| e-texts navigator |
| Wylie |
202a1 མའམ། དགེ་བསྙེན་ནམ་དགེ་བསྙེན་མའམ། ཁྱེའུའམ། བུ་མོས་འདོན་པ་དང་འཆང་བར་འདོད་པས་སེམས་ཅན་ཐམས་ཅད་ཀྱི་ཆེད་དུ་ཐུགས་རྗེ་ཆེན་པོའི་སྒོ་ནས་ཐོག་མར་འདི་ལྟ་བུའི་སེམས་བསྐྱེད་པར་བྱའོ། །སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ལ་ཕྱག་འཚལ་ལོ། །བདག་གིས་ཆོས
202a2 རྣམས་ཐམས་ཅད་མྱུར་དུ་རྟོགས་པར་ཤོག་། སྤྱན་རས་གཟིགས་དབང་ཐུགས་རྗེ་ཆེ་ལ་ཕྱག་འཚལ་ལོ། །བདག་གིས་ཡེ་ཤེས་མིག་ནི་མྱུར་དུ་ཐོབ་པར་ཤོག་།སྤྱན་རས་གཟིགས་དབང་ཐུགས་རྗེ་ཆེ་ལ་ཕྱག་འཚལ་ལོ། །བདག་གིས་སེམས་ཅན་ཐམས་ཅད་མྱུར་དུ་སྒྲོལ་བར་ཤོག་།སྤྱན་རས་གཟིགས་དབང་ཐུགས་རྗེ
202a3 ཆེན་ལ་ཕྱག་འཚལ་ལོ། །བདག་གིས་ཐབས་མཁས་པ་དག་མྱུར་དུ་ཐོབ་པར་ཤོག་།སྤྱན་རས་གཟིགས་དབང་ཐུགས་རྗེ་ཆེ་ལ་ཕྱག་འཚལ་ལོ། །བདག་ནི་མྱུར་དུ་ཤེས་རབ་གྲུ་ཡིས་སྒྲོལ་བར་ཤོག་།སྤྱན་རས་གཟིགས་དབང་ཐུགས་རྗེ་ཆེ་ལ་ཕྱག་འཚལ་ལོ། །བདག་ནི་མྱུར་དུ་སྡུག་བསྔལ་མཚོ་ལས་འདའ་བར་ཤོག་།
202a4 སྤྱན་རས་གཟིགས་དབང་ཐུགས་རྗེ་ཆེ་ལ་ཕྱག་འཚལ་ལོ། །བདག་ནི་མྱུར་དུ་ཚུལ་ཁྲིམས་རྐང་གི་ལམ་ཐོབ་ཤོག་།སྤྱན་རས་གཟིགས་དབང་ཐུགས་རྗེ་ཆེ་ལ་ཕྱག་འཚལ་ལོ། །བདག་ནི་མྱུར་དུ་མྱ་ངན་འདའ་བའི་རི་འཛེག་ཤོག་།སྤྱན་རས་གཟིགས་དབང་ཐུགས་རྗེ་ཆེ་ལ་ཕྱག་འཚལ་ལོ། །བདག་ནི་མྱུར་དུ་འདུས་མ
202a5 བྱས་ཀྱི་ཁྱིམ་ཕྱིན་ཤོག་། སྤྱན་རས་གཟིགས་དབང་ཐུགས་རྗེ་ཆེ་ལ་ཕྱག་འཚལ་ལོ། །བདག་ནི་མྱུར་དུ་ཆོས་ཉིད་སྐུ་དང་མཚུངས་པར་ཤོག་།བདག་ནི་རལ་གྲིའི་རི་འཛེག་ན། །རལ་གྲིའི་རི་ནི་རང་སྙིལ་ཤོག་།བདག་ནི་ཆུ་ཚན་འཕྲད་གྱུར་ན། །ཆུ་ཚན་མེ་མུར་རང་ཞིར་ཤོག་།སེམས་ཅན་དམྱལ་བར་བདག་སོང་ན། །སེམས
202a6 ཅན་དམྱལ་བ་རང་སྐམས་ཤོག་། བདག་ནི་གནས་སོང་ན། །བཀྲེས་སྐོམ་དག་ནི་འགྲངས་པར་ཤོག་།བདག་ནི་ལྷ་མིན་གནས་སོང་ན། །ངན་སེམས་རང་ཉིད་དུལ་བར་ཤོག་།བདག་ནི་དུད་འགྲོ་གནས་སོང་ན། །རང་ཉིད་ཤེས་རབ་ཆེ་ཐོབ་ཤོག་།དེ་སྐད་དུ་སྨོན་ལམ་བཏབ་ནས་སེམས་རྩེ་གཅིག་ཏུ་བདག་གི་མིང
202a7 ནས་འདོན་ཅིང་རྗེས་སུ་དྲན་པར་བགྱིའོ། །གཞན་ཡང་བདག་གི་སྟོན་པ་དེ་བཞིན་གཤེགས་པ་འོད་དཔག་མེད་ཀྱི་མཚན་འདོན་ཅིང་། དེ་ནས་གཟུངས་འདི་ལན་ཅིག་གམ་ལན་བདུན་གྱི་བར་དུ་བཏོན་ན། བསྐལ་པ་འབུམ་ཕྲག་བརྒྱ་སྟོང་ཇི་སྙེད་འཁོར་བར་འགྱུར་བའི་ཁ་ན་མ་ཐོ་བའི་ལྕི་བ་རྣམས་བསལ་ཅིང་འབྱང་བར་འགྱུར
iiif viewer powered by OpenSeadragon
