| e-texts navigator |
| Wylie |
206b1 བའི་སྲས་རྣམས་འདི་ནི་བདག་ཅག་རྣམས་ཀུན་དུ་སྐུལ་བར་བྱེད་པའི་འོད་ཟེར་འདིར་འོངས་པ་ཡིན་པར་ཁྱེད་ཅག་གིས་ཤེས་པར་གྱིས་ཤིག་། དེ་ནས་ཡང་སེམས་དཔའ་ཆེན་པོ་དེ་རྣམས་སྤྱན་འཛུམས་པ་སྤྱན་གདངས་ནས། འདིའི་འོད་ཟེར་གྱི་སྣང་བ་གང་ཡིན་པ་དེར་མངོན
206b2 པར་ཕྱོགས་ཏེ་གནས་སོ། །དེ་ནས་ཀུན་དུ་སྐུལ་བར་བྱེད་པའི་འོད་ཟེར་དེས་བདེ་བ་ཅན་གྱི་འཇིག་རྟེན་གྱི་ཁམས་ཆེན་པོ་ཀུན་དུ་སྣང་བས་ཀུན་དུ་སྣང་བར་བྱས་ནས་བཅོམ་ལྡན་འདས་དེ་བཞིན་གཤེགས་པ་ཚེ་དཔག་མེད་ལ་ལན་གསུམ་བསྐོར་བ་བྱས་ནས་བྱང་ཆུབ་སེམས
206b3 དཔའ་སེམས་དཔའ་ཆེན་པོ་སྤྱན་རས་གཟིགས་ཀྱི་ཡེ་ཤེས་ཀྱི་སྤྱི་བོར་ནུབ་པར་གྱུར་ཏོ། །དེ་ནས་སེམས་དཔའ་ཆེན་པོ་དེ་སྟན་ལས་ལངས་ནས། བཅོམ་ལྡན་འདས་དེ་བཞིན་གཤེགས་པ་འོད་དཔག་མེད་ལ་ལན་གསུམ་བསྐོར་བ་བྱས་ནས་མགོ་བོས་རབ་ཏུ་ཕྱག་འཚལ
206b4 ཏེ་པུས་མོ་གཡས་པའི་ལྷ་ང་ས་ལ་བཙུགས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགོངས་སུ་གསོལ་བདག་ཅག་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་གང་ན་བ་དེར
206b5 སོང་སྟེ་བཅོམ་ལྡན་འདས་མི་མཇེད་ཀྱི་ཁམས་དེ་དང་། བཅོམ་ལྡན་འདས་ཤཱཀྱ་ཐུབ་པ་ལ་བལྟ་བ་དང་། ཕྱག་འཚལ་ཞིང་བསྙེན་བཀུར་བ་དང་། རིག་སྔགས་དང་གསང་སྔགས་ཀྱི་སྤྱོད་པ་དང་། སྒྲུབ་ཐབས་ཀྱི་ཆོ་ག་དང་། དཀྱིལ་འཁོར་གྱི་ཆོ་གའི་རྟོག
206b6 པ་དང་། གསང་བའི་རས་རིས་ཀྱི་ཆོ་ག་དང་། བཟླས་པ་དང་། རིག་པའི་དབང་བསྐུར་བ་ཐམས་ཅད་ཁྱད་པར་དུ་བསྟན་པས་སེམས་ཅན་ཐམས་ཅད་ཀྱི་བསམ་པ་ཡོངས་སུ་རྫོགས་པར་འཚལ་ལོ། །དེ་སྐད་ཅེས་གསོལ་པ་དང་། བཅོམ་ལྡན་འདས་དེ་བཞིན་གཤེགས
206b7 པ་འོད་དཔག་ཏུ་མེད་པས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལ་འདི་སྐད་ཅེས་བཀའ་སྩལ་ཏོ། །སེམས་དཔའ་ཆེན་པོ་གང་ད་ལྟ་དེའི་དུས་ལ་བབ་པར་ཤེས་ན་སོང་ཤིག་།ངའི་ཚིག་གིས་ཀྱང་བཅོམ་ལྡན་འདས་ཤཱཀྱ་ཐུབ་པ་ལ་གནོད་པ་ཆུང་ངམ། ཉམ་ང་བ
iiif viewer powered by OpenSeadragon
