| e-texts navigator |
| Wylie |
178b1 དབང་ཕྱུག་ལ་ཕྱག་འཚལ་ལོ། །ཏདྱ་ཐཱ། ཨ་བ་ལོ་ཀི་ནི། བ་ལོ་ཀི་ནི། པྲ་བྷཱ་ལོ་ཀི་ནི། ཛཱི་བ་ཧ་པ་རི་ཤོ་དྷ་ནི། དྷི་ད་ནི་ཡ་ག་མེ། ཨཱ་ཤཱ་པ་རི་ཤོ་དྷ་ནི། སརྦ་སཏྭཱ་མ་ནོ་ར་ཐེ། ཀཱ་ཡ་སིདྡྷེ་ཤུ་ཏིདྷཱ་ར་ཎཱི་སྨྲྀ་ཏི་དྷཱ་ར་ཎཱི་སྭཱ་ཧཱ། ཆོ་ག་ཞག་བདུན་གྱི་བར་དུ་ཤིང་ཨ་པ་མརྒའི་སོ་ཤིང་ལ་ལན་བདུན
178b2 བཟླས་བརྗོད་བྱས་ཏེ་ནང་རེ་ཞིང་ཟོས་ན་ཉིན་གཅིག་ལ་ཤ་ལོ་ཀ་བརྒྱ་བརྒྱ་ལོབས་སོ། །ཟླ་བ་དྲུག་གི་བར་དུ་བྱས་ན་ཐོས་པ་འཛིན་པར་འགྱུར་རོ། །ཤ་ལོ་ཀ་བརྒྱ་ལོབས་པ་རྫོགས་སོ།། @#། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན
178b3 པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཏདྱ་ཐཱ། ཁ་ལི་ཁ་ལི་བ་ལི་ཏེ་སྭཱ་ཧཱ། གདོང་འཁྲུ་བའི་ཚེ་ཆུ་ཁྱོར་གང་ལ་སྔགས་འདི་ལན་གསུམ་མམ་བདུན་བཟླས་ཏེ་འཐུངས་ན་ཉིན་གཅིག་ཀྱང་ཡི་གེ་ཤ་ལོ་ཀ་བརྒྱ་ལོ་བས་པར་འགྱུར་ཏེ། སྔོན་ལོབས
178b4 པ་རྣམས་ཀྱང་བརྗེད་པར་མི་འགྱུར་རོ། །ཤ་ལོ་ཀ་བརྒྱ་ལོབས་པ་རྫོགས་སོ།། @#། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ
178b5 ལོ། །བཱི་རེ་བཱི་རེ། མ་ཏི་ཏེ་ཛེ། ཏེ་ཛ་མ་ཏི་དྷཱ་ར་ཎཱི། ཤྲུ་ཏ་དྷཱ་ར་ཎཱི། ཛ་ཡནྟི་བི་ཛ་ཡནྟི་མ་ཏིདྷཱ་ར་ཎཱི་སྭཱ་ཧཱ། སྨན་བྲམ་ཧི་ཞོ་གཉིས་ཞིབ་ཏུ་བཏགས་ཏེ། འོ་མའི་ནང་དུ་བསྐོལ་ལ་སྔགས་འདི་ལན་ཉི་ཤུ་རྩ་གཅིག་བཟླས་ཏེ། ཞག་བདུན་གྱི་བར་དུ་འཐུངས་ན་གདོན་མི་ཟ་བར་ཐོས་པ་འཛིན་པར་འགྱུར
178b6 རོ། །སངས་རྒྱས་ཀྱིས་གསུངས་པའམ། བསྟན་བཅོས་ཀྱང་རུང་སྟེ། ཐོས་ན་ཉིན་ཞག་གཅིག་ལ་ཤ་ལོ་ཀ་སྟོང་ལོབས་པར་འགྱུར་རོ། །ཤ་ལོ་ཀ་སྟོང་ལོབས་པའི་གཟུངས་རྫོགས་སོ།། @#། །དཀོན་མཆོག་གསུམ་ལ་ཕྱག་འཚལ་ལོ། །བྱང་ཆུབ་སེམས་དཔའ
178b7 སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཏདྱ་ཐཱ། ཏྲི་ཤཱ་ཏྲི་ཤུ་ལ་ཤཱ་ཁི། ཨཱརྱཱ་བ་ལོ་ཀི་ཏེ་ཤྭ་རཱ་ཡ། ཨཱཛྙཱ་པ་ཡ་ཏི། བ་རེ་ན་བུ་ཧ་ལ། མྲྀད་དྷཱ་ཏུ་སྭཱ་ཧཱ། ཆོ་ག་ནི་འཕགས་པ་སྤྱན་རས་གཟིགས་དབང་ཕྱུག་གི་ཞབས་དྲུང་དུ་དཀྱིལ་འཁོར་བྱས་ཏེ།
iiif viewer powered by OpenSeadragon
