| e-texts navigator |
| Wylie |
207a1 ཆུང་ངམ། ལྡང་བ་ཡང་ངམ། རེག་པར་གནས་སམ་ཞེས་རྨེད་པར་བྱའོ། །དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་འོད་དཔག་ཏུ་མེད་པས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་བཀའ་སྩལ་ཏོ། །
207a2 སེམས་དཔའ་ཆེན་པོ་གང་གཱའི་ཀླུང་བརྒྱ་སྟོང་ཕྲག་གང་གཱའི་བྱེ་མ་ལ་སོགས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་ཀྱང་ཁྱོད་ཀྱི་རིགས་དང་། གསང་སྔགས་ཀྱི་སྤྱོད་པ་དང་། དཀྱིལ་འཁོར་གྱི་རྟོག་པ་དང་། གསང
207a3 བའི་དབང་བསྐུར་བ་དང་། ཕྱག་རྒྱ་དང་། རས་རིས་ཀྱི་ཆོ་ག་དང་། སྦྱིན་སྲེག་དང་། བཟླས་པའི་ངེས་པ་བསམ་པ་ཐམས་ཅད་ཡོངས་སུ་རྫོགས་པར་བྱེད་པ། སེམས་ཅན་ཐམས་ཅད་ཀུན་ནས་དགའ་བར་བྱེད་པ། རིན་པོ་ཆེ་སྣང་བའི་ལེའུ་རབ་འབྱམ
207a4 འདས་པ་དང་མ་འོངས་པ་དང་། ད་ལྟར་བྱུང་བའི་ཡེ་ཤེས་རྣམས་ཀྱིས་རང་གི་རིག་སྔགས་དང་། གསང་སྔགས་ལ་འཇུག་པར་བྱེད་པ་སྟོན་པ། མཐར་ཐུག་པར་ཟིན་པ་དང་། ནང་གི་དུས་དང་ལྡན་པ་དང་། དམ་ཚིག་རབ་འབྱམ་གྱི་ལེའུ་དང་། འཇིག
207a5 རྟེན་དང་། འཇིག་རྟེན་ལས་འདས་པ་མཐའ་དག་མ་ལུས་པར་བསྡུས་པ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་དང་། འཕགས་པ་ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའི་ས་ལ་བཞུགས་པ་དང་། སྤྱོད་པ
207a6 མཐར་ཐུག་པ་གསུང་བ་དང་ལྡན་པ་དག་གསུངས་པ་ལའང་། འདི་ལ་རྗེས་སུ་ཡི་རང་བ་ཁོ་ནའོ། །སེམས་དཔའ་ཆེན་པོ། ད་ལྟ་དེའི་དུས་ལ་བབ་པར་ཤེས་ན་ཁྱོད་སོང་ཤིག་།ཤཱཀྱ་ཐུབ་པའི་དྲུང་དུ་དེ་ལ་མངོན་དུ་ཕྱོགས་པས་དམ་པའི་ཆོས་ཀྱི་རྣམ་གྲངས
207a7 འདི་ཉོན་ལ་ཁྱོད་ཀྱང་སྨྲ་བར་འགྱུར་རོ། །འདི་ལ་ཡང་རྩ་བའི་རིག་སྔགས་སུ་འགྱུར་བ་ནི། ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ཏ་ཐཱ་ག་ཏཱ་ཡ། ཨཪྷ་ཏེ་སམྱཀྶཾ་བུད་དྷཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་ས་ཏྭཱ
iiif viewer powered by OpenSeadragon
