| e-texts navigator |
| Wylie |
176a1 མེད་པར་བྱེད་པ་ཞེས་བྱ་བ་འཐོབ་པར་འགྱུར་རོ། །ཚེ་འདི་ཉིད་ལ་སངས་རྒྱས་རྗེས་སུ་དྲན་པ་ཐོབ་པར་འགྱུར། སེམས་མཉམ་པར་བཞག་བཞིན་དུ་འཆི་བའི་དུས་བྱེད་པར་འགྱུར། ཚེ་རབས་ཐམས་ཅད་དུ་ཚེ་རབས་དྲན་པར་འགྱུར་རོ། །ཇི་ལྟར་འདོད་པ་བཞིན་དུ་ལས་ཀྱི
176a2 སྒྲིབ་པ་ཐམས་ཅད་ཟད་པར་བྱེད་པར་འདོད་ན། ཚེས་ལྔའི་ཟླ་བ་ཉ་བ་ལ་སྨྱུང་བ་བྱས་ལ་གོས་དཀར་པོ་བགོས་ཏེ། རིང་བསྲེལ་དང་བཅས་པའི་མཆོད་རྟེན་ནམ། སྐུ་གཟུགས་ཀྱི་སྤྱན་སྔར་ཙནྡན་དཀར་པོས་དཀྱིལ་འཁོར་བསྐུས་ལ། དཀྱིལ་འཁོར་དེ་དང་བཅོམ་ལྡན་འདས་ལ་མེ་ཏོག
176a3 སྣ་ཚོགས་གཏོར་ཏེ། བཅོམ་ལྡན་འདས་དང་འཕགས་པ་སྤྱན་རས་གཟིགས་དབང་ཕྱུག་ལ་དྲི་ཞིམ་པོའི་བདུག་པ་དང་། མར་མེ་དང་། སྤོས་ཀྱིས་བསྟི་སྟང་བྱས་ཏེ་དེ་ཉིད་དུ་འདུག་ལ་ལན་བརྒྱ་རྩ་བརྒྱད་བརྗོད་ན། དེས་སྡིག་པ་ཐམས་ཅད་དང་བྲལ་བར་འགྱུར་རོ། །མཚམས་མེད་པ
176a4 བྱེད་པ་ཡང་སྡིག་པ་བྱང་ཞིང་། ཤིན་ཏུ་ཡོངས་སུ་དག་པའི་སེམས་ཀྱི་རྒྱུད་དང་ལྡན་པ་དང་། ཤིན་ཏུ་ཡོངས་སུ་དག་པའི་ལུས་དང་། ངག་དང་། ཡིད་ཀྱི་སྤྱོད་པ་དང་ལྡན་པར་འགྱུར་རོ། །དེ་བཞིན་གཤེགས་པ་རྣམས་ཀྱིས་རྟག་པར་རྒྱུན་དུ་ཏིང་ངེ་འཛིན་གྱི་སྟོབས་དང་། དབང་བསྐུར
176a5 བའི་སྟོབས་དང་། ས་དང་ཕ་རོལ་ཏུ་ཕྱིན་པའི་སྟོབས་དང་། ཡེ་ཤེས་ཁྱད་པར་ཅན་གྱི་སྟོབས་བསྒྲུབ་པར་མཛད་དོ། །གནམ་ལ་གྱེན་དུ་བལྟས་ཏེ་བཟླས་བརྗོད་བྱས་ན་ཆར་འབབ་བོ། །ས་ལ་བལྟས་ཏེ་བཟླས་བརྗོད་བྱས་ན། ལོ་ཏོག་ཐམས་ཅད་ལེགས་པར་འགྱུར་རོ། །འབབ་ཆུ
176a6 དང་། མཚེའུ་དང་། རྫིང་བུའི་ཤུལ་དུ་བལྟས་ཏེ་བཟླས་བརྗོད་བྱས་ན་ཆུ་འབྱུང་བར་འགྱུར་རོ། །ནད་ཐམས་ཅད་ལ་ལག་པས་བྱབ་ཅིང་བཟླས་བརྗོད་བྱས་ན་སོས་པར་འགྱུར་རོ། །དྲན་པ་ཉམས་པའི་མདུན་དུ་བཟླས་བརྗོད་བྱས་ན་དྲན་པ་རྙེད་པར་འགྱུར་རོ། །བཀྲེས་པ་དང་། སྐོམ་པའི་གདོང
176a7 དུ་བལྟས་ཏེ་བཟླས་བརྗོད་བྱས་ན་ཕྱིད་པར་འགྱུར་རོ། །མི་ངས་ཆེན་པོ་བྱུང་ན་རས་ལ་བྲིས་ཏེ་རྒྱལ་མཚན་གྱི་རྩེ་མོར་བཏགས་ན། དཔག་ཚད་ཚུན་ཆད་མཚམས་གཅད་པ་དང་། བསྲུང་བ་བྱས་པར་འགྱུར་རོ། །འཕགས་པ་ལུས་ཀྱི་དབྱིབས་མཛེས་པ་ཞེས་བྱ་བའི་གཟུངས་རྫོགས་སོ།། །།
iiif viewer powered by OpenSeadragon
