ཡོན་ཏན་འབྱུང་བ། གསང་སྔགས་ཀྱི་སྤྱོད་པའི་མཐར་འཇུག་པར་བྱེད་པ། སེམས་ཅན་གཞན་དགའ་བར་བྱེད་པ། མི་སྣང་བ་དང་ནམ་མཁར་འགྲོ་བར་བྱེད་པ། རྐང་པ་རབ་ཏུ་བརྒྱུས་པ། ཡིད་གཞུངས་པར་བྱེད
210b6 པ། འཆུགས་པར་བྱེད་པ། ས་འོག་ཏུ་རབ་ཏུ་འཇུག་པར་བྱེད་པ། མངོན་པར་སྤྱོད་པར་བྱེད་པ། དོན་ཐམས་ཅད་ཐོབ་པ། འབྲས་བུ་དང་བཅས་པ། གནོད་སྦྱིན་དང་། གནོད་སྦྱིན་མོ་དང་། ཅི་བགྱི་དང་། ཤ་ཟ་དང་། འབྱུང་པོ་ཐམས་ཅད
210b7 འགུགས་པར་བྱེད་པ། བྱིས་པ་དང་། རྒན་པོ་དང་། ལང་ཚོ་ཇི་ལྟར་གནས་བཞིན་དུ་གནས་པར་བྱེད་པ་སྟེ། མདོར་བསྡུས་ན་ལས་ཐམས་ཅད་བྱེད་པ། ཡིད་ཀྱི་ཤིང་རྟ་ཐམས་ཅད་རྫོགས་པར་བྱེད་པ། རྒྱས་པ་ཅན་དང་། ཞི་བ་ཅན་གྱི་ལས་རབ་ཏུ་བྱེད་པ།
iiif viewer powered by OpenSeadragon
